一出道就被群模圍剿整容隆胸年齡報細數得「賤娜」寶號，22歲𡃁模Jeana（何佩瑜）繼續唔認衰，一早話過：「反正被人屈，索性整靚啲！」。原來寸嘴本色坐言起行，Jeana唔聲唔聲榮升「變靚D」代言人，上月偷偷做埋手術。
改造雙眼皮、瘦面加美鼻後，Jeana仲嫌唔夠喉，密謀加工不倒胸。三年前平胸出道，去年升cup做新8模，Jeana今次擺明隆上癮，甚至話要去到F cup做香港最大胸𡃁模：「既然要整，就要整到最大！」
封面
一出道就被群模圍剿整容隆胸年齡報細數得「賤娜」寶號，22歲𡃁模Jeana（何佩瑜）繼續唔認衰，一早話過：「反正被人屈，索性整靚啲！」。原來寸嘴本色坐言起行，Jeana唔聲唔聲榮升「變靚D」代言人，上月偷偷做埋手術。
改造雙眼皮、瘦面加美鼻後，Jeana仲嫌唔夠喉，密謀加工不倒胸。三年前平胸出道，去年升cup做新8模，Jeana今次擺明隆上癮，甚至話要去到F cup做香港最大胸𡃁模：「既然要整，就要整到最大！」
書展一過，𡃁模熱極速降溫屍橫遍野，惟獨寸嘴又肯搏肯剝的Jeana成功留低，商場夜店繼續搶手，新戲《喜愛夜蒲》公認最搶，下月還有舞台劇《偷窺》公映任嵋。看似日日有報上，本刊記者發現上月中Jeana離奇失蹤一星期，全靠經理人公司發相發料保持曝光。再次蒲頭，神奇眼大鼻高變靚咗，唔通又賴「化妝技巧進步」？
下一站隆胸
第二個就諸多藉口，Jeana勝在做咗唔怕認，唔只承認成為醫學美容代言人，失蹤一星期為執靚樣，還帶埋記者登上「變靚D」旺角分店，會面一早預約的顧問，大膽承認下一步隆胸：「唔好睇我拍寫真好勁，又俾人話係不倒胸，其實我做嘢、着比堅尼真係戴nude bra墊出嚟，但係下下做嘢前要左攝右攝又要就位，真係好煩。今時今日醫學美容好普遍，女仔想自己更加靚啲更加完美啲有咩問題？我講過好多次話我冇整容，反正都冇人信我，當正我係。今次公司幫我傾代言，我想一勞永逸隆埋胸，以後做嘢咪慳番好多時間囉。」
逐忽執
上月尾離奇失蹤一星期，Jeana原來已經在「變靚D」執齊眼、鼻同瘦面，佢聲稱唔使半日執完無疤無痛仲可以保持12至18個月，做代言人出行力sell。
鼻 透明質酸窿鼻
鼻樑植入透明質酸，佢即時硬銷又挺又直：「鼻唔係高就得，都要符合黃金比例，醫生手勢好好，唔會好似啲人搞到小醜鼻咁醜怪！」
面 Botox瘦面
兩頰打入botox瘦面兼塑型：「功效有成1年至年半，真係好方便。其實醫生覺得我顴骨都可以再塑型飽滿啲，我book緊期打多針！」
眼 日式雙眼皮
將眼蓋脂肪抽出，再加吊線五針，加深雙眼皮：「我對眼皮本來顯得浮腫，咁樣（手術後）就冇睡眼、加深雙眼皮仲更有神，出街唔使化妝！」誇張啲喎，你𠵱家咪又係化到行！
胸 僭建竹筍胸
以前就話鹽水袋隆胸奇形怪狀仲有漏水危機，Jeana即將於年尾隆入的就是最新科技第五代水滴形矽袋。諮詢當日，Jeana親手試過鹽水袋同水滴矽袋手感：「真係爭好遠，水滴形即係竹筍胸，胸形好靚，質感仲好似真胸。」不停硬銷。
不過醫生都話，任何手術都有危險，例如矽袋破裂、矽膠擴散、傷口發炎等，貪靚都要諗清楚呀！
莊思敏藐爆：佢一早整咗！
去年8月公開割雙眼皮兼隆胸成為Dr. Reborn代言人的名模莊思敏，對於醫學美容界新代言對手Jeana隆胸大計勁藐，仲話要忠告簽下Jeana的「變靚D」：「多餘！佢唔係一早整咗咩？佢畀我嘅感覺係大話精，我對佢嘅嘢冇咩留意，唔係好想回應，但係佢對胸不嬲已經好硬，真係好難留意唔到。每個人宣傳手法唔同，我不予置評。佢係唔係整容整上癮，我都冇興趣知，要忠告都係忠告變靚D，有啲人以前做手術喺第二間，發生啲咩事累咗佢哋聲譽就唔好啦！」
