2013年10月30日 星期三

藝人齊撐今晚熄電視

video


藝人齊撐今晚熄電視

全民今晚熄電視 TVB藝員都撐

【電視大戰之眾志成城】王維基的香港電視未獲政府發新免費電視牌照,觸怒網民發起「全港熄電視日」,呼籲大眾於今晚7時至11時熄機罷睇,抗議政府私自為市民揀台,觀眾沒有真正睇電視的選擇權。熄電視行動預計對無綫影響較大,當中陳展鵬和黎諾懿主演的無綫劇《巨輪》和《愛.回家》雖受影響,但他們均謂尊重大家的決定,因為香港是自由之都。至於港視藝員陳宇琛、薑麗文和薑文傑感激巿民支持,呼籲大家今晚齊齊熄電視。

政府拒發免費電視牌照給香港電視,引起巿民憤怒,有網民發起熄電視罷睇抗議,今晚7至11時受影響的無綫節目包括《愛.回家》、《巨輪》、《法外風雲》、《最佳女主角》等,亞視則有《ATV 2013感動香港》及外購劇《詠春傳奇》等,不少藝員均支持今次行動。

香港電視藝人石修兒子陳宇琛,對網民發起行動既感動又感激,他昨日說:「雖然好耐冇睇電視,但一定支持,始終同自己有關。我好欣賞咁多人支持呢件事,𠵱家唔係單單發唔發牌畀港視,已經變咗係香港人嘅事。」至於同屬港視的薑文傑和薑麗文感激網民支持,並謂現時電視質素下降,根本不看也罷,薑文傑說:「𠵱家電視質素下降,根本冇乜電視好睇,我睇電視時間越嚟越少,但大家用呢個行動支持我哋真係好感動,茶餐廳嘅人都話熄電視。」薑麗文則說:「我一向好少睇電視,但支持呢個行動,睇到大家咁支持,好感動。」



■港視藝人陳宇琛、黃芷晴、薑麗文和薑文傑支持今晚的全港熄電視日,薑麗文更鬼馬遮眼唔睇電視。

攝影:葉君海

黎諾懿:想熄就熄

今次熄電視行動對無綫影響較大,受影響藝員反應不一,當中《巨輪》男主角陳展鵬認為觀眾有自由表達不滿,他昨在電話說:「對劇會有影響,但我尊重大家決定,唔代表唔鍾意我哋套劇而熄機嘛,要尊重唔同訴求,連呢樣嘢都反對或唔鍾意,呢個就唔係香港囉。」展鵬今日會到上海宣傳《巨輪》,他笑謂平時在家也不開電視。處境劇《愛.回家》主角之一黎諾懿也支持熄電視:「OK嘅,香港有自由嘛,佢哋想熄就熄囉,冇乜所謂,一日半日啫,觀眾都可以上網睇番。」

至於無綫劇《法外風雲》男主角黎耀祥昨在電話說:「社會要發起呢樣嘢,我哋惟有無奈接受。」擔心影響收視嗎?他說:「影響一定會有,但唔會好大,電視始終係普羅大眾、師奶觀眾比較多。」祥仔屆時要拍外景,他認為香港是自由社會,大家可用不同途徑表達意見。

《最佳女主角》主持黎芷珊則請觀眾不要熄電視:「擔心有影響㗎,唔好熄電視啦!但大家有自由,只覺得有啲節目好用心機去做,某啲原因睇唔到好可惜。」而嘉賓羅蘭雖對事件不大了解,也怕觀眾不懂上網看到她的訪問,但依然支持熄機,羅蘭姐說:「冇所謂啦,佢哋鍾意點就點,尊重佢哋嘅決定。」



■接受黎芷珊訪問的羅蘭(左)表示尊重巿民決定。資料圖片

梁乃鵬:尊重理據

無綫行政主席梁乃鵬前晚在金鐘談到熄電視日時說:「香港係自由嘅地方,每個人可發表佢嘅意見,好尊重佢哋理據。」他直言原本只得兩個免費電視牌照,若增至四個對無綫是大挑戰,尤其新增兩台都屬財雄勢大,他說:「政府畀牌我哋要有10億元基本建設,60億節目投資,隨時就加我哋點去經營?要畀啲經營空間我哋。」無綫總經理鄭善強就指香港社會有自由讓大眾表達不滿,並認為政府政策清晰,只是行政手段未有交代清楚。

此外,羅霖和孫佳君前晚到圓方出席活動,兩人均撐發牌,羅霖覺得有競爭是好事,覺得亞視要努力,也應該挽留人才。孫佳君則說:「發多個牌,得益係觀眾,政府唔發有原因,睇佢講出嚟大家接唔接受。」

採訪:張俊銘、藍文浩



■歷屆亞生和亞姐昨日宣傳亞視外購劇《詠春傳奇》。

鄭中基@穀德昭搞笑孖寶再發功,笑彈繼續嚟!

周一至周五《亂噏24》約定你:http://bit.ly/appletalk24



.藝人齊撐今晚熄電視
http://hittt.blogspot.com/2013/10/blog-post_6006.html
.藝人齊撐今晚熄電視
http://hittt.blogspot.com/2013/10/blog-post_6006.html
.藝人齊撐今晚熄電視
http://hittt.blogspot.com/2013/10/blog-post_6006.html
.藝人齊撐今晚熄電視
http://hittt.blogspot.com/2013/10/blog-post_6006.html
.藝人齊撐今晚熄電視
http://hittt.blogspot.com/2013/10/blog-post_6006.html