TVB藝人跨年活動 張智霖吳鎮宇認陳法拉做契媽
張智霖爆鎮宇認法拉做契媽
[14:50] 2013/01/01
【on.cc 東方互動 專訊】 張智霖與陳法拉合作拍劇成好友，二人更應邀齊齊出席倒數活動，甫見面即雞啄唔斷。智霖自爆趕著來還錢給對方，不想「壓過年」，事關巴黎外景期間，二人夾份買紅酒，由法拉先行付款。智霖又大讚法拉細心體貼，很會照顧台前幕後，難怪同劇的吳鎮宇封了法拉做「契媽」。而法拉知道智霖爆其花名，即大發嬌嗔，且打趣說：「我係全組最後生嗰個，受唔起，我都係辛苦命，做阿四啫。（畀人讚娶得過？）咁要問番人哋喇。」談到去年的發展，法拉自問滿意，且透露新一年已有不少工作計劃在手。
張智霖與陳法拉甫見面就雞啄唔斷。 
法拉原來很識照顧人，怪不得鎮宇想認佢做契媽。
性感高海寧震住獻唱
[14:49] 2013/01/01
【on.cc 東方互動 專訊】 高海寧以超性感裝束出席倒數活動，且開金口唱歌，全程表現不錯，令她如釋重負，她又自爆說：「試過登台唔記得歌詞，頭先手都震曬，好彩今次總算冇辜負歌唱老師啦。」問到是否有意進軍樂壇，她笑指「唔敢諗」，反而拍劇工作愈來愈多，令她十分高興：「希望自己嘅角色得到肯定啦！（想攞獎？）希望可以喺呢方面邁進啦！」
高海寧無懼低溫，照穀咪咪。 
高海寧不慎露打底褲。
鎮宇Chilam爭認法拉做「契媽」
2013-01-01 13:06:43
因拍《衝上雲霄2》無厘頭傳緋聞嘅張智霖(Chilam)同陳法拉，噚晚到新蒲崗出席除夕活動。兩人合照全無避忌，落落大方。Chilam話:「我要畀番錢法拉，佢同我及鎮宇三個之前喺法國拍外景bid咗啲紅酒，我未畀錢，要俾佢。」
Chilam表示喺法國拍外景時好開心，更即場爆法拉有個花名，叫做「契媽」，皆因佢好照顧大家，當然法拉dislike呢個名啦，佢話：「梗係唔鍾意，我係最後生，叫到老曬﹗係因為我好似阿四咁、服待曬佢哋，佢哋先咁叫。」
另外有指Chilam有意介紹男仔給胡杏兒，但Chilam噚晚又話，思前想後諗清諗楚，都係唔好做媒人為好。
高海寧唔唱歌 齋曬「事業線」
2013-01-01 16:31:10
近排盛傳喺節目《順峰順水》擺阿姐款嘅高海寧，日前出席活動唱咗「五音全」嘅走音歌後，噚晚除夕夜就同張智霖同埋陳法拉出席商場嘅倒數活動，今次唔使佢唱歌喇，剩係現嚇身，做返佢嘅專長曬「事業線」就得喇。
以一身全白性感低胸裙現身嘅高Ling就算咁性感，面對住堅係無綫姐仔級人馬嘅陳法拉，都要全程「靠邊站」，幾乎張張相都係密實法拉企正中間。不過高Ling咁性感曬「事業線」，當然都成為全晚嘅焦點啦。
高Ling 喺邊？左邊囉﹗咁「邊」嘅﹗ 
高Ling玩波，幾開心！ 
法拉奉旨搶鏡，咁高Ling都好搶鏡。 
玩手銬？佳節流流都要S…for M？ 
估唔到原來高Ling 好like玩手銬，玩完笑曬。
梁烈唯已聘律師 新一年想和諧
2013-01-01 13:13:21
胡杏兒、胡定欣及梁烈唯等，噚晚到尖沙嘴出席活動，提到唯唯被黃浩告誹謗，踏入2013會否想遠離是非？唯唯話：「梗係好，希望社會和諧，身體健康，搵得到賺得到身體好。」有傳唯唯已聘請律師，佢話係，但就表示便再作回應。
之前唯唯喺商台宣傳劇集嗰陣，大發「蝗蟲論」，話有隻蝗蟲科動物想飛入屋撲火，結果撞咗落玻璃上，暈咗，仲俾蝙蝠飛食咗。噚日問唯唯仲冇被蝗蟲騷擾？佢笑稱：「我冇時間抹窗。」此外有傳言指有富豪支持黃浩告藝人，唯唯亦表示不回應。至於杏兒被問到會否想有拖拍，佢就話一切隨緣啦。
梁政玨元旦日 即曬透視V
2013-01-01 13:29:52
梁政玨今日喺大埔同徐靖雯、戚黛黛一齊出活動，梁政玨著條紅色露肩裙、胸前仲有V型透視，一行出嚟已經殺曬，仲要俯身烏身寫願望，條事業線即走曬出嚟。
梁政玨話單身，除夕冇男仔約，同屋企人食飯後就瞓，冇去倒數。
黎耀祥戥林峯搵錢冇時間使辛苦
2013-01-01 14:28:32
