亞視致函特首：立即否決增發免費電視牌

你聽過光明會，天地會，紅花會。咁，聽過亞洲會未？

呢個會，今日，係呀，2012年11月11日，寫咗封信俾行政長官梁振英，唔知點解，流咗出嚟。

咁封信講咩嘅呢？呢個亞洲會話自己係一批關心香港未來同媒體生態嘅人士，佢先講出三樣嘢﹕第一﹕指摘台灣「壹電視」港媒亂台，經營不善造成社會同政治問題；而dbc停播，又搞出政治風波同對員工造成傷害；仲提到1978佳視倒閉山對業界造成好大影響。即係話呢，一間傳媒，經營不善倒閉，好大鑊架﹗

講來意未？未住。封信又講咗另外四樣嘢﹕

第一﹕亞視去年委托港大民意調查，顯示ATV同TVB收視，己成4:6之比。

第二﹕收費電視(具有收費互聯網電視)經營免費電視嘅先天優勢，一旦河水犯井水，就會對業界唔公平。

第三﹕增發免費電視牌，對業界造成惡性競爭。甚至導致政治化、台灣化現象。

講到尾，先至顯露佢條狐狸尾想點……就係「我們籲請你會同行政會議，立即否決增發免費電視牌，徹底解決此上一屆政府留下的政治問題。」

咁呢個「亞洲會」係咩嚟？咪就係亞視搞嘅囉﹗(LINK﹕http://www.hkatv.com/v5/12/asiaclub/)

呢封信，疑似張貼喺某處，俾人影低咗，喺網上瘋傳。如果呢封嘢真係出自亞洲會手筆，佢對於封殺王維基城電狼孑之心，就好清晰。

俾埋亞洲會啲資料你地睇﹕

A﹕亞洲會招募會員：

佢個網，係咁寫﹕「亞洲會的宗旨，是要凝聚所有關心亞洲電視的朋友，成為亞洲電視一股巨大的推動力。無論你是現職或曾任職於亞洲電視，是台前幕後或是粉絲，只要你關心亞洲電視，我們都歡迎你！」

B﹕亞洲會名譽會長：

高志森、龔中心、胡恩威、黃炳均（亞洲電視大股東） 、黎文卓、林貝聿嘉、潘志文、孫國林（恒基兆業地產執行董事 香港地產行政師學會副會長） 、王征（亞洲電視主要投資者） 、張協玲（美中工商聯合會會長） 、張永霖（揮揚企業主席 亞洲電視前執行主席） 、鄭明明（CMM國際集團董事長） 、鄭榮華（浙江商會會長 鴻豐集團董事長） 同周梁淑怡。

上述各位，可唔可以話我哋知，呢封信，係咪真係你地做嘅好事？亞視，你咪以為用亞洲會個名要特首唔發牌俾城電，就可以大大聲話﹕「係亞洲會發信，唔關亞視嘅事？」

.亞視致函特首：立即否決增發免費電視牌
http://hk8news-e.blogspot.com/2012/11/blog-post_2055.html