2013年10月30日 星期三

博一鋪 《夜蒲 3》初露 雨僑:樂壇冇得撈




10年出過寫真集後,雨僑再冇行性感,直至今年拍《喜》片。週日( 27日)雨僑為本刊拍性感照時都冇扭擰,勁專業。

真面目

博一鋪 《夜蒲 3》初露 雨僑:樂壇冇得撈

娛圈玉女難撈,一心走才女路綫嘅雨僑(別名:羽翹),最近忽然大解放,於 12月上映的電影《喜愛夜蒲 3》接 DaDa陳靜棒,做新一代性女。戲中將跟「 Lam仔」林德信有床戰,又跟「韓仔」李世覥水戰。

忽然豁出去拍脫戲,唱歌出身擁 8級鋼琴的雨僑直認對樂壇死心,「樂壇冇得撈……我覺得唱歌吃力不討好,我嘅歌自己作曲、作詞、錄音,但試過當眾被人奚落,令我好心灰意冷。」

其他影片

10年出過水着寫真,之後轉走才女路線嘅雨僑於 YouTube教人化妝,成功吸納唔少女粉絲;但今次於《喜愛夜蒲 3》中竟然演性女,跟林德信床戰;又跟韓仔李世覥有水中情慾戲。

雨僑早排留韓國 3日為《喜愛夜蒲 3》拍攝,其間要同韓仔李世覥拍情慾戲,雨僑表示:「好多都係借位,露吓背咁啫,其他女仔仲激過我。」

肉搏 Lam仔

戲中同林德信拍床戲,只着胸圍內褲,雨僑話:「我冇清場呀,其實拍床戲一啲都唔浪漫,好多人喺度,不過我唔覺得尷尬。」

《蘋果日報》圖片

脫戲激嬲媽咪

由才女變性女,雨僑亦坦白講激嬲了任小學教師的媽咪,「當 DaDa退出後,導演 Wilson問我有冇興趣代替 DaDa。我第一時間問:『乜我脫有人想睇咩?』佢對我好有信心,我覺得今次啲床戲,大膽程度拍得住 DaDa喺第一集嘅演出。但媽咪就有唔開心,佢覺得着泳衣已經係底綫,好彩佢最後都明白。」

09年以歌手身份出道嘅雨僑,喺新城頒獎禮上攞到「新城勁爆新登場創作歌手」奀獎。雨僑話:「攞完呢個獎,我有問蕭生係咪同新城高層少食飯,佢答我係,我覺得老細好老實。」

《蘋果日報》圖片

雖然經理人蕭定一未能為雨僑爭到好多音樂上嘅獎項,不過雨僑都好多謝佢,「金融海嘯嗰陣,好多公司摺咗,但我依然每月有 5位數底薪,好多謝蕭生。」

圖片

雨僑除咗喺 YouTube教人化妝外,仲會自彈自唱,唔少巴打讚佢素顏夠 pure,所以多年,雨僑 po嘅唱歌短片都有唔錯點擊率。

「唱歌吃力不討好」

28歲雨僑(原名廖羽翹)除了樣靚身材正,其實仲係叻女,於港大生物系畢業後, 09年簽約蕭定一的「一元」, 10年出過水着寫真,亦跟周秀娜拍過《出水芙蓉》。當娜姐已彈起,雨僑仍然等緊機會,直到今年因 DaDa辭演《喜愛夜蒲 3》,先令雨僑有機攝位做「女一」。

港大叻女、兼有 8級鋼琴底子嘅雨僑,唔只唱得,仲識作曲、填詞,可惜一直撈唔起。於 YouTube亦有上載歌曲,但點擊率跟她教化妝的短片點擊率差天共地。最令雨僑死心是一次被當眾奚落,「樂壇冇得撈……我覺得唱歌吃力不討好。試過有次為咗個廣告歌,我作曲又作詞兼錄音,之後聽到導演講,𠵱家啲歌手以為對住個 iPhone la la la就係唱歌。𠵱家唱歌成績麻麻,我諗暫時專心拍戲好啲,但唔會長期性感,只會為呢一次。」

《喜愛夜蒲 3》將於 12月上映,第一款海報已出,雨僑企喺中間位,而第一集出現過嘅 Jeana(右一)就企側邊;至於許亦妮竟然企後排,邊個先係「女一」好明顯。

11年被拍得同羅力威拍拖,當時仲係亞視「星光幫」嘅羅力威,被蕭定一寸係「二打六」,雨僑就話:「老闆係一個講嘢好直接嘅人,但佢係冇惡意。」

靠 YouTube幫補

雨僑話 09年出道後的確經歷一段低收入時期,雖然經理人公司有出 5位數字月薪,但仍然要好慳先夠生活,好彩佢諗到自拍美容片上載上 YouTube;而 YouTube會畀番數千元酬勞,勉強維持到生活。

唱歌成績未見突出,雨僑 10年開始喺 YouTube教人扮靚,由畫眼綫、黐雙眼皮膠紙等,當中教化淡妝嗰條有接近 77萬點擊,成績驕人。

YouTube教人化妝爆紅,更令雨僑被屈臣氏𥄫中,做醫學美肌代言人。而接拍《喜》片前,亦先問准廣告商,費事失飯碗。

讚娜姐寸亦妮

雨僑同娜姐同期出道,不過成績就差好遠,但雨僑對娜姐就讚口不絕,「佢行性感係極致,有本錢,冇人會憎佢,當初佢肯性感,我就着得保守,冇得羨慕或者妒忌人。」反而對《夜蒲 3》女角之一的許亦妮,早前靠同富二代 34歲太陽國際資源公司董事盧啟邦( Andrew)傳緋聞上位,雨僑就有少少暗寸,她說:「初頭睇新聞,以為佢搵到好人家,點知過兩日又唔係,其實緋聞呢啲一陣㗎咋,唔長久。」

09年兩僑同周秀娜一齊出道拍攝《出水芙蓉》,但娜姐已經領先幾條街,雨僑冇葡萄,「娜姐行性感係極致。」

《喜》片除 DaDa退出外,之後亦發生雨僑同許亦妮爭做「女一」傳聞,及後許亦妮亦因《喜》片認識兩位富二代,可惜最後冇下文。

《蘋果日報》圖片



. 博一鋪 《夜蒲 3》初露 雨僑:樂壇冇得撈
http://hittt.blogspot.com/2013/10/3_30.html
. 博一鋪 《夜蒲 3》初露 雨僑:樂壇冇得撈
http://hittt.blogspot.com/2013/10/3_30.html
. 博一鋪 《夜蒲 3》初露 雨僑:樂壇冇得撈
http://hittt.blogspot.com/2013/10/3_30.html
. 博一鋪 《夜蒲 3》初露 雨僑:樂壇冇得撈
http://hittt.blogspot.com/2013/10/3_30.html
. 博一鋪 《夜蒲 3》初露 雨僑:樂壇冇得撈
http://hittt.blogspot.com/2013/10/3_30.html