2013年3月1日 星期五

[忽然1周]熊父過身 觸景傷情 城城月租 3萬嘉亨灣𠱁Lynn

唔熟新竇環境 <br><br>搬屋個幾月,但 Lynn對新居停車場的環境依然不熟悉。當日她揸車兜了幾個圈才搵到自己的車位,落車後更不停向保安問東問西。


滾熱辣

熊父過身 觸景傷情 城城月租 3萬嘉亨灣𠱁Lynn

2013年03月01日

熊黛林( Lynn)父親早前因肝癌離世,上月在港出殯時,男友郭富城不避嫌到靈堂打點,熊家女婿身份得以確認。

去年 Lynn為表孝道,專誠接父親留港醫病,當時熊父除進出醫院外,其餘時間則留在 Lynn位於大坑的居所。現時熊父已撒手人寰,城城為怕女友在家時觸景傷情,於是以 3萬多元月租西灣河嘉亨灣,讓女友於新環境下重新振作。

上周六( 2月 23日),本刊便拍得 Lynn揸新車返新居。久未露面的 Lynn精神飽滿,看來喪父之痛經已平復。

上月初,有人目睹熊黛林( Lynn)單拖到西灣河豪宅嘉亨灣睇樓。知情人士說:「佢( Lynn)要求好高,睇咗三個單位都唔啱心水,見到客廳係樓望樓仲當堂扁嘴。到睇第四個盤,睇到客廳望海,景觀開揚,就立即撲槌。」

千呎海景單位

據知 Lynn新竇屬極高層,三房兩廳,面積約一千二百呎,客廳和主人房均俯瞰維港,月租 3萬多元。其實 Lynn 05年來港發展時只與其他模特兒合租上環舊樓,直至 06年底與城城撻著後,為求搬近男友位於跑馬地半山寓所,方便攻城,才開始進駐大坑。 10年初,於男友關照下, Lynn以 2萬 8千月租大坑道一號豪宅,由山腳慢慢向上移。

一直住開大坑的 Lynn,今次突然搬到西灣河,跟父親去年病逝不無關係。知情人士說:「 Lynn搬咗去大坑後,事業同愛情冇錯係幾順,但佢老竇嘅身體就愈嚟愈差。舊年佢老竇嚟香港醫病,就住喺大坑道一號舊居。自從熊父離世, Lynn返到屋企目睹老竇瞓過嗰張牀同啲舊衫,令佢回想起老竇抗癌時嘅苦況,住喺嗰度咩正能量都冇啦!」城城不欲女友每晚睹物思人,於是著她搬離大坑這傷心地。

加上有意在港置業的 Lynn,一直憧憬住新樓,享受會所設施,她曾說:「我租住大坑,睇住層新樓喺對面起,我都好想買番個單位,但得個想字,唔夠錢。」 Lynn開到口,城城於是識做,讓女友進駐新樓。上周六( 2月 23日),本刊便拍得 Lynn揸住落地唔夠半年的新車返新居,記者發現她對新竇的停車場還未熟路,落車後竟然向保安問長問短。

放大圖片

揸新車闖新居

上周六( 2月 23日),本刊拍得 Lynn揸住 80萬 Land Rover,直闖新居嘉亨灣的停車場。

放大圖片

嘉亨灣向海同類單位

放大圖片

嘉亨灣 06年落成,樓高 73層屬港島東區數一數二豪宅,現時最細單位入場費最平 700萬。

放大圖片

幾時請我上新竇!(設計對白)

我隨時 welcome㗎啦!(設計對白)

放大圖片

上月初,熊父遺體於哥連臣角火化,城城亦一早到場送別熊父最後一程。由於現場有記者,城城和 Lynn刻意前後腳離開火葬場。

去年求婚成功

城城與 Lynn拍拖十年,二人結婚的消息不絕於耳。其實城城近年修心養性,認定女友為結婚對象。本刊收到消息,城城去年 3月經已向 Lynn求婚,當時他更大手筆買定一枚過百萬的鑽石戒指,希望 Lynn點頭做郭太。知情人士說:「阿 Lynn咁恨嫁,得嚿石頭都應承啦!其實佢哋都準備今年結婚,不過好衰唔衰,阿 Lynn老竇又啱啱過身,所以要等城城搞掂巡迴個唱先再算。」

對於搬新居一事, Lynn直認不諱:「係呀!搬咗新屋,我想租間屋近海邊。我自己都想快啲有個家,快啲買樓。搬嚟搬去都係租,所以成日要搬,好唔方便。」

周日( 2月 24日),為 3月個唱宣傳嘅城城,提到與 Lynn的感情時,他則避忌說:「感情事順其自然,隨遇而安。」其實郭富城今年都 48歲,結婚生仔都好理所當然,仲有乜嘢好驚呀!

放大圖片

約好友行街

Lynn返南京與家人度新歲後返港,暫時未有工開的她,早前就約好友到中環行街。

放大圖片

Lynn到中環的 Christian Louboutin睇中一對 6千蚊粉紅色高踭鞋,但慳家的她最後就勒住荷包冇買。

放大圖片

日日排舞

城城 3月再於紅館開 9場個唱,連日來他為個唱積極綵排。周日( 2月 24日),記者就拍得他到銅鑼灣排舞室排舞,排到晚上亦未見離開。

放大圖片

Lynn母親近日由南京秘密來港,現時暫住女兒新竇嘉亨灣。上周六( 2月 23日),熊母和一名親友便離開嘉亨灣,幫女兒放狗。

玄學家指新居旺

放大圖片

堪輿學家譚雲龍指出, 1980年出世的熊黛林命格屬「火炎土燥」,故居於面向海的單位可以無往而不利。他說:「佢條命有金欠水,家宅對海當然旺佢,而且都有助佢嘅事業同姻緣。另外今年佢有『紫微星』,本身命格亦有兩粒『六合』星,大利今年嘅姻緣,結婚機會好大。今年唔結,佢就要等到 2015年㗎喇,而佢 2015年亦好大機會生 BB。」

唔熟新竇環境 <br><br>搬屋個幾月,但 Lynn對新居停車場的環境依然不熟悉。當日她揸車兜了幾個圈才搵到自己的車位,落車後更不停向保安問東問西。

愈住愈豪

Lynn與城城拍拖後,便火速搬去大坑,務求方便會男友。而短短六年來, Lynn於大坑已換過三次竇,加埋現時月租 3萬多的嘉亨灣,愈住愈豪。

放大圖片

07年 益群道三號

07年, Lynn以 1萬 5千月租益群道三號一個低層單位,甚無私隱。

放大圖片

09年 騰黃閣

Lynn08年搬去大坑半山,以 2萬月租騰黃閣一個五百呎單位。

放大圖片

10年 大坑道一號

Lynn10年再「升呢」,以 2萬 5千租大坑道一號一個過千呎三房兩廳單位。

愛的密碼

由於城城主張低調拍拖,因此 Lynn惟有於微博曬幸福,發放愛的密碼。上月情人節, Lynn就將一張心心相印的相放上網,擺明暗示與城城打風打唔甩。

放大圖片
放大圖片


.[忽然1周]熊父過身 觸景傷情 城城月租 3萬嘉亨灣𠱁Lynn
http://veryy8.blogspot.com/2013/03/1-3lynn-1.html
.[忽然1周]熊父過身 觸景傷情 城城月租 3萬嘉亨灣𠱁Lynn
http://veryy8.blogspot.com/2013/03/1-3lynn-1.html