2013年11月20日 星期三

佔領視后 買 now創業作  TVB硬捧周麗淇 周麗淇,TVB,MF,




即將成為無綫親生女嘅 Niki,近日出席活動時相當風騷,反而未同無綫續約嘅林峯就冇乜心機。

真面目

佔領視後 買 now創業作  TVB硬捧周麗淇

無綫頒獎禮下個月就到,雖然人人嗌熄電視唔睇,不過視帝視後依然大把人討論。

最近有傳無綫收視福將的周麗淇,以簽做親生女作籌碼換獎,明剃大熱門鍾嘉欣眼眉。據知,曾經因鄭嘉穎而得罪樂易玲的 Niki,最近頻頻主動約對方食飯,又向樂易玲開出「賣身」條件,所以臨近頒獎禮才傳出 Niki同鍾嘉欣不和!為表誠意,無綫更高價購入 Niki和林峯主演, now TV的創業作《大漢賢後衞子夫》。為捧 Niki做視後,內部做足曬工夫,係爭在啲民意啫!

34歲周麗淇一向想做歌手,去年打鑼打鼓加盟林建嶽和任賢齊的大嶽文化,可惜出碟無期,但至 04年開始, Niki幫無綫拍劇,即使非親生女,但每套劇收視都唔錯,據聞 Niki打算將經理人約簽給無綫,做唔成歌後都要爭視後,最近經常約樂易玲等高層飯局拉關係。

金牌監製梅小青同劉家豪離開 TVB,為 now TV開拍古裝劇《大漢賢後衞子夫》,仲搵到林峯同周麗淇省招牌,點知呢套 now頭炮居然俾 TVB買咗,分分鐘播先過 now!《蘋果日報》圖片

劉家豪、梅小青

花旦買少見少

近日傳出周麗淇決定簽無綫經理人約做親生女,但條件係要攞今屆視後!據知無綫方面都想簽 Niki,加上近年擔得大旗的花旦買少見少,佘詩曼、陳法拉已離巢,楊怡、胡杏兒亦即將約滿,剩得鍾嘉欣同徐子珊算有叫座力,難得福將 Niki肯簽,無綫當然𦧲飯應。

「 Niki仲有 1年左右普通藝員約,本來個個都以為佢唔會俾 TVB綁死,但佢呢排成日打畀樂小姐約食飯,仲話搵定套靚衫出席台慶頒獎,係人都估到咩事啦!」知情人士透露。

修補關係

Niki同樂易玲曾因鄭嘉穎而交惡,不過 Niki近年積極同對方修補關係,現時已成為樂小姐愛將。

出碟無期

Niki去年 7月簽約任賢齊旗下「大嶽文化」,但歌唱事業依然冇起色,只好爭做視後。

08年同鄭嘉穎分手後,男方曾在內地爆紅,但最近風水輪流轉,嘉穎跌價失寵,相反 Niki就簽 TVB被力捧。

唱埋主題曲

今屆視後大熱原本屬意極有觀眾緣的鍾嘉欣,可惜嘉欣 BB前排傻更更同無綫簽了 8年長約,就算今年做唔成視後,嘉欣 BB亦冇得扭計抗議,更加唔使旨意離巢。

8年長約成鍾嘉欣致命傷,卻造就周麗淇。為幫準視後打嚮頭炮,無綫已向 now TV買入 Niki同林峯主演的電視劇《大漢賢後衞子夫》,仲安排 Niki唱主題曲,一條龍穀人氣。知情人士說︰「套劇係劉家豪梅小青兩公婆離開 TVB嘅第一套劇,估唔到 TVB都肯買嚟播,仲用好高價錢,話點都要早過 now TV首播。」本週一,記者致電梅小青,她說:「排緊期國內播先, TVB係好有興趣買,但呢一刻未傾好,套劇做緊後期。」據知兩位主角近日亦度期返無綫為劇集配音,擺明捧到上天。週日,本刊致電 Niki經理人王敏慧 Marianne,她說︰「套劇 TVB係買咗,但未知幾時播。(簽無綫做親生女?)仲傾緊。」嘩!周麗淇做視後,大家點睇?

Niki喺《好心作怪》同三哥、 Bosco搞三角戀,收視唔錯,網友亦讚 Niki演技有進步。

鍾嘉欣喊功犀利,年初《玩嘢王》嘅表現更獲選為「民間視後」,可惜喺《巨輪》發揮一般,被田蕊妮演嘅「倀雞英」搶曬鏡。

Marianne  Niki現任經理人「同無綫仲傾緊!」

周麗淇一向識做人,上年出席活動時見到無綫兩代揸 fit人陳志雲(中)同殼王陳國強(右),即刻笑曬主動握手!

周麗淇掛名女一

《蘋果日報》圖片

《大漢賢後衞子夫》由 now TV同內地華策影視出品,亦係 TVB前金牌監製劉家豪夫婦的新作,由家豪哥擔任總製片人及總導演,梅小青則是總編劇。雖然香港宣傳一直以林峯同周麗淇做膽,但其實劇集主要講漢武帝(林峯飾)皇後衞子夫的一生,而飾演衞子夫係內地演員王珞丹,「平陽公主」 Niki戲分不重,佢同佢位高富帥男友徐正曦在故事大綱內亦冇提及。

視後走勢

今年視後冇曬神枱級花旦參與,得番一班後生女爭食。要數大熱門,只係有套《好心作怪》的周麗淇同《巨輪》的鍾嘉欣,不過嘉欣 BB唔夠搶鏡又冇籌碼在手同 TVB談判,好似輸蝕咗啲喎!

黑馬

楊怡

《仁心解碼 II》

《 On Call 36小時 II》

胡杏兒

《衝上雲霄 II》

冇行

陳法拉

《衝上雲霄 II》

《法外風雲》

徐子珊

《神鎗狙擊》



. 佔領視后 買 now創業作  TVB硬捧周麗淇 周麗淇,TVB,MF,
http://hittt.blogspot.com/2013/11/now-tvb-tvbmf_20.html
. 佔領視后 買 now創業作  TVB硬捧周麗淇 周麗淇,TVB,MF,
http://hittt.blogspot.com/2013/11/now-tvb-tvbmf_20.html
. 佔領視后 買 now創業作  TVB硬捧周麗淇 周麗淇,TVB,MF,
http://hittt.blogspot.com/2013/11/now-tvb-tvbmf_20.html
. 佔領視后 買 now創業作  TVB硬捧周麗淇 周麗淇,TVB,MF,
http://hittt.blogspot.com/2013/11/now-tvb-tvbmf_20.html
. 佔領視后 買 now創業作  TVB硬捧周麗淇 周麗淇,TVB,MF,
http://hittt.blogspot.com/2013/11/now-tvb-tvbmf_20.html