視帝視後專題
林 峯
一人一票選「我最喜愛的電視男角色」，歌影視三方面都涉及的林峯必然是大熱之選，難怪他笑言要多加督促影迷會為視帝一獎拉票：「不過我自己套戲都未睇，所以其他對手嗰啲就更加未睇，評唔到邊個可以做視帝。視後就梗係徐子珊啦，得佢先駕馭到呢個角色，演出好有突破，阿妹佢係得既！」
佘詩曼
曾奪視後的佘詩曼甫聽到要選擇視帝、視後，即哈哈大笑起來：「我梗係跟觀眾啦！佢地鍾意邊個我咪鍾意邊個，如果佢地想我做視後，我都好樂意做㗎！」識做的阿佘其後補充指，徐子珊和楊怡實力旗鼓相當，未到最後一刻都猜不到誰是視後，自己兩個都很喜歡。視帝就選擇了老拍檔陳豪：「話曬同陳豪都合作過咁多次，梗係撐佢啦！」
米雪
身為視後大熱之一的資深實力派演員米雪指有留意另外三位候選人楊怡、胡杏兒與徐子珊的演出：「三個都好好， 楊怡今年一直都好努力，徐子珊好有進步，杏兒套《怒火街頭2》好好睇，但如果要揀一個我就揀阿怡。視帝方面劉松仁、黎耀祥同林峯都好難揀，如果要選一個的話我就撐番我個拍檔祥仔啦。」
陳 豪
身為視帝大熱的陳豪謙虛地感謝各位觀眾的支持：「多謝曬大家支持我，問到我支持邊個，更係話自己啦，你都話咗我係大熱囉，哈哈！講笑啫，其實獎有就有冇就冇，我都唔會強求，只要大家鐘意我我嘅角色同演技就好滿足。視後？ Aimee（陳茵媺）有份入圍，唔係唔撐佢呀？」
黃宗澤
雖然《護花危情》經已播完一段時間，但Bosco同樣是大熱之選，不過他就笑言：「諗都無諗過拿獎，真係受之有愧， 我諗即使個晚話係我，都唔夠膽行上台拿！」Bosco續言視帝這頭銜還是留給黎耀祥和劉松仁兩位前輩，至於視後方面就不敢亂下評語：「一陣答咗你地一定追問我咩咩咩呀！」
馬德鐘
「今年我也憑飛虎」提名最佳男主角，其實也估不到有份提名，有信心㗎。不過最佳男主角我選松哥（劉松仁），女主角我選子珊我也有看《名媛望族》和《雷霆掃毒》兩套劇。松哥演技好是眾所周知，我好喜歡和欣賞的演員。子珊真係做得不錯，之前也跟她合作過，佢真係進步咗，角色好突出。而最佳男配角我選陳國邦，因他在《大太監》做得好好，女配角我選江美儀。」
岑麗香
香香公主岑麗香早前演出電視劇《巴不得媽媽》，問到她的心水視帝視後時，她均選上同劇的拍檔：「我當然希望自己有份入圍視後啦，不過要我揀我會撐汪明荃同黃淑儀，我同佢地合作過，兩位阿姐都好願意教新人，實力好明顯有番咁上下，但其實個個有份入圍嘅都好好。視帝我我都好睇好林峯，之前同佢合作微電影見到佢真係好好努力。」
苟芸慧
新晉花旦苟芸慧面對今年實力平均的視帝視後名單出現選擇困難症：「我梗係希望個個有獎啦！我好欣賞米雪姐同楊怡，但淨係同徐子珊合作過，知佢私下為人點樣，以朋友身份我會投子珊一票！視帝方面我知黎耀祥好努力， 亦都好欣賞松哥劉松仁，同林峯就friend?，祥仔拎過咁多獎應該公平?今年畀其他人啦，我會投松哥一票，好想同佢合作。」
黃智賢
雖然在《雷霆掃毒》有出色演出，但失落最佳男配角提名，但阿Ben對於今屆視帝、視後覺得會是同劇中的林峯及徐子珊囊中物。阿Ben稱：「佢哋真係演得好好，而且我對呢套劇有特別感情，因為劇本寫得好，演員有做得好，最好攞埋「最佳劇集」。」