黎耀祥、馬國明、龍小菌等人噚晚喺荃灣出席倒數活動，祥仔太太同囝囝陪開工，之前有傳林峯想退出，祥仔話：「佢拍劇又要兼顧唱歌登台，辛苦過我好多。我會體諒佢，搵完錢冇時間使，有抑鬱都唔出奇。我都10年冇放假旅行，有時太辛苦我都同老婆呻要退休，我都有抑鬱啦！不過我講笑咋。」
有傳樂易玲捧馬國明，祥仔話冇聽過。另外，龍小菌因經常戴面罩令個肺有事，據知稍後有機會揭面罩。
祥仔一家三口齊齊出席活動。
呂慧儀媽咪恨抱孫 送春宮圖做禮物
2013-01-01 14:37:55
許志安、陳靜（DaDa）同呂慧儀等，噚晚喺東港城出席倒數活動，低胸上陣嘅DaDa最搶鏡，而松岡李那跳舞時吊帶衫甩帶，好衫冇走光。
春風滿面嘅DaDa透露聖誕節識咗個生意人感情可能有著落。而呂慧儀就直認老爺催佢生B，媽咪更送埋春宮圖畀佢同老公參考，真係恨孫恨到出面。
Dada當然係攻上啦。 
呂慧儀黑絲長腿，不過個妝重手咗，好似流眼淚咁。 
高登女神吳若希 
呢位哥仔食到咁，呂慧儀都忍唔住大笑。 
松岡李那率姊妹跳舞跳到甩帶。 
安仔落力獻唱。
單身胡杏兒除夕掉淚水
[14:30] 2013/01/01
【on.cc 東方互動 專訊】 甩拖胡杏兒昨晚出席除夕倒數活動，並上台獻唱助興，她希望新一年工作順利，談及感情事事坦言一切隨緣。由於經常出埠工幹，問可會否接受異地戀？她笑言只要地點不會相隔太遠就可以。拍照期間她突然掉下淚水，她解釋是大風吹入眼所致。
楊怡新年願望加薪賺人仔
[14:31] 2013/01/01
【on.cc 東方互動 專訊】 視後楊怡與歌手周子揚、裕美出席大埔超級城倒數活動，楊怡趁與街坊玩遊戲時「謝票」，感激投她當視後的粉絲，一口氣唱了三首歌，還落台派禮物，氣氛熱鬧。她表示多年前曾在這個商場獻唱，因音量太細，歌聲無法入咪而出醜，今次重回舊地，勢要「一雪前恥」，結果她順利過關。談及新年願望，她最想加人工及接拍內地劇。問會否叫男友羅仲謙努力搵老婆本？她說：「咁人人都要賺更多錢啦！」
羅孝勇指Mag冇可能厭食
[14:35] 2013/01/01
【on.cc 東方互動 專訊】 藝人羅孝勇除夕夜到屯門黃金海岸出席倒數活動，被問有否約緋聞女友林欣彤（Mag）開Party迎接新年，他說：「可能遲嚇『巨星幫』會約埋搞新年Party，或者約食飯、唱K。（傳阿Mag厭食？）我識嘅阿Mag係好為食，一盒叉雞飯可以食到乾乾淨淨，冇可能厭食！」
廖碧兒避談與林忠豪拍過拖
[14:36] 2013/01/01
【on.cc 東方互動 專訊】 廖碧兒昨晚出席倒數活動，抱恙上陣的她透露難抵北京嚴寒，結果打敗仗而回，而將於本月6日生日的她，表示會在上海工作中度過，問到生日願望？她說：「梗係身體健康啦！都想拍嚇拖，不過暫時未有緣分（林忠豪認同你拍過拖！）冇睇呢個新聞，之前嘅嘢唔會再回應，人向前望嘛！」
馬德鐘新年願望追B女
[14:36] 2013/01/01
【on.cc 東方互動 專訊】 與廖碧兒同樣病倒的馬德鐘，表示是首年參與倒數活動，感覺很興奮，他透露月底將到內地開工，問到可有時間接TVB劇？他說：「係有簽到，年中或者年尾啦！（搵人仔緊要？）咁TVB都緊要！」更笑指新年願望乃生女，惟太太不肯，抵死的他表示希望有意外，問到為何遭太太拒絕，他說：「因為年紀同責任問題，同個仔差距又大，所以呢個只可以係夢想，依家惟有計劃養隻邊界牧羊犬啦！」
沈卓盈約徐淑敏飯聚避談官司
[15:29] 2013/01/01
【on.cc 東方互動 專訊】 藝人沈卓盈與馬國明到荃灣出席商場活動，沈卓盈自爆日前與好姊妹徐淑敏（Suki）飯聚，她說：「都係行街食飯、Girls talk咁，佢冇話唔做藝人喎！（Suki冇Job？）都唔係吖，佢又要忙搞生意呢！（佢擔心老公黃浩近日是是非非？）冇傾呢啲。」而同場的馬國明說：「除夕出席倒數活動迎新年，元旦日都係工作中過。（唔約緋聞女友朱晨麗？）緋聞唔係真，而且男人要實際啲，今年我搵錢至上。」
馬國明未聽過受力捧
[14:33] 2013/01/01
