媽咪姐
減 20磅下周復工 楊千嬅：「要睇嚇通勝先！」
2012年10月19日
減肥係女人嘅終生事業，呢一點其實唔使多講，但近年個世界嘅要求真係愈嚟愈高，大家開始覺得連生完 BB嘅女人都應該可以逆轉定律，神速修身！娛樂圈中嘅神奇人辦首推陳慧琳（ Kelly），佢愈生愈 fit，令人一度懷疑天後借肚產子。眼見 Kelly修身成功，另一位歡樂天後楊千嬅又點可以放軟手腳？早幾日，媽咪姐去君悅食個 lunch嘅時候撞到佢，見佢塊面已經尖番，又有番條腰，修身有成績喎！
著到靚靚嘅千嬅，仲笑曬同媽咪姐講：「依家要湊 B同餵奶，好忙呀！今日有親戚結婚，先可以出嚟飲咋。（咁幾時復工呀？）哈哈哈，要睇嚇通勝先！」
其實天後口密啫，媽咪姐八到，佢早前搵咗營養師幫佢開修身餐單跟住食，又叫健身教練返屋企教佢做運動修身，一得閒仲孖住老公丁子高落街喪跑，所以喺短短個半月，已經瘦咗差唔多 20磅！天後啲靚太 friend仲透露：「依家千嬅一見到食物，就有一堆卡路里嘅數字標曬上腦，好忍得口！而且佢個『陪月』好好，煮啲清淡又有營養嘅嘢俾佢食，所以瘦得好快。」
咁又係呀，搣甩脂肪同撇甩衰男人一樣，唔使急，但最緊要快！查實勤力嘅千嬅，上兩個禮拜已經拍咗個護膚品廣告，下個星期就會出嚟同大家 say hi嘞！做咗阿媽嘅女人，確係堅。
.[忽然1周]減 20磅下周復工 楊千嬅：「要睇嚇通勝先！」
http://hk8news-e.blogspot.com/2012/10/1-20.html
