2012年11月10日星期六

傳《雷霆》男女車震斷正

傳《雷霆》男女車震斷正

車震斷正　傳係《雷霆》男女

由林峯和徐子珊孭飛的無綫劇集《雷霆掃毒》剛於周日播出大結局，估不到還有花邊後續，前晚有消息指劇中有一對男女演員，近日在新界八鄉車震斷正，坊間傳出有三個版本，矛頭直指吳綺莉、鄧梓峰、黃子雄、官恩娜和MC Jin等，吳綺莉昨謂傳聞好笑，官恩娜也說：「唔係我。」

無綫劇集《雷霆掃毒》剛播完未及一周，前晚卻傳出該劇有一對男女藝人近日被爆車震，當中還出現三個版本，有傳是吳綺莉跟鄧梓峰、也有指她與黃子雄，另一版本則是官恩娜和歐陽靖（MC Jin），他們昨日先後否認。

無綫劇《雷霆掃毒》播完未及一周，卻爆出同劇男女演員車震事件。資料圖片

車內女子已脫短褲

有消息指新界北日前有一部衝鋒車夜晚經過八鄉七星崗巡更，發現一部七人車停泊路邊，車長安排警員下車用電筒向七人車廂照射，有指《雷》劇男女藝員在車上，當時女方短褲已脫到膝頭位置，男方則壓在女方身上，該對男女看見電筒光即尷尬穿回衣服，並向在場警員求情不要公開，據知當時警員只是向當事人口頭警告，放生兩人，事件前晚開始在網上瘋傳。

網上前晚開始瘋傳，有《雷》劇男女演員在車廂衣衫不整，被路過警員發現。

傳聞男女演員車震事件，在八鄉七星崗發生。

車震男女到底是誰？有矛頭直指兩對劇中男女，分別是52歲人夫鄧梓峰、47歲的黃子雄和39歲單親媽媽吳綺莉，以及30歲剛為人父的MC Jin和33歲的官恩娜。

吳綺莉昨日到商台開咪，離開時被記者追問車震傳聞，她笑說：「咁好笑，唔係啩，我同佢（鄧梓峰）唔熟，拍劇有合作，我都冇佢電話。佢係咪唔喺香港，我聽《雷》劇同事講佢去咗外景。」吳綺莉昨日在電台節目評男人，她認為鄧梓峰是哪種男人？她說：「我同佢交往僅止於開廠拍劇傾嚇偈，點知佢係乜嘢人？」吳綺莉強調只跟鄧梓峰同廠冇同車，她說：「係都只係同公司車外景。」

黃子雄：係未必會認

其後吳綺莉離開電台便獨自駕車去做運動，然後才返大埔汀角路寓所，她接受訪問說：「我同佢（鄧梓峰）關係只係TVB同事，私底下冇見面冇聯絡。」吳綺莉估計被人整蠱，她說：「我諗緊呢排係咪得罪人。」吳綺莉表示不認識貌似鄧梓峰的朋友，她指偶爾也有去元朗和粉嶺，她說：「我都係去騎馬。」

【警查車震男女示意圖】傳聞有衝鋒車途經八鄉七星崗，發現一部七人車停於路邊。

警員上前用電筒照射查看車廂，看到男女藝員在車內親熱，衣衫不整，二人尷尬穿回衣服。

男女藝員向警員求情不要公開事件。

黃子雄獲悉被指跟吳綺莉傳出車震，他昨在電話中說：「當然如果係我未必會認，我知嗰個一定唔係我。我哋戲中雖做一對，但唔係咁熟，傾偈佢都係講個女。」黃子雄表示就算去八鄉也只是拍外景，他相信女友不會誤會他。

鄧梓峰大前日已離港到英國拍無綫劇集《衝上雲霄II》，他昨日先透過短訊否認：「完全無可能，無同吳小姐有任何聯絡！請作古仔嘅人存厚德，唔好作咁離譜嘅嘢。」

鄧梓峰：唔做呢啲嘢

記者昨午致電鄧梓峰，他勞氣說：「好離奇，我同吳小姐唔熟，淨係拍嗰幾場戲傾嗰幾句，我哋都冇聯絡。我從來唔會做呢啲嘢，邊個傳出來，我歡迎佢拎啲證據同我對質。」鄧梓峰表示太太會信任他，他續說：「我怕件事影響屋企人，我咁啱出咗去拍嘢，令我心掛掛。」鄧梓峰不甘好老公形象受損，他說：「俾我知邊個傳出，我實告上法庭。」擁有小型飛機執照的鄧梓峰表示，平日就算到石崗揸飛機，僅限於日間。

官恩娜對於被傳跟MC Jin有車廂親密行為，她昨日在電話堅決否認：「一百巴仙唔係我，我冇保母車，連八鄉喺邊都唔知。我冇劈腿，唔會做啲對唔住男友嘅事。」MC Jin助手昨回覆指他上月底已返美探妻兒，下月初才回港。

《雷》劇男主角林峯正身處內地開工，其經理人Candy昨日代為澄清說：「林峯一直喺內地工作，直至日前返港後都係從早到晚工作，根本冇時間出外。」黃智賢昨日也說﹕「係咪有人惡搞？我唔會去八鄉談心，只會同太太留喺屋企。」近日忙開劇的何傲兒昨日說：「我呢排冇去元朗，一定唔係我，加上我會對自己行為檢點。」苗僑偉昨日也回應：「冇聽過呢件事，我最近冇去八鄉，又唔係拍嘢，無端端點會走去嗰度。」徐子珊說：「我冇聽過呢啲事，不過我覺得唔會係真，只係傳聞啫！」

採訪：丁寧

攝影：黃曉程、黃偉雄