2013年2月23日 星期六

黃翠如預咗被Out 「翻版黃宗澤」張振朗擺脫影子

黃翠如


黃翠如預咗被Out 「翻版黃宗澤」張振朗擺脫影子

黃翠如擔大旗 預咗被Out

看上去總是楚楚可憐,說話時,氣若遊絲,似是弱不禁風,倒想不到,過去10年黃翠如拍旅遊節目最愛流連貧民窟,體驗第三世界的真善美。斷斷續續遊歷了55個國家,鳥倦知還,也想不到,回家路竟然是走入複雜的娛樂圈。伯樂餘詠珊一手提拔,為愛徒穿針引線,毫無拍劇經驗的黃翠如,加入無綫就可以做到女主角。黃翠如未學行,已經要跑,前路有幾長,要跑幾遠,她不知道,不過,她倒有心理準備,隨時被out。撰文:楊潔雯



■31歲的黃翠如剛加入無綫便擔正女主角,難怪有流言蜚語,她對此只求努力做好工作,讓大家接受自己。

攝影:黃偉雄

服裝:Muse

黃翠如

■在無綫新劇《心路GPS》中,黃翠如和陳展鵬(中)有不少對手戲。劇照

電視戰發生,電視台的意識形態劇變,因為人手短缺,出現好多畸形現象,31歲電視台新人黃翠如在有線和now做旅遊節目主持,拍過兩部電影,卻從未接觸過電視劇,加入無綫之前見過戲劇組大家姐曾勵珍,然後第一部劇集《心路GPS》拍住視後李司棋,擔正做第二女主角。

黃翠如

■黃翠如和有線舊拍檔梁嘉琪(左)在《心路GPS》中合作。劇照

與梁嘉琪少聯絡

黃翠如直認是電視戰孕育出來的畸胎,她日前說:「我都覺得係,如果唔係電視台挖走咗好多人,如果唔係我哋公司好多人去咗內地拍劇,我呢啲人係冇可能生存到,我好認同。嘉琪(梁嘉琪)都話,我呢個case係一個好奇怪嘅case,我相信應該係。我冇演出經驗,30歲仲係新人,我真心講,我係好好彩嘅人,正如我第一次拍電影,嗰兩套係女主角,我自問條件唔係好好,所以無論以前喺Cable到??家喺TVB,我都好好彩。」

黃翠如在第三世界學習的生活態度,嘗試套用在複雜的娛樂圈,她希望尋找最真實的答案,她天真地說:「我入嚟個位咁好,呢樣我好驚訝,坦白講,我嘗試問點解,但係我問唔到,我有問過啲監製,跟住佢哋話唔係我諗得咁複雜係啲乜原因,兩個都係新監製,佢哋都話鍾意用新人,咁TVB唔夠人,佢哋仲話我作為新人都未做好自己啲戲,調番轉喺度諗點解你可以做戲,會唔會係浪費太多時間呢?咁我都覺得係?!」

電視城有非戲劇製作總監餘詠珊助陣,老友梁嘉琪又在無綫五年,陸浩明和洪永城更先後加盟,黃翠如初來報到,大家認定她有一群同黨可以通風報訊,今日她竟然是孤軍作戰,重感冒的黃翠如用氣聲回答這個問題,我見猶憐,她說:「我以前喺出面做嘢,有乜事都會打去問Sandy(餘詠珊),入咗TVB都冇搵過佢,咁耐以來,都喺走廊見過兩三次,都係點嚇頭問候嚇。」梁嘉琪同門出身,本應同聲同氣,如今卻甚少聯絡,黃翠如說:「入嚟我都冇搵佢傾,嘉琪係一個好實在嘅女仔,你畀乜佢做佢就做,佢喺呢間公司五年,好清楚呢間公司向前走,大家喺度排隊。」

黃翠如

■以往黃翠如做旅遊節目以肯搏見稱。資料圖片

「聽到閒言閒語」

沒錯!當大家正在排隊,黃翠如卻突然被強行擠在前面,難怪未能服眾,又招人妒忌,她說:「間中都聽到閒言閒語,好似??家咁,有人會覺得我有關係,所以可以做女主角,都係類似咁!」不過,黃翠如不是想像中的弱,今日的流言蜚語對她絲毫無損,她說:「我第一次聽到呢啲嘢係我拍電影嗰時,聽過類似嘅嘢,第一次好傷心,今次只係……點講,我覺得我好好彩,不過,我覺得人嘅運氣會用完,我由細到大都好好彩,所以好快用完,??家係要靠努力,而我嘅結論係努力做好自己,我被人接受就可以行落去,如果被淘汰我就走,我知道無論外在條件,演技同實力,大家都會對我有好多猶豫,我就好似啲病毒,醫得好繼續成長,醫唔好變腫瘤,唔好彩變成惡性cancer,到時要死,我冇諗過掙紮,因為呢行從來冇得選擇,我哋只係被選擇嘅一群!」

翻版Bosco擺脫影子

外形酷似黃宗澤的張振朗,與黃翠如都希望憑新劇得到觀眾認同

■外形酷似黃宗澤的張振朗,與黃翠如都希望憑新劇得到觀眾認同。

畸又點只一個,「識」人可以做主角,「似」一個人都可以有機會彈起,尤其最近無綫劇頻頻出現新面孔,當中25期訓練班出身的張振朗(Owen)外形和神態跟黃宗澤(Bosco)有七分相似,Owen連態度謙虛也學得似模似樣,他說:「似佢(Bosco)開心呀,好榮幸,會容易俾人認識到同接受啲,但係耐咗之後,開始要搵番自己,唔好有佢嘅影子,所以開頭係好事,以後就要再努力。」

友薦雲推薦

.黃翠如預咗被Out 「翻版黃宗澤」張振朗擺脫影子
http://veryy8.blogspot.com/2013/02/out.html
.黃翠如預咗被Out 「翻版黃宗澤」張振朗擺脫影子
http://veryy8.blogspot.com/2013/02/out.html