蔡一傑
所選的是黎耀祥及楊怡，傑仔稱：「黎耀祥、楊怡唔好問我點解，因為我鍾意佢哋做戲，雖然網上話林峯同徐子珊好大機會， 不過因為我鍾意，所以唔會理人哋點講，一定係黎耀祥、楊怡。」
呂慧儀
「林峯同陳豪都好好，祥仔又好好，都唔知點選擇好，個個都咁鍾意，不如大家建議TVB 人人都有獎拿，咁咪皆大歡喜囉！」視帝方面雖然無從入手，但Koni對視後卻獨有一番見解，她笑言：「如果想學京劇同豪門生活，我就一定揀楊怡，但如果我想對毒品有更深既認識，當然揀徐子珊啦！」
汪明荃
憑著《巴不得媽媽》有份入圍角逐最佳女主角的阿姐對於獎項可謂看得很淡，她直言這類大獎還是留給後生一輩， 自己有份入圍已很開心，知道劇集角色受歡迎經已足夠。問到阿姐看好誰人奪視帝視後？她謂：「無睇過其他人既劇集，但徐子珊同楊怡應該幾好，因為都聽過唔少人讚佢地好努力。男主角都係個幾個大熱啦，今年個個都做得好好！」
古明華
如選視帝必選馬國明，因為覺得馬明是一位勤力，有心的演員。他稱：「佢好努力，只係爭啲支持，如果馬明攞咗呢個獎，會對佢有好大獎勵作用。」談到視後，古明華坦言很難選，因為在他心目中有楊怡、徐子珊都做得很好，真是要看投票。他稱：「兩個都做得好，我選唔到邊個，兩個都睇好，唔好迫我揀。」
黃智雯
選的是林峯及徐子珊，她表示自己有追看《雷霆掃毒》覺得二人的演出實在精采。她稱：「以前好少見到林峯演呢種角色，今次演得好好，唔似以前嘅佢。徐子珊，因為角色經歷複雜，好多嘢發生喺身上，子珊真係做得好，好多人同情佢角色。」
頒獎典禮紀錄
最佳男主角得獎次數最多羅嘉良 (3次；1997，1998，2002)冧莊次數羅嘉良 (連續2年，1997-1998)黎耀祥 (連續2年，2009-2010)最年輕得主古天樂(29) -《刑事偵緝檔案IV》(1999)最年長得主夏雨(62) — 《溏心風暴之家好月圓》(2008)入圍五強次數最多歐陽震華，陳豪(8次,獲獎1次)最佳女主角得獎次數最多汪明荃 (2次；2001，2005)鄧萃雯 (2次；2009，2010)連莊次數鄧萃雯 (連續2年，2009-2010)年資最短得主蔡少芬、佘詩曼(7年)入圍五強次數最多宣萱(9次，獲獎1次)最年輕得主蔡少芬(25) – 《天地豪情》(1998)最年長得主汪明荃(58) – 《我的野蠻奶奶》(2005)
《萬千星輝頒獎典禮》
（英語：TVB Anniversary Awards）是由香港電視廣播有限公司主辦的頒獎典禮，《萬千星輝賀台慶》從1997年開始引入電視頒獎禮的環節，頒發最佳男女演員等獎項，以表揚全年表現出色的藝員。
2005年，模仿美國《艾美獎》，重點集中在頒獎禮部分，並在海外有發行無綫劇集的地方作現場直播。在2006年，參考新加坡新傳媒電視的紅星大獎，節目正式被分拆成獨立節目，並命名為《萬千星輝頒獎典禮》，成為無線台慶的重點節目之一。
.視帝視后專題
http://hk8news-e.blogspot.com/2012/11/blog-post_8132.html
