2013年11月20日 星期三

被收聲 許亦妮嗲錢國偉兇收口 寸嘴 Barbie: 許亦妮,錢國偉,MF,




寸嘴 Barbie雖然出名寸嘴,但面對導演「收口令」,當然唔想被封殺,但都直言片場入面個個「尊敬」許亦妮。

真面目

被收聲 許亦妮嗲錢國偉兇收口 寸嘴 Barbie:𠵱家啲港姐大曬!

《夜蒲 3》自開拍以來是非多多,先係擔正的陳靜 DaDa退出,搞到要臨時易角,換上許亦妮頂替。之後又爆出許亦妮搭上有米高層盧啟邦,欺淩戲中一班𡃁模,被狂數扮大牌、呼喝新人、搶戲服和卸膊四宗罪。

文凱玲 Connie、寸嘴 Barbie夏尉喻、雨僑和何佩瑜 Jeana齊齊受氣,原本眾女齊齊指證,但劇情峰迴路轉。據聞帶頭數爆許亦妮的文凱玲,已被禁出現電影宣傳,導演錢國偉亦向各人出「封口令」,唔怪得被許亦妮屈偷睇電話信息的寸嘴 Barbie,都笠曬水,不過都忍唔住:「𠵱家啲港姐真係大曬!」

其他影片

最近爆出許亦妮( Whitney)搭上有米高層男友,成功由女主角再升呢做「老闆娘」,片場打橫行,被戲中一眾𡃁模逐一數臭。受害人之一的文凱玲,更大爆被 Whitney搶過兩次私夥衫,其後寸嘴 Barbie、雨僑和 Jeana都一人一句加多腳。不過,據知導演錢國偉講到明自己偏幫許亦妮,下令所有女演員收口,而文凱玲更首當其衝,「被消失」各宣傳活動。

許亦妮擔正《夜蒲 3》女主角,又有富貴男友撐腰,家下導演又力撐,就算在片場蝦蝦霸霸,其他配角好似 Barbie都只能啞忍。

Barbie在《夜蒲 3》與港男吳雲甫有激情肉搏場面,要裸露上身,首次大膽演出,當然怕被封殺,最怕就梗係 cut戲啦!

行先死先

「自從 Connie(文)同報紙指證 Whitney,錢國偉同伍健雄(監製)即刻落咗 order,唔畀 Connie出席所有《夜蒲 3》嘅宣傳活動,擺明攞 Connie開刀殺一儆百。雖然個個都知係 Whitney唔啱,但所有演員都收到通知,邊個再講 Whitney壞話,就會同 Connie同一下場!其實最受氣唔係 Connie,有次 Barbie被屈偷睇電話,仲喺片場俾 Whitney呼喝先最慘。」劇組人員透露。

原來, Barbie和許亦妮是共用一位化妝師,當日 Barbie同化妝師在許亦妮身後傾偈,許亦妮忽然彈起身,指住 Barbie大喝︰「喂!你做咩睇我電話?」之後寸嘴 Barbie不停擰頭話冇,仲即時死狗道歉,許亦妮「哼」一聲就繼續化妝。

問到勒令叫一班女星收聲,又封殺文凱玲,錢國偉話文凱玲本身有份正職,可能出席唔到活動,大家明啦!

文凱玲早前大爆許亦妮搶戲服,仲上載一張與許亦妮有米緋聞男友盧啟邦咀面相,公然與許亦妮挑機,宣洩怒火。

片場打橫行

問到被許亦妮呼喝兼被屈,寸嘴 Barbie接受本刊訪問時,語帶不甘地說:「係有呢件事,總之片場個個工作人員都好『尊敬』佢( Whitney),咁佢係女主角吖嘛!(同 Whitney係咪不和?)公事合作都 ok,不過私底下做朋友都係唔好喇!(佢屈你偷睇電話信息?)𠵱家啲港姐真係大曬㗎喇!」問到 Barbie是否都有收到「封口令」,她只說︰「唉,唔講喇,驚講多錯多!」不過上週五( 15日),已經被打入冷宮的文凱玲則唔怕死,再度炮轟許亦妮,仲寸許亦妮嗰位富貴男友扮單身溝女。

而本月 7日,許亦妮出席無綫節目巡禮就澄清:「其實件事已經回應過!(話你搶衫又鬧人?)重申一次,所有戲服都係服裝指導安排畀我!唔想再回應。」

而被指下令一班女星收聲,上週五( 15日),錢國偉對本刊說:「佢( Connie)有份正職,可能有啲宣傳活動出席唔到啫!(唔畀佢出席?)都有預埋佢。(係咪邊個再講 Whitney壞話,就 cut曬所有宣傳活動?)梗係冇!」不過家下個個都驚,咁係港姐大曬,定係背後再有高人出手呢?

寸嘴 Barbie因拍《夜蒲 3》與無綫港男吳雲甫撻著, Barbie仲大讚男方高大又 gentlemen。

加多句

Jeana:「個個都叫佢老闆娘,我當然唔敢亂嚟。」

認搶衫

對於搶戲服,雨僑在電話嘆咗三聲:「我有準備私夥衫,但我有助手跟場,冇人敢搶我衫,我承認搶衫出現好多問題!」

去年 12月 Barbie俾拍到與 Wilson同遊銅鑼灣,兩人相識已久,但今次 Wilson和監製伍健雄都齊齊偏幫 Whitney。

戀上《 On CallⅡ》港男  Barbie:對我好好!

寸嘴 Barbie在《夜蒲 3》有激情戲分,要赤裸上身,只可以黐乳貼和港男吳雲甫肉搏。據知兩人拍之前已經密密交往,晚晚傾電話培養感情,日對夜對,最近終於撻著, Barbie仲大讚吳雲甫:「佢好有風度,對我好好!」寸嘴 Barbie對男人真係唔同啲!

寸嘴 Barbie和吳雲甫日日在片場密密傾,又經常約去蒲,據知堅撻著,唔係電影宣傳喎!

吳雲甫參加 09年香港先生而入行,之後做過娛樂新聞主持,最近先有機會拍戲。

港男出身的吳雲甫最近有份參演《 On Call 36小時 II》,飾演醫生,與黃智雯有唔少對手戲。



. 被收聲 許亦妮嗲錢國偉兇收口 寸嘴 Barbie: 許亦妮,錢國偉,MF,
http://hittt.blogspot.com/2013/11/barbie-mf.html
. 被收聲 許亦妮嗲錢國偉兇收口 寸嘴 Barbie: 許亦妮,錢國偉,MF,
http://hittt.blogspot.com/2013/11/barbie-mf.html
. 被收聲 許亦妮嗲錢國偉兇收口 寸嘴 Barbie: 許亦妮,錢國偉,MF,
http://hittt.blogspot.com/2013/11/barbie-mf.html
. 被收聲 許亦妮嗲錢國偉兇收口 寸嘴 Barbie: 許亦妮,錢國偉,MF,
http://hittt.blogspot.com/2013/11/barbie-mf.html
. 被收聲 許亦妮嗲錢國偉兇收口 寸嘴 Barbie: 許亦妮,錢國偉,MF,
http://hittt.blogspot.com/2013/11/barbie-mf.html