九龍城→將軍澳
朱慧敏、Eddie趕住返愛巢滾
【今日我至烚】素顏慨朱慧敏同Eddie買齊火鍋料上樓，天氣都未轉冷就要烚嚇烚嚇，真系好有feel。
朱慧敏喺05年同梁榮忠因車震而搞到聲名大噪，今年初渠同EO2成員彭懷安（Eddie）撻著，雖然朱慧敏一直唔肯承認戀情，但渠哋不時俾人撞破拍拖煙韌。好似前晚咁，朱慧敏又同Eddie拍拖去九龍城買餸返愛巢打邊爐，認真sweet到震。
拍住拖買餸
前晚7點半，記者喺九龍城福佬村道撞見朱慧敏同Eddie，渠兩個啱啱喺一間牛肉專門店行出嚟，之後齊齊上咗Eddie部Honda。原來渠哋order咗牛肉，但唔想企喺鋪頭里面等咁揚，所以就一齊上番車等。大概幾分鍾之後，Eddie再落車畀錢同攞牛肉，然後由Eddie揸車返去渠哋將軍澳清水灣半島愛巢。
唔知渠哋系咪好心急返歸開餐，Eddie竟然有停車場唔泊，就咁將部車泊喺大廈門口。跟住兩個人挽住一袋二袋好似系打邊爐慨食物返上樓，睇嚟准備大滾特滾。
.九龍城→將軍澳 朱慧敏、Eddie趕住返愛巢滾
http://hk8news-e.blogspot.com/2012/10/eddie.html