【on.cc 東方互動 專訊】 馬國明出席除夕倒數活動，問到新一年工作大計？他說：「嚟緊新一年都係拍《On Call》個續集先啦！但農曆新年後先開拍，咁所以近排都多啲機會出騷搵外快，（原班人馬拍續集？）比起上集加咗啲人啦！吳啟華、古明華同香香公主。」提到日前有指林峰意興闌珊想退出娛樂圈，更指樂易玲捧他上位？對此，馬明說：「如果阿峰退出真係好嘥，佢仲有好多空間，至於捧我就真係未聽過，唔可以話捧，咁公司有四個廠，嚟緊都要捧好多人。」
胡定欣約舊愛吳浩康撐枱腳賀奪標
[14:32] 2013/01/01
【on.cc 東方互動 專訊】 胡定欣昨晚出席尖沙咀除夕倒數活動時自爆穿了一對紅色襪：「對襪有飛鳥圖案，我又著住紫紅色衫，希望帶住2012年Luck到2013年。（感情呢？）都希望帶住。（2013年轉感情狀況，由拍拖到結婚？）未咁快，剛剛先開始拍，工作先。」
談到前男友吳浩康早前表示如果她得了無綫「最佳女配角」要請食飯，她說：「我哋未食，有通電話，佢有恭喜我，好多謝佢，希望佢2013年繼續努力，歌唱事業有好成績，因為唱歌係佢最終目標。（如果食飯會帶現任男友一齊出席？）唔講喇，最重要大家生活開心同健康。」
黎耀祥爆「太監五虎」唔再做太監
[14:33] 2013/01/01
【on.cc 東方互動 專訊】 黎耀祥昨晚出席除夕倒數活動，提到日前有指林峰意興闌珊希望退出娛圈，祥仔說：「阿峰佢真係辛苦嘅，佢歌影視三棲，又成日要返大陸拍戲，真係好攰，佢搵得多錢，但又多嘢做，有錢都冇碇洗，我自己淨係拍劇有時都會呻不如退休啦！嚟緊2月尾《巾幗梟雄》第三集又開喇！我都想抖抖放嚇假（『太監五虎』真係開得成？）公司都真係度緊o架，但應該就唔會拍番太監嘅嘢喇！如果開得成可能接住《巾幗》之後拍，我2013年嘅願望係希望有假放啦！」
祥仔都戥阿峰辛苦。
沈大師親證 Suki唔會退出娛圈
2013-01-01 16:40:14
馬國明同沈卓盈元旦孖住到荃灣搵錢，兩人新年願望都係想買樓。除夕夜沈大師話佢同朋友一齊倒數，對於徐淑敏(Suki)盛傳退出娛圈，沈大師話佢哋日前相約去街:「都有問佢係咪唔做，佢話唔會。」仲Suki心情冇咩特別，大家好好傾。
男神馬國明就表示除夕收工之後就返家休息，佳節都唔搵緋聞女友朱麗倩見面？馬明話搵錢緊要啲，真係實際。
馬國明係宅男，就算有緋聞女友朱晨麗，佢都係選擇除夕夜收工返屋企。 
沈大師曬黑絲 
沈大師同大家玩遊戲。很想要嗎？
岑麗香操肌演Madam
[18:04] 2013/01/01
【on.cc 東方互動 專訊】 「宅男女神」岑麗香於上水廣場出席倒數活動，剛從加拿大返港的她表示大食咗，又指新年願望是忍囗吃甜品。香香透露正忙拍新劇做「飛虎」，故要積極練肌肉，做嚴肅Madam。
朱晨麗強調與馬明係朋友
[18:05] 2013/01/01
【on.cc 東方互動 專訊】 「Morning朱」朱晨麗於上水廣場出席倒數活動時，被主持將她與馬國明的緋聞擺上枱，事後她笑言常被同事拿來開玩笑，故早已習慣，又稱很開心有「Morning朱」這個新花名，不過表示跟馬國明是朋友。至於可有機會發展？她自言是新人要專注工作。
鍾嘉欣做女強人家人唔撐
[18:31] 2013/01/01
【on.cc 東方互動 專訊】 藝人鍾嘉欣在除夕夜出席《Landmark North上水廣場「星光閃耀迎2013」》倒數活動，與大批粉絲一齊迎接新一年，嘉欣表示新年願望是能學識平衡私生活及工作，指家人不喜歡她建立女強人形象。提到她早前為新劇拍攝爆破場面時被陳展鵬整個抱起，她說：「我驚我重，不過展鵬畀到安全感，好放心。（問過緋聞男友伍允龍？）無，最近拍劇好忙。」
.TVB藝人跨年活動 張智霖吳鎮宇認陳法拉做契媽
http://veryy8.blogspot.com/2013/01/tvb.html.TVB藝人跨年活動 張智霖吳鎮宇認陳法拉做契媽
http://veryy8.blogspot.com/2013/01/tvb.html
