助手搾乾劉家輝 樊奕敏幫忙追數
壹週刊 第1201期
助手擸住百萬人仔 搾乾劉家輝
前年一場中風，令半身不遂的劉家輝（原名冼錦熙）的家醜曝光。分居多年的妻子聯同兒女謀產，一度令他消沉絕食，經親友出手安排入住護老院後，才重新積極接受治療至站起來。可惜一波未平一波又起。助手兼前委託人 Eva，揸住劉家輝百萬積儲不肯歸還，日久見人心。
外甥女氣憤
日前外甥靜怡到醫院探劉家輝，說到 Eva講大話，她相當氣憤。
劉家輝因妻兒（圖）謀家產，一度向胞姐求救。
財產數目有唔妥
中風超過一年的劉家輝，病中面對妻兒搾財，雪上加霜。去年在胞姐及友人協助下入住護老院，逃離妻兒魔掌，為確保他個人及財產安全，提出要有律師陪同情況下才與子女見面，並由其助手 Eva擔任委託人。
以為有法律保障，劉家輝便可安心休養，但近日事態又有新發展。
較早前劉家輝兒子冼峻龍得悉委託人由助手 Eva變成藝人樊亦敏後，以父親被人接走，下落不明為由報警；經警方了解後，今年初，劉家輝因身體不適送院，留醫至今，不列作失蹤案。
不過，一度以護主姿態，跟劉家輝妻兒對立的助手 Eva，自辭去委託人身份後，竟調轉槍頭，跟劉師傅的兒子連成一陣線，口徑一致稱失去劉家輝聯絡，還堅持繼續保管對方百多萬人民幣財產，直至他康復才歸還。一直在劉家輝探望名單內的外甥女靜怡，及身在美國的劉家輝胞姐 Theresa，見 Eva劈大眼講大話，忍不住出頭，企出來向本刊交代一切。
胞姐 Theresa稱曾越洋寄衫給劉家輝，但 Eva竟沒轉交給他，還對她說在護老院住不能太多要求。「見到佢著來著去得嗰幾件，好心痛。好在後來樊亦敏接手，佢先夠衫著。」 
胞姐斥助手
跟劉家輝感情最好的胞姐 Theresa（右），斥責 Eva以無稽理由 hold住胞弟的財產，一句講曬錢作怪。
拒交出救命錢
據劉的胞姐指，協助劉家輝處理財產事務的律師團隊，去年底發現其財產數目有出入，而同一時間， Eva突然辭任委託人，經律師及親友多番查問下， Eva才承認一直私下幫劉家輝「保管」了過百萬人民幣片酬。至於 Eva過去所指曾墊支租屋給劉家輝養病，也是從他的積蓄中提取。失去自顧能力，劉家輝要靠積蓄養老，他的親友要求 Eva將這筆「救命錢」歸還，轉交律師團隊代為監管，但遭 Eva拒絕。
對於 Eva所作所為，劉姊 Theresa相當激動。
「 Eva話要等家輝完全好番曬，先交番筆錢出嚟，我想講係人都知我細佬冇乜可能回復原狀，咁即係唔使交番出嚟啦。家輝依家好需要錢資助醫療生活費， Eva有心冇力照顧唔緊要，我都多謝佢曾經付出，所以我叫樊亦敏搵律師計番曬啲車馬費俾佢，但亦請佢清楚將家輝啲錢交番出嚟。」
從劉家輝去年生日的笑容，便看出他感激樊亦敏一直的幫忙。 
樊亦敏相救
上週六晚（九日），樊亦敏到醫院為劉送上湯水，她稱現透過法律途徑幫他向助手追番血汗錢。
律師醫生見證
至於何以將委託人由 Eva換成樊亦敏，她續說：「當日係 Eva主動話照顧家輝，但佢見親家輝，都大聲喝佢埋怨佢，又不停重提仔女攞錢嘅事，咁好影響佢康復心情。
Eva都俾護老院同日間護理院投訴過，醫院份心理報告亦提到家輝一聽到 Eva個名就震曬；所以經家輝同意， Eva唔可以隨便見佢。
「我睇到真正出心出力幫家輝嗰個唔係 Eva，由安排入護老院，碌曬咭搵律師義務幫家輝，安排中醫針灸，全部都係樊亦敏。
「係家輝同我要求，喺有親友、律師同精神科醫生見證下，將委託人轉俾樊亦敏。之前我哋建議過 Eva幫家輝請看護，但佢話護老院唔俾看護出入，但依家樊亦敏做得到，即係 Eva講大話。」
劉的子女去年曾闖護老院見父不果，早前又報警指父失蹤，但劉的胞姐說他們知道可透過律師申請探父，只是其子一直沒有行動。 
去年中秋，外甥靜怡聯同樊及一眾劉的好友陳觀泰等人，陪劉家輝慶中秋。 
劉家輝出事後在醫院療養，有人入屋將他的睡房拆爛曬，翻箱倒槓摷嘢。 
樊亦敏說，劉的親友只希望他能接受中風後的身體狀況，靠儲蓄積極活下去。
樊亦敏出手
不忍劉家輝被人搾乾，樊亦敏聲稱會以法律途徑，向劉家輝助手 Eva追討。
「當日佢做助手，幫輝哥收起啲片酬唔出奇，但唔等於可以 keep到依家。 Eva唔肯交番筆錢出嚟，仲話要搵律師同家輝哥律師對話，等同浪費緊佢啲養老金打官司。
「再者佢夠膽話唔知家輝哥下落！年頭家輝哥唔舒服入院，撞正委託人交接期，老人院唔清楚，以為 Eva仲係委託人就通知咗佢，佢點會唔知家輝哥喺邊！」樊亦敏說。
劉家輝過往交由助手幫他收取片酬，故血汗錢落在 Eva手上。
.助手搾乾劉家輝 樊奕敏幫忙追數
http://veryy8.blogspot.com/2013/03/blog-post_4755.html.助手搾乾劉家輝 樊奕敏幫忙追數
http://veryy8.blogspot.com/2013/03/blog-post_4755.html
