2013年1月2日 星期三

[FACE]有毛有翼 背叛樂大媽唔續約 反骨林峯投靠楊受成

英皇對我好好!真實對白


真面目

有毛有翼 背叛樂大媽唔續約 反骨林峯投靠楊受成

2013年01月02日

失落視帝的 33歲林峯,有傳拒跟無 綫傾新約,玩嘢推劇,仲傳退出娛樂圈,返廈門打理家族生意。

原來,林峯已經有曬部署,據知待今年初約滿之後,林峯將會把經理人合約一併簽給英皇,除了狂拍內地劇搵真銀,楊受成更承諾 2年開 3套電影穀行 chok峯。做唔成視帝,唔通林峯想做影帝?

聞死敵冇癮

林峯強調同無 綫仲有約,但就唔肯講仲有幾耐,一聽到樂易玲改捧馬國明,林峯冇癮話:「幾十套劇唔係幾個人拍曬。」但說到英皇則笑曬口話好幫手。

唔認林峯

放大圖片

《蘋果日報》圖片

12月尾,樂易玲帶親生仔撐汪明荃,記者提到林峯是其契仔,樂易玲否認,記者再說林峯是其「親生仔」先真,但她竟斷言話林峯唔係「親生仔」,然後笑說自己親生兒子在旁,和林峯關係大不如前。

力捧 chok峯

林峯和英皇合作 5年,關係密切,而且林峯國內又有知名度,賺錢之餘,亦幫到旗下唔少歌手,據聞今次楊受成出盡辦法力捧 chok峯。

放大圖片

《蘋果日報》圖片

無 綫搞視帝視後全民投票,林峯坐定粒六結果大熱倒灶,連馬國明都 O嘴,林公子又點會唔洩氣?一早宣布完成本月的紅館演唱會,便會暫別舞台的林峯,原本一心幫無 綫拍新劇《食為奴》,但冇獎冇情講,峯少突然扭計話唔想剃頭,又話剃頭影響工作喎!

放大圖片

冇獎死心

放大圖片

賽前最高呼聲 嘅林峯,頒獎禮當晚俾馬國明、黎耀祥(上圖)夾擊,難怪成晚都扁曬嘴,亦令他加重離開無綫的決心。

放大圖片

Paco(左)再次搵愛將葉念琛(右)執導,原本想搵林峯擔正,但無 綫唔肯放人。圖片

放大圖片

繼承父業

對於引退傳聞,林峯說︰「爹哋(林華國)年紀都大,我身為長子,屋企有需要時候,都要負呢個責任。」但堅稱未有確實時間。

英皇對我好好!真實對白

無綫推戲決裂

放大圖片

無論獎項和演唱會,明顯英皇比無 綫更重視林峯,難怪峯少有「離心」。

知情人士說︰「其實家嚇林峯仲使咩拍 TVB劇 吖?不過咁多年都拎唔到視帝,佢做到好灰。以為憑《雷霆掃毒》最有機會,點知都係食詐糊,唔嬲就假!跟林峯有歌星合約的英皇趁機硬撬,叫佢連經理人合約都過檔,講明幫佢開電影、又接大陸劇。加上林峯歌星合約,呢幾次演唱會又搞得咁好,對英皇好有信心。」

07年簽英皇唱片約的林峯,本月底將舉行第 4次個人演唱會,威過唔少全職歌手。據知,如果順利做視帝的林峯會乖乖同無 綫續新約,即拍攝黃偉聲監製的新劇《食為奴》,同前度緋聞女友鍾嘉欣合演,但上週林峯接受雜誌訪問,激爆推劇和打算返廈門打理家族生意,引退消息愈傳愈誇。

據知,近年唔少導演搵林峯拍戲,但無 綫歷代小生,拍戲紅 咗之後,就會離巢發展。除了邵氏電影,林峯近年只簽了黃百鳴 3套戲,好少機會闖出無 綫,最近 Paco( 黃柏高)亦想搵林峯擔正葉念琛的電影,但都被無 綫以「冇期」推掉,林峯知悉後曾大怒埋怨,埋下反枱伏線。

樂易玲:唔係親生仔

前週,樂易玲一家三口捧汪明荃演唱會場,樂大媽對林峯態度 180度轉變,她說︰「攞唔到(視帝)係會失落,唔想打擾他。」她又笑言林峯不是親生仔,自己親生仔在場內。

而週日( 12月 30日)林峯出席活動,對本刊否認引退傳聞,但問到跟無 綫的合約和轉投英皇,林峯說︰「仲有 啲時間(合約期),總之英皇對我好好。」據知林峯與無 綫完約之後,將與英皇加簽 2年經理人合約。為表誠意,英皇將全力穀本月中( 13日)的《勁歌》頒獎禮,而且古巨基已表明不會出席,最受歡迎男歌手,峯少好淡定。

掘人仔好過

以為全民普選,可以憑 fans打死蟻嘅 chok峯,終於輸畀《大太監》嘅黎耀祥,林峯對無綫完全死心,堅持離巢。加上英皇全面打造 chok峯成影、視天王,接大陸劇又拍電影,名利雙收,過檔搵大錢。

放大圖片

開始拍內地劇的林峯,去年與葉璿拍攝《紫釵奇緣》,兩人曾經傳緋聞,未播出已有 noise。

放大圖片

希望進軍影壇的林峯,去年只有時間拍了一套《男人如衣服》。

小生埋位

去年林峯拎唔到視帝,真係唔知等到幾時, 3位小生陳豪、冧莊視帝黎耀祥和馬國明至少已有一套大劇在手,就連《衝上雲霄 II》男主角都係外援張智霖和吳鎮宇,難怪林峯冇癮。

放大圖片

醫生

《 On Call 36小時》最高收視達到 39點,監製已決定今年開拍續集,憑此劇奪「我最喜愛的電視男角色」和大馬視帝的馬國明,隨時成為 13年視帝。

放大圖片

特務

3度成為視帝的黎耀祥,今年將開拍《巾幗梟雄 3》,雖然拍檔換 咗胡杏兒,但觀眾始終 buy演技派,全民投票,黎耀祥亦有可能 4度封帝。

放大圖片

京劇

自 07年封帝之後,陳豪每年都打入 5強,今年的《金枝慾孽(貳)》必定成為熱話,飾演戲班老倌的陳豪,更會唱京劇玩難度。



.[FACE]有毛有翼 背叛樂大媽唔續約 反骨林峯投靠楊受成
http://veryy8.blogspot.com/2013/01/face.html
.[FACE]有毛有翼 背叛樂大媽唔續約 反骨林峯投靠楊受成
http://veryy8.blogspot.com/2013/01/face.html