2013年3月22日 星期五

蕭正楠爭贏陳展鵬做《巨輪》男一

冧高層新劇爭上位 蕭正楠爭贏陳展鵬做男一


蕭正楠爭贏陳展鵬做《巨輪》男一

      

忽然1周 第921期

冧高層新劇爭上位 蕭正楠爭贏陳展鵬做男一

無綫一線小生返大陸掘金,造就二線的蕭正楠及陳展鵬當紮,各持四齣劇等住推出。唔講唔知,原來兩人乃小學同學,童年時已鬥打乒乓波及金絲貓,早前又在新劇《巨輪》爭戲份,確是寃家路窄。

同樣 08年入無綫的蕭正楠及陳展鵬,等足 5年終於有機會上位,兩人各出奇謀冧高層曾勵珍,最後蕭正楠爭贏,成《巨輪》男一,加上蕭冧得掂樂易玲,登台及廣告也較多。

求證這對鬥足三十年的宿敵,蕭正楠意氣風發:「我哋由細鬥到大!」而吸金力稍遜的陳展鵬就酸味十足:「唔會同佢比較!」避重就輕。



左:我哋由細鬥到大!(真實對白)

右:唔會同佢比。(真實對白)

眼啤啤

周一( 18日)出席香港國際影視展,蕭正楠同陳展鵬兩個《巨輪》男主角企到離行離列,眼啤啤唔順「超」。後來記者要求兩人合照,蕭正楠意氣風發,陳展鵬則表情勉強,連戲都懶交!

本周舉行的香港國際影視展,無綫曬冷出動半百藝人撐場。介紹的十七齣新劇中,同是 36歲的蕭正楠及陳展鵬各佔四劇,產量多過視帝黎耀祥及陳豪。而兩位當紮小生,為爭上位各出奇謀。

「 Edwin(蕭正楠)係何麗全(前無綫高層) 08年搵返嚟,份約係樂易玲同佢簽, Edwin好識賣口乖,不時約樂小姐食飯。而珍姐(曾勵珍)就成日人前讚 Edwin聽話,兩位高層都肯俾機會 Edwin。

冧高層新劇爭上位 蕭正楠爭贏陳展鵬做男一

勉強合照

冧高層新劇爭上位 蕭正楠爭贏陳展鵬做男一

試造型零交流

上年 9月,蕭正楠與陳展鵬出席《巨輪》試造型,兩人當時互當透明,唔妥到出面。

冧高層新劇爭上位 蕭正楠爭贏陳展鵬做男一

鬥冧高層

在去年樂易玲生日會上,蕭正楠有份賀壽,地位不言而喻。而陳展鵬就由曾勵珍親自簽返無綫,更安排他劇接劇演出,愛將地位顯而易見。

冧高層新劇爭上位 蕭正楠爭贏陳展鵬做男一

曾勵珍

合唱主題曲

冧高層新劇爭上位 蕭正楠爭贏陳展鵬做男一

《仁心解碼Ⅱ》的哨牙仔一角,雖是第二男主角,但角色討好,甚為搶戲。

「無綫今年嘅重頭劇《巨輪》改編鉅記餅家嘅發跡史,蕭正楠同煎 pan(陳展鵬)飾演兩兄弟。套劇雖然係搵咗珍姐愛將煎 pan先, Edwin係執陳豪二攤。不過 Edwin冧得掂珍姐,所以最後佢都爭到個男一(飾演鉅記老闆)嚟做。呢個角色重戲好多,珍姐仲叫 Edwin俾心機,話個角色好大機會喺年尾頒獎禮有提名。爭輸嘅煎 pan當然唔高興。之後安排唱主題曲,珍姐索性俾佢哋合唱,費事得失其中一個。」

其實蕭正楠及陳展鵬都是歌星出身,蕭正楠在《當旺爸爸》同《仁心解碼 II》仲唱埋主題曲,平均每個月接五個內地登台騷,月賺 30萬人仔。據知近日豬籠入水的蕭正楠,將住開的葵湧華景山莊 7百多呎單位放盤,斥資 5百多萬,買入一個同屋苑 8百多呎有露台的單位。

「有樂小姐照住, Edwin接好多內地登台。佢識睇觀眾揀歌,又識冧客,長做長有。而煎 pan都唱過歌,輸蝕在冇出過個人大碟,歌星形象唔夠突出,所以佢冇內地登台,連商場 Show都少。 Edwin幫無綫賺到錢,樂小姐同珍姐自然睇高佢一線。」知情者說。

