是是但但
10級山路扮 6000級 純愛《天梯》硬變強姦爭產劇
2012年09月12日10年 C AllStar一首〈天梯〉除 咗橫掃 YouTube和 K場外，亦令大家知道呢對內地老妻少夫 嘅純愛故事。催淚橋段當然引來無 綫「致敬」攞 嚟拍劇，仲強調真人真事，不過為配合師奶口味，無綫加插爭產橋段都未夠喉，實行再加陳茵媺先做小三再被輪姦勁慘角色吊味。
將純愛故事變成港式師奶劇，最慘係原著條 6000級感人長樓梯，竟然要去馬鞍山後山拍攝，搵條得十幾級樓梯 嘅山路是但拍，無綫風格夠曬統一。
繼《心戰》做變態殺人狂，陳豪 喺下週一（ 17日）播映 嘅新劇《天梯》回歸做癡心情長男。該劇根據重慶一對老妻少夫（劉國江，徐朝清） 嘅真實故事，丈夫為令妻子上落山方便，用雙手由山腳開始起了 6000級樓梯，條橋如落在韓劇中，一定煽情去盡。
迎合師奶
原著真摰感人，可惜無 綫為要迎合師奶口味，竟硬加師奶最愛 嘅爭產橋段，原著兩位主角住深山與世無爭，但為 咗要有曲折橋段，將陳豪同張可頤設定喺葯廠相識，之後因為張可頤老公張國強死 咗，於是又順理成章爭家產。知情者說：「原著條橋捱唔到 20集，咁咪要加 啲戲落去拖長佢囉！」爭產不特止，為配合主人翁年紀，要明明只係大陳豪兩歲的 43歲張可頤變老 10年，仲嫌純愛大橋唔夠爆，加多個陳茵媺落去，劇中角色超慘，先做張國強小三，及後更被流氓因姦成孕，簡直未睇都預知劇情。
純愛橋段變師奶味，最慘連最緊要 嘅 6000級樓梯，因製作費所限，冇得去重慶拍攝，惟有 喺馬鞍山就地取材，將 6000級愛情天梯，降級為 10級山路算數，貫徹無綫是但作風。週一（ 10日）外事部副總監曾醒明對本刊說：「諗過出外拍嘅，不過演員檔期唔得吖，惟有就地取材啦，（加咗好多爭產戲嚟迎合師奶喎？）咁要豐富個劇情先得㗎嘛。」
天梯變景點
今年 6月我哋去到重慶拍音樂紀錄片，其實山路好崎嶇，根本上唔係人行，又有懸崖又有青苔，最慘就係國內話變咗旅遊景點區，其實呃人，已經俾好多人破壞曬，我哋希望今次套戲 12月上映嘅時候，可以籌到錢畀婆婆重建條樓梯。
陳茵媺因姦成孕
《天梯》除 咗陳豪、張可頤外，劇中最搶就係陳豪嫂陳茵媺，劇中先做張國強小三，之後更被張可頤兜巴星，然後再被流氓強姦，跟住仲有 咗，全劇由頭喊到尾。
.[FACE]10級山路扮 6000級 純愛《天梯》硬變強姦爭產劇
http://hk8news-d.blogspot.com/2012/09/face10-6000.html