長洲瘟仔過夜假分手
又話同四年男友分手兼搬離愛巢，上週六（8日）本刊卻目擊Jeana與男友帶住三隻愛犬甜蜜遊長洲，過埋夜。
上週六（8日），Jeana與男友約埋大班朋友往長洲東堤玩，一行人在度假屋天台燒烤，又煙又酒的Jeana12點未夠已經半醉，男友細心跟到實。
假新歡
Jeana走紅後緋聞多多拍戲亦不少親熱戲，上月傳出因此與男友分手消息，還自爆有同公司新歡La Ying，仲幫手執拾細軟搬離愛巢！原來都係假！
禁慾三個月
上週五（7日）上午11點，素顏Jeana在「變靚D」會見顧問，會面話題正是圍繞將於11月進行的隆胸手術：「我10月要做梁奕倫嘅舞台劇《偷窺》，嵋家接job都盡量避開11月，就係想留個期做手術。」會面時間一小時，除了檢查較早前的改造眼、鼻效果外，Jeana不斷向顧問查詢隆胸細節，如植入矽袋會否影響日後生育外，最關心當然係本來33C的她，上圍皮膚最多能承受僭建多少外來物。唔少𡃁模例如楊梓瑤及陳靜有「E cup」，Jeana誓要向F cup挑戰，「其實話整到最大都係我一廂情願，都要睇到時見醫生聽醫生意見，除咗樣係要跟黃金比例，上圍佢哋都建議我揀番自己承受到嘅size。醫生幫我揀係最新嘅水滴形矽袋，手感好真又唔會穿、唔會有物質外漏，只要手術後三個月勤按摩、唔好做劇烈運動同抬高對手，好快皮膚就適應到外來物。
踢爆假分手
所謂劇烈運動，Jeana直認包括做愛：「冇話唔得，但頭三個月都唔可以太大動作。其實我同男朋友都處於冷靜期，淨係電話聯絡，對我冇乜影響。」表面放風與圍村有米男友分手、又當眾提起男友傷心淚流，本刊卻發現第二日（8日），Jeana即甜蜜蜜拖住男友、帶埋三隻愛狗同大班朋友入長洲，燒烤放狗又煙又酒過埋夜，講嘢大膽，但冇幾成真。假分手斷正，Jeana對住記者一樣口硬：「係佢（男友）打電話氹番我之嘛……我不嬲都冇話分咗手，我係話我哋兩個冷靜緊之嘛！」拍拖四年，有傳圍村男友不習慣女友做明星、又不滿意女友整容隆胸拍性感戲，今次Jeana立定決心僭建，男友就拒絕評論。A級變C級，兩個月前Jeana男友還讚過手感好，C級再想僭建到F cup，手感有冇升級就真係要試過至知啦。
偷窺後升級
把心一橫要做「胸」前最強的Jeana，其實一早已經想做手術。不過隆胸手術需時較長，需要全面停工，人氣急升的Jeana工作排到年尾，尤其係梁奕倫操刀、擔大旗的舞台劇《偷窺》，排練加15場公映絕對不能停工。不過鐵定11月27日尾場後，Jeana就會暫時休息，2012就可以重新挺胸做人！ ####
隆胸前度位
本來已經有33C上圍的Jeana以六位數字成為「變靚D」代言人，將接受隆胸手術。上週五，上美容中心向顧問諮詢。
上年平版咪
上年為日籍攝影師米原康正拍攝寫真時，Jeana身材平板，只得B cup。
'08 三年前Jeana參加本刊模特兒比賽面試時，無眉道人樣勁驚嚇，三年後點只變靚D：「我話冇整都冇人信，邊個女仔唔想個樣同身材完美啲！」
水滴形矽袋每隻由80cc至850多cc，想要幾大有幾大，質感貼近乳房外，聲稱𠝹穿都唔會有流質外漏。
9/10
8/10
《蘋果日報》圖片
229期《FACE 週刊》