至於贊助《巨輪》的鉅記,早前春茗只邀請蕭正楠做表演嘉賓,另一主角陳展鵬就冇份,難怪陳展鵬眼紅。

小學鬥乒乓波

其實蕭正楠與陳展鵬乃三十年宿敵,早在就讀長沙灣聖紀文小學時,兩人在校內已鬥到難分難解。

「佢哋小學時雖然唔係同一班,但兩個都係風頭躉,成日一齊搓乒乓波,嗰陣好興鬥金絲貓(擅打鬥的蜘蛛),佢哋鬥到全級同學都知?!煎 pan係乒乓波校隊,大個仲入埋香港隊, Edwin打波就梗唔係煎 pan嗰皮啦!」知情者說。

冧高層新劇爭上位 蕭正楠爭贏陳展鵬做男一

5百萬換樓

本月 8日,年初剛搬新居的蕭正楠獨自到又一城 shopping。他主攻家居用品,更買了一個香薰座回家。

冧高層新劇爭上位 蕭正楠爭贏陳展鵬做男一

煎 pan做配角

前年的《仁心解碼》,陳展鵬只是閒角,續集更冇得留低,相反蕭正楠在《仁心解碼Ⅱ》擔戲甚重。

冧高層新劇爭上位 蕭正楠爭贏陳展鵬做男一

蕭正楠居住的華景山莊是葵湧區老牌豪宅,位於大窩山山頂,可遠眺鯉魚門、西環及青衣海景。

陳展鵬酸溜溜

本周一( 18日),就爭戲份一事求證蕭正楠,他以勝利者姿態直認:「《巨輪》我係男一。講到鬥,我哋係由細鬥到大,細個我打乒乓波唔夠佢叻,依家見面都唔會尷尬。(近排你搬屋喎!)都搬咗幾個月,都係賣咗舊單位套現,加錢買新屋。」

至於爭輸的陳展鵬,則酸溜溜暗寸 Edwin賺錢多是好彩:「公司都俾咗好多機會我,咁搵錢嘅嘢,要講天時地利人和。(驚唔驚比較?佢《巨輪》戲份較重喎。)我唔會同佢比較……都係良性競爭。」

冧高層新劇爭上位 蕭正楠爭贏陳展鵬做男一

蕭正楠

冧高層新劇爭上位 蕭正楠爭贏陳展鵬做男一

陳展鵬

蕭正楠和陳展鵬早在童年時認識,兩人由兒時鬥到現在!

冧高層新劇爭上位 蕭正楠爭贏陳展鵬做男一

聖紀文有 44年歷史,係長沙灣區名校, 07年更被《星島日報》選為最受家長歡迎的小學。

哨牙有運行

本周一首播的新劇《仁心解碼 II》,雖然首日收視只有 25點,成績一般,但蕭正楠飾演的「哨牙仔」夠曬突出,過往亦有不少藝人憑哨牙造型出位。

冧高層新劇爭上位 蕭正楠爭贏陳展鵬做男一

謝天華

謝天華在 02年播映的《法網伊人》飾演律師,雖然只是第二男主角,但其哨牙特徵非常突出,令沉悶的法庭戲增添不少喜劇成分,比起男一李克勤令人更有印象。

冧高層新劇爭上位 蕭正楠爭贏陳展鵬做男一

湯盈盈

05年《阿旺新傳》的「李笑好」一角,令一向飾演情婦的湯盈盈從新定位,之後她更首次以女主角身份參演《兩妻時代》。

冧高層新劇爭上位 蕭正楠爭贏陳展鵬做男一

莫文蔚

莫文蔚在 96年的《食神》飾演「火雞」,唱紅〈情與義〉。翌年她獲提名金像獎的「最佳女主角」,雖然最終敗給《甜蜜蜜》的張曼玉,但演技已獲肯定。

蕭正楠領先

冧高層新劇爭上位 蕭正楠爭贏陳展鵬做男一

蕭正楠與陳展鵬相識三十年,兩人同在 08年加入 TVB,同時在 2012年開始走紅,他們拍的電視劇數量差唔多,不過以收視成績來計,則蕭正楠暫時領先。



.蕭正楠爭贏陳展鵬做《巨輪》男一
http://veryy8.blogspot.com/2013/03/blog-post_940.html
.蕭正楠爭贏陳展鵬做《巨輪》男一
http://veryy8.blogspot.com/2013/03/blog-post_940.html