2013年2月23日 星期六

有話兒:鄭欣宜100磅神話

鄭欣宜100磅神話


有話兒:鄭欣宜100磅神話

在鄭欣宜的成長路程上,最惹人談論和注視的,相信莫過於她的減肥成績,體重由最高峯的230磅減至137磅,搣掉近百磅肥膏後的欣宜,搖身一變為瓜子面索女,的確創造了一個瘦身神話,更被不少肥妹視為偶像,神話背後,欣宜說:「瘦唔代表靚,肥唔代表醜,我希望大家知道我無論幾積極去減肥,從來都唔係為咗要瘦,只係為咗健康,更加唔好為咗外表去hurt人哋。」

撰文:何慧斯

最近娛樂圈捲起了一股「細細粒」熱潮,一眾宅男粉絲似乎不再盲目追捧身材索爆的女藝人,反而那些身形圓碌碌的女藝人,紛紛被冠上女神稱號,雖然熱潮過後,可能一切仍回歸索爆,但總算為一眾肥妹燃起點點希望。被視為瘦身神話的鄭欣宜,日前接受專訪時有感而發說:「我希望大家知道,瘦唔代表靚,肥唔代表醜,當日我積極去減肥,從來都唔係為咗要瘦,只係為咗健康,我作為呢個所謂瘦身神話,聽到太多女仔同我講佢哋嘅瘦身經歷,好似扣喉、節食,又或者全日淨係飲一碗湯,聽落真係好肉赤,好嬲點解社會冇令一個年輕人對食物、健康、運動同營養有更多嘅知識,我唔想有咁多人傷害自己嘅身體。」



■欣宜由飽受攻擊到被觀眾受落,她闖過一道一道難關,終於走出黑暗。

攝影:陳慧安

服裝提供:Microwave

被惡意言語傷害

欣宜坦言當年其實是有病,她說:「我嗰陣唔係肥,係癡肥,係一個病,細個食嘢係一個獎勵,但係大個就變成另一個諗法,好似我發覺舊年食嘢係有少少想懲罰自己,因為我係一個好心急嘅人,每次做嘢都想快啲有效果,但係做唔到會好??自己,點解唔可以做好啲。」

鄭欣宜100磅神話

■為了堅定入行的信念,欣宜珍惜每一次演出機會。

鄭欣宜100磅神話

■醉心唱歌的欣宜當年有不少機會出鏡,又唱又跳。

最近被指翻脹的欣宜,坦言這些報道是動力,她說:「我??家要開始keep番,我唔係要瘦到好似鄭秀文同容祖兒咁,我希望年輕人可以學識欣賞每一個唔同嘅shape,每個人都有獨特嘅地方,如果每一個人都一模一樣,你又會唔開心,又會冇咗自己。媽咪以前成日教我,如果講出嚟嘅說話會hurt到人,你不如唔好講,唔好為咗外表去hurt人哋,可能好多人都未試過俾人咁樣講,唔知道嗰種痛比刀割更加痛,刀傷會好,但係好多說話永遠留喺個腦,我自己都試過,EQ高嗰陣咪冇事,EQ低咪會諗番,我覺得最堅強嘅人都有自己嘅底線同敏感嘅地方,對我嚟講,肥瘦係我嘅敏感,媽咪係我嘅底線。」

欣宜經歷無數批評,她坦言得比失更多:「我學識咗冇得care,當你冇得care,咪會放輕咗,當年錫完吳卓羲嗰個死亡之吻後,以為冇得翻身,有朋友問我點解仲要喺香港發展?我覺得觀眾好錫我,不斷畀機會我,可能一開始係鬧住我嚟睇,好過理都唔理我,我個性格好衰,比較反叛,如果我冇咗呢種鬥心,我未必會咁積極。」



■因有一對知名父母鄭少秋及沈殿霞,欣宜入娛樂圈的路比別人易。



■欣宜曾經都有索爆時候,她這襲泳衣照,驟眼看與徐子珊相似。

自問比媽咪開心

欣宜不清楚自己何時開始學懂放鬆,她表示:「??家真係舒服咗,我以前做訪問好有保留,以前大家話我浮誇,但其實我??家更加癲,反而大家仲接受,佢哋feel到原來呢個先係你,觀眾唔係蠢,係會知你係咪扮嘢,我學識使乜扮人哋,做自己咪得。我覺得??家大家了解咗我,知道唔係我叫媽咪幫我入行,幫我安排工作,當然,我唔可話人哋搵我,係同我阿媽完全冇關。」

盡得肥姐沈殿霞真傳的欣宜,事實上性格比媽媽更開心,她說:「可能我冇佢嗰種枷鎖,因為佢一定要養我,要照顧婆婆,但係我冇呢樣嘢,就算我點想照顧媽咪都好,我已經冇呢個機會,所以唯一可以就係做好自己,享受生命,享受以興趣作為工作,我以前就係太緊張所有嘢出嚟嘅效果,但係其實呢啲我控制唔到,擔心嚟做乜?嘥曬啲精神同時間。」

死亡之吻的啟示



■欣宜當年錫了吳卓羲一啖,令她受到網友瘋狂攻擊。

因為扮白雪公主向王子吳卓羲獻吻而被圍剿的欣宜,今次在賀歲片《2013我愛HK恭囍發財》上,瘋狂到第一次見到謝天華就要成為他的女人,又用一粒雲吞去色誘他,欣宜坦言:「之前嗰個死亡之吻真係令我有啲驚,呢次挑戰自己個底線,但係諗深一層,如果我投入個角色『朱玉圓』係唔會驚呢啲嘢,所以咪決定要投入去做,唔湯唔水咪仲衰,反正最難聽嘅說話都承受過,其實每一次都係一個學習經驗,當時發生呢啲事,可能係個天想安排我要預備好,呢個圈分分鐘會有呢啲事發生,你會點先?係咪真係咁想做呢行,係咪真係咁鍾意唱歌先?」

欣宜強調:「如果我放棄就會輸,我點會俾你兇到!受過呢啲所謂嘅打擊後,就會成熟,所以我今次拍賀歲片好開心,因為我真係克服到。」

友薦雲推薦

.有話兒:鄭欣宜100磅神話
http://veryy8.blogspot.com/2013/02/100.html
.有話兒:鄭欣宜100磅神話
http://veryy8.blogspot.com/2013/02/100.html