2013年11月13日 星期三

索賠償 復出收百萬追數令  DaDa:條數點計先? DaDa,陳靜,MF,




DaDa召開的道歉記者招待會全程 8分鐘,不設問答環節,其間說話不時哽咽,眼濕濕博同情分。《蘋果日報》圖片

真面目

索賠償 復出收百萬追數令  DaDa:條數點計先?

今年 8月, DaDa陳靜突然在微博宣布退出娛樂圈,當時堅稱患上情緒病,需要全面停工,導致《喜愛夜蒲 3》要易角。潛水三個月,本月 5日 DaDa終於召開道歉記招宣布復出,自動「加監」 4年合約,修補與經理人施念慈的關係。

不過連日來《夜蒲 3》導演錢國偉和女角車輪戰唱衰施念慈冇誠信,原來錢作怪。有傳施念慈早已向《夜蒲 3》監製伍健雄提出讓 DaDa免費拍一部戲,再付八萬元飲茶費作補償,但有人要求 DaDa「賠 100萬、施念慈雪藏 DaDa 3年」才罷休。 DaDa堂堂正正對本刊說:「條數睇吓佢點計先?」

DaDa潛水 3個月後,本月 5日召開道歉記者招待會宣布復出,經理人施念慈全程傍到實,俾 DaDa多一次機會。

DaDa突然宣布退出娛樂圈,隨即開拍的《喜愛夜蒲 3》影響最大,不過,監製伍健雄只罵不告,據知因當時手執的合約「有技術性」問題。

免費拍戲補償

導演錢國偉自 DaDa復出後狂罵施念慈「冇誠信」,但據知施念慈其實早在 9月初 DaDa蒲頭認錯後,已即時聯絡伍健雄「報案」。「其實 Celia(施)主動提出話 DaDa可以免費幫佢拍一套戲,當然係佢哋肯接嘅戲啦,仲肯畀番八萬蚊飲茶錢,監製聽完冇回覆,之後冇傾過。」據知事後有人對施念慈提出的方案不以為然,仲曾私下對人說:「當我乞兒呀?」

其後有人提出要 DaDa賠 100萬元,更要求施念慈雪她三年,以洩心頭之憤。施念慈有感條件太苛刻,至今談不攏。

今年 7月《喜愛夜蒲 3》開記者會, DaDa原本擔正女主角,拍住舊愛王宗堯,可惜中度抑鬱病發,宣布退出娛圈。

DaDa退出《喜愛夜蒲 3》,四大主角變許亦妮(左二)、 Jeana(中)、雨僑(右二)和 Celia K.(右一),寸嘴 Barbie(左)只是大配角。

出名火爆的伍健雄,得知 DaDa復出消息大怒。有人隨即要求「賠 100萬、雪藏 3年」的條件。

施念慈︰用法律途徑解決

《夜蒲 3》錢國偉發爛渣:唔講、費事答、冇癮!(真實對白)

雖然 DaDa退出了《喜愛夜蒲 3》拍攝,但同公司的 Celia K.郭穎兒就有幸可以留低,但家吓掀起罵戰, Celia K.難保被剪戲。「施念慈同伍健雄傾唔掂數,旗下嘅 Celia K.拍就拍完,不過第二、三期嘅錢仲係未收到,𠵱家最驚剪走啲戲分。」

本刊週一( 11日)致電 DaDa經理人施念慈,問到有關 DaDa如何善後《夜蒲 3》糾紛,是否被要求賠 100萬和雪藏 3年,施念慈只說:「其實可以用法律途徑解決問題!」而 DaDa就平靜地說:「睇吓條數佢點計先?不過都係交畀公司處理。」至於《夜蒲 3》導演錢國偉繼續勞氣,他說:「唔講、費事答、冇癮!」忽然退出、忽然又復出,當然大把手尾跟啦。 DaDa點拆彈?

《夜蒲》女愛抽水

《夜蒲》開到第三集,內地不少夜場甚渴求片中主角,誘使不少代理人擅自把「串星」吹成主角抽水賺人仔。據知《夜蒲 3》籌拍初期,錢導曾構思「十二女神」陣容,希望由主角到配角𢱑盡內地夜場騷,當時仲預埋施念慈嘅 DaDa、 Celia K.和曾善美份。現在一拍兩散,就狂罵「曾善美」三秒過鏡扮主角。

9月

Donut成員之一的曾寶玲 Ar Yu微博自稱《喜愛夜蒲 3》女主角,又被錢國偉指斥偽造事實兼行為可恥。

10月

Jeana何佩瑜亦是《喜愛夜蒲 3》四位女主角之一,一樣以女主角之名走內地騷搵真銀。

雨僑於《喜愛夜蒲 3》擔正女主角,可以名正言順掛着女主角之名在內地登台,酬勞仲升咗唔少。

11月

DaDa師妹曾善美 Mei Mei,早前被夜場代理人吹成《喜愛夜蒲 3》女主角,其實拍四日戲只剪剩三秒。據知施念慈發現後曾要求改海報,「扮主角」負面新聞卻瞬即見報。

寸嘴 Barbie夏尉喻雖然不是女主角,但得錢導關照,一樣可以掛着「女主演」名銜往內地登台賺人仔。



. 索賠償 復出收百萬追數令  DaDa:條數點計先? DaDa,陳靜,MF,
http://hittt.blogspot.com/2013/11/dada-dadamf.html
. 索賠償 復出收百萬追數令  DaDa:條數點計先? DaDa,陳靜,MF,
http://hittt.blogspot.com/2013/11/dada-dadamf.html
. 索賠償 復出收百萬追數令  DaDa:條數點計先? DaDa,陳靜,MF,
http://hittt.blogspot.com/2013/11/dada-dadamf.html
. 索賠償 復出收百萬追數令  DaDa:條數點計先? DaDa,陳靜,MF,
http://hittt.blogspot.com/2013/11/dada-dadamf.html
. 索賠償 復出收百萬追數令  DaDa:條數點計先? DaDa,陳靜,MF,
http://hittt.blogspot.com/2013/11/dada-dadamf.html