2013年11月13日 星期三

離離合合 搬走同居竇 洪卓立傻等湯怡復合 湯怡,洪卓立,MF,




洪卓立和湯怡同年 26歲,大家都係愛狗之人。據知拍拖初期,洪買了幾隻貴婦狗,等冇工開的湯怡玩吓狗調劑生活。

真面目

離離合合 搬走同居竇 洪卓立傻等湯怡復合

合久必分?分完都可以再合喎!歌星仔洪卓立同冇乜生產力的湯怡拍拖拍足 4年,據知湯怡早輪因嫌棄男友花心唔定性,加上自以為埋到王維基堆,幫 HKTV拍劇,一心以為發牌在即有機發圍,於政府宣布發牌結果前突然執包袱,靜雞雞搬離同居愛巢。

可惜事與願違,牌發唔成,劇亦冇得播,加上洪卓立依然勁冧湯怡,湯怡在無路可走下又轉軚再搬返入同居愛巢,當無事發生過。想飛?等有毛有翼先啦!

26歲洪卓立憑英皇新秀入行,星途唔算順,最為人知的,係 09年肺積水入院被誤傳「死訊」,另外跟同門湯怡拍拖都算係佢另一「成就」。

拍拖 4年

立立同湯怡都靚仔靚女,兼且公開曬拍拖咁滯,被邀拍婚紗相好正常,不過兩人行唔行到呢一步,真係難講。

死死氣搬返去

06年湯怡參加少女廚神出道,當年仲有少女黎姿稱號。

同居 3年多,又試過多次離離合合,但二人始終分完又合,但據知埋到王維基堆的湯怡,於政府公布發免費電視牌前夕突然執包袱搬離愛巢,早上外出工作至晚上的洪卓立,一開家門見湯怡所有的衣物家當全部消失,電話又一直長響無人聽,情緒跌到落穀底。

據二人的密友透露:「初時以為佢哋鬧吓交,點知 Kathy今次咁激玩失蹤。雖然洪卓立係衰花心,不過佢真係鍾意 Kathy,但 Kathy就有野心,覺得自己唔可以同花心男友再拖落去,加上見自己一簽港視就連拍 5套劇,有兩套仲要做埋女一,佢講句嘢都可以大聲啲,於是的起心肝,靜雞雞執走曬啲嘢,『分手』都唔講就飛起洪卓立。」

湯怡搬走後,一直關掉手提電話,洪卓立發散朋友幫手,亦聯絡唔到女友,不過劇情峰迴路轉,知情者說:「最離奇係港視發唔到牌, Kathy冇咗條後路,又忽然喺二人的同居竇出現。由於洪卓立都仲係鍾意佢,大家咪當冇事發生囉。」

秘密同居

11年洪卓立先被影到與湯怡搬到灣仔謝菲道秘密同居,不過最近二人已遷到炮台山一單幢樓宇繼續同居。

湯怡由去年開始一口氣幫「香港電視」拍咗 5套電視劇,最尾拍埋部《 Night Shift》,之後都未知有冇工開囉。

一心諗住跟王維基搵食可以撇甩洪卓立,點知埋門一腳撻 Q,難得男友當冇事發生,湯怡咪搬返去住住先囉!《蘋果日報》圖片

男前度

10年與詩雅拍過半年拖,可惜詩雅後來轉投珠寶界才俊,放棄病君洪卓立。

女偷玩

同洪卓立拍拖期間,湯怡都有陳家樂埋過身,可惜家樂個底仲花過洪卓立,湯怡冇中計都係明智嘅!

「問題好複雜」

其實 10年洪卓立被詩雅狠飛後,才轉溝同公司的湯怡, 11年二人租住灣仔舊樓共賦同居,最近則搬到炮台山。拍拖近 4年,洪卓立雖然唔算紅,但都叫搵到兩餐,但洪卓立不時瞞住女友偷食,早已不是秘密。密友透露:「佢個樣勝在夠乖仔,年中不知幾多女死喺佢手上,不過佢好識分邊個係真邊個係玩吓,咁耐都未見過佢有手尾跟。」

對於女友搬完又回歸,洪卓立早前在活動上回應本刊提問,突然欲言又止:「唉………呢個問題好複雜,我只可以講一句啦,我哋一直都係好朋友!」

尷尬回應

早前本刊問到洪卓立跟女友鬧分手時,立立好尷尬話:「呢個問題好複雜!」

湯怡雖然係英皇人,不過工作真係冇乜,最近一次就係拍住男友同師姐鍾舒漫拍微電影《歲月如歌》,立立亦有份喺劇中扮機師。

最緊要就手

除咗立立同湯怡拍拖,其實英皇旗下好多同門都撻着過,真係閉門一家親!

Sa戀陳偉霆

《忽然 1周》圖片

10年 3月阿 Sa與鄭中基搞清楚離婚手續後不久,即被傳與師弟陳偉霆撻着,翌年農曆新年,二人出發泰國布吉旅遊被拍到手拖手,至今二人仍恩愛如昔。

鍾舒漫拖張致恆

鍾舒漫 07年剛出道不久與 BOYZ的 Steven(張致恆)拍拖一年,二人更同居於 Steven的公屋寓所,後來二人各有發展而分手,但最近二人疑似復合。

陳家樂溝林欣彤

林欣彤原本跟巨聲幫的羅孝勇拍拖,羅孝勇更在 Mag抑鬱狂躁症期間一直在旁支持,可惜陳家樂的介入令二人分手。



. 離離合合 搬走同居竇 洪卓立傻等湯怡復合 湯怡,洪卓立,MF,
http://hittt.blogspot.com/2013/11/mf_2614.html
. 離離合合 搬走同居竇 洪卓立傻等湯怡復合 湯怡,洪卓立,MF,
http://hittt.blogspot.com/2013/11/mf_2614.html
. 離離合合 搬走同居竇 洪卓立傻等湯怡復合 湯怡,洪卓立,MF,
http://hittt.blogspot.com/2013/11/mf_2614.html
. 離離合合 搬走同居竇 洪卓立傻等湯怡復合 湯怡,洪卓立,MF,
http://hittt.blogspot.com/2013/11/mf_2614.html
. 離離合合 搬走同居竇 洪卓立傻等湯怡復合 湯怡,洪卓立,MF,
http://hittt.blogspot.com/2013/11/mf_2614.html