FIFA 13
FIFA 13 - FIFA 13陰濕招盡收錄
足球遊戲大作《FIFA》系列資料夠真，但為人詬病係球員動作唔夠神似，AI又爭少少。經呢幾年嘅努力，依家各方面都做得好逼真！即將推出嘅最新版本《FIFA 13》相比上集變化唔算太大，但玩過Gamescom試玩版本，發現球員控波、爭身位時都夠像真，輸身位時，可以鬼鬼祟祟加力推人背脊，等佢失平衡再攞波，陰濕招都模擬得到！
FIFA 13 - 背脊出掌攞身位
其實上一版本 《FIFA 12》 已經有Player Impact System，即係模擬球員碰撞時的真實物理反應，可以鬥食身位攞波。可是系統有瑕疵，自己球員會失驚無神撞埋一堆，又未必做到先食位後攞波。今年新版本就改善咗，更可以出埋陰濕招，就算輸咗身位、輸咗先機，後衞都可以喺對方前鋒背後出手推，等佢失平衡射門「撻Q」或者控球甩腳，夠真實。而且就算無對手壓迫都好，接應遠距離傳球都偶有失腳，個波往往彈離身幾丈遠，要知道並唔係個個球員都係貝碧托夫，呢樣確實像真！ |
FIFA 13 - FIFA 13陰濕招盡收錄 |
FIFA 13 - 巧妙走位破越位
AI系統係《FIFA 13》另一處改良咗嘅地方，不論傳波定走位皆有改良。以前明明想交直線畀最遠走空位嘅隊友，但電腦往往會交咗畀較近嘅隊友。《FIFA 13》就唔同，交波可以隨心所欲，而且電腦AI強，隊友會識得走位迎波，當交波畀隊友甲，隊友乙會即時改變原有路線配合走位；仲有今集隊友唔會盲目死衝接應直線而越位，反而會聰明地兜後走，跟後衞平排後再向前走破越位陷阱，亦識得接應兩邊傳中時從盲眼位楔入搶點，超真實。至於處理罰球亦有心思，攻方可以選擇由三個球員諗計炮製，而守方可以隨時加減人牆人數，或者安排球員飛身出去攔截，但最陰濕係可以偷雞移前兩步。
 |
FIFA 13 - FIFA 13陰濕招盡收錄 |
FIFA 13 - 現實世界融入遊戲
《FIFA》系列嘅球隊同球員資料出名夠多夠齊，《FIFA 13》已確認有得玩30個地區聯賽，不過最新加入嘅沙特阿拉伯聯賽真係可有可無，反而有唔少Fans嘅阿根廷聯賽就未見影。最抵讚係《FIFA》系列會將現實足球世界融入遊戲入面，好似真實球員受傷、停賽、狀態滑落都會喺《FIFA 13》反映出嚟，甚至乎球員最新嘅花邊新聞消息，都會不時Update放入球賽評述入面，唔怕玩成年都係得嗰F幾句評述咁悶。至於封面就用上阿根廷球王美斯，佢之前連續三年都係對家《Winning Eleven》系列嘅封面人物，嘩！球王跳槽喎！FIFA 13
.FIFA 13 FIFA 13陰濕招盡收錄
http://hk8news-d.blogspot.com/2012/09/fifa-13-fifa-13.html
