亡國興日以繼夜

亡國興日以繼夜

最新嘅實驗證明，拉布真係會拉到人都癲！上星期短短兩日嘅立法會會議內，先後發生象哥（黃定光）假死、黃國健入錯戲院、金勞詹決定解散立法會等靈異事件。

▲圖：亡國興日以繼夜

王國興精神分裂得厲害

精神分裂得最厲害嘅，應該係工聯會嘅王國興。佢喺一個星期內，先後幻化成西鐵男、立法會曾灶財、 rapper亡國興等多個角色。佢嘅一手書法，仲俾網民製作成《拉布帖》，以弘揚拉布文化。

經過兩日拉布戰後，亡國興嗰句「日以繼夜，夜以繼日，再日以繼夜，夜以繼日，同你哋玩落去」嘅狂野 soundbite，好快就俾網民製作成 rap版惡搞歌，喺 YouTube日以繼夜，夜以繼日，再日以繼夜，夜以繼日咁無限 loop落去。

▲圖：亡國興日以繼夜

成功讓藝術變得政治化

有網民更將佢喺立法會寫書法嘅相，惡搞成道士 look，笑佢喺議事堂內鬼畫符。不過亡國興嗰手書法，都有人欣賞㗎。網上噚日就流傳一幅《王國興拉布帖》九宮格，「浪費公帑日誌我拉布你找數」幾個字蒼勁有力，一筆一畫間流露出對泛民拉布嗰種無奈、怨恨同自殘之意，成功讓藝術變得政治化。製作《拉布帖》嘅網民話，咁做係想「表彰王國興同志成就。銘記王同志活用時間之絕妙創意」。

原文:亡國興日以繼夜

keyword: 亡國興日以繼夜

▼亡國興日以繼夜 相關影片: