2013年1月23日 星期三

[FACE]高登女神 《老表》剩女 王菀之豪放叫床

王菀之和王祖藍睇戲,據知兩人曾考慮加插親熱戲,但最終因不想影響二人的單純愛情感覺,故最終刪掉。


真面目

高登女神 《老表》剩女 王菀之豪放叫床

2013年01月23日

首週播映 嘅《老表,你好 嘢!》收到 70多宗投訴,有人鬧即有人睇,上週平均收視 30點,最高 33點。除 咗王祖藍好笑,劇中女角長腿教主萬綺雯繼續防腐, 230磅肥妹「細細粒」(陳嘉佳)亦夠曬可愛。

而劇中第二女角王菀之首拍劇,即被網友讚好戲唔造作,原來純情王菀之為練好戲,曾在舞台劇上飾演豪放 OL、甚至公然在舞台上叫床,如果現實一樣豪放,王菀之就唔使揸住層 2,000萬豪宅都仲係剩女喇!

呢期日日見 33歲王菀之,食住〈留白〉攞「金曲金獎」餘威,上週日( 20日)又 喺港台頒獎禮攞兩獎,咁 啱有份 孭飛 嘅《老表,你好 嘢!》播映,劇中飾演郭晉安細妹、搞笑得 嚟演出亦唔造作,最緊要係連把雞仔聲都收埋!

放大圖片

《老表》中王菀之一改雞仔聲,網友讚佢做得好,原來全靠舞台劇苦練過。

放大圖片

王菀之在舞台劇《 I Love You Because》中飾演豪放 OL,更因此俾王祖藍睇中邀請到無綫拍劇。

舞台劇練戲

放大圖片

《蘋果日報》圖片

10年跟張敬軒首次拍音樂舞台劇《柯迪夫》,令她出鏡時識得減低刺耳雞仔聲。

疑似相睇

上週四( 17日),王菀之同父母睇完江樺嘅周年音樂會,就同父母喺停車場等車,其間四眼男一直傍實身邊,更同王父母有講有笑。

四眼男殷勤

四眼男被指全程𥄫實王菀之,似乎對王菀之好有興趣。

王菀之和王祖藍睇戲,據知兩人曾考慮加插親熱戲,但最終因不想影響二人的單純愛情感覺,故最終刪掉。

父母介紹

有指現居於將軍澳領峯的王菀之父母,對四眼男讚賞有加,更主動介紹給女兒認識,睇嚟兩老好恨嫁女。

苦戀唔開心

放大圖片

繼無綫《勁歌》攞「金曲金獎」後,週日王菀之又於港台《十大中文金曲》頒獎禮中獲得十優歌手兼「金曲獎」。

首次拍劇演出就有成績,原來只因王菀之舞台劇經驗豐富。其中在 11年 5月同梁祖堯、湯駿業等拍舞台劇《 I Love You Because》,王菀之更獲香港舞台劇獎提名最佳女配角。而劇中王菀之飾演一名豪放 OL,教女性要尋找男伴先搵到自己的 Mr. Right,劇中王菀之除了跟湯駿業有床戲外,在二度加場時,更特別加插叫床聲音效果,王菀之當時亦說:「開頭都會尷尬,但原來家人好期待,如果我操到好似焦媛咁 fit,都唔介意戴 bra上陣!」

舞台劇做豪放女,但現實中,揸住層 2,000萬灣仔新豪宅尚匯的王菀之,現實感情卻一片空白,除了 09年被本刊影到跟 6呎型男一齊步出香閨外,據知先後試過𥄫中同志 MV名導莊少榮、亦曾跟現為人夫 嘅音樂監製馮瀚銘,糾纏不清。上週四( 17日)王菀之同父母一同出席歌唱老師江樺的周年音樂會,其間有位四眼男貼身服侍,更同王父母有傾有講,疑似相睇。上週日( 20日)王菀之出席港台頒獎禮表示:「王祖藍之前睇過我舞台劇,之後就打畀我邀請我拍劇,我本來都好緊張㗎,但係聽到有張繼聰就定啲,雖然係電視劇,但出嚟效果都幾舞台劇!」拍劇有成績,但王菀之講起愛情就好無奈說:「近排感情冇著落,因為之前唔開心,之前結束 咗一段關係,我單身但唔急。」

情路兜轉

33歲王菀之感情一直低調,最多都係同張敬軒傳煲水緋聞,咁耐係同高大男拍拖斷正過,但據知她原來多次投入感情,可惜全冇下文。

唯一斷正

2年前王菀之跟高大男一齊於幹德道寓所離開,其間高大男更幫她扶正眼鏡,可惜二人始終分手收場。

王菀之和王祖藍睇戲,據知兩人曾考慮加插親熱戲,但最終因不想影響二人的單純愛情感覺,故最終刪掉。

監製拖拉

放大圖片

左起

音樂監製馮瀚銘

歌手王馨

據知王菀之曾跟她的音樂監製馮瀚銘多次離合,最終馮卻跟前歌手王馨結婚。

錯愛導演

放大圖片

左: MV導演莊少榮

早年王菀之亦曾暗戀 MV導演莊少榮,但據知莊原來是同志,王菀之癡心錯付。

2,000萬豪宅揸手

王菀之 33歲女, 11年已經買了一層價值 2,054萬的豪宅尚匯,更為了這層豪宅,不惜放了購入未夠 1年的牛池灣新樓峻弦,雖然帳面有 9萬賺,但扣除稅項雜費,實蝕起碼過 10萬,加埋她父母的兩層將軍澳日出康城領峯單位,王菀之供樓條數好襟計,週一王菀之亦說:「供樓梗係辛苦,要放咗峻弦先供得起新嗰層尚匯,咁樣安全啲,屋企人嗰度(領峯)都要供㗎,成家人眾志成城囉,其實做呢行俾大家想像中賺錢難好多,都係靠拍多啲廣告或者接騷咋。」

放大圖片

領峯

父母持有兩個的領峯 1,309呎單位,買入價每個 774萬,現已升值至約 850萬。

放大圖片

尚匯

王菀之 11年 4月買入灣仔尚匯一間 964呎單位,當時造價 2,054萬,單位要年中才入夥。



.[FACE]高登女神 《老表》剩女 王菀之豪放叫床
http://veryy8.blogspot.com/2013/01/face-face_23.html
.[FACE]高登女神 《老表》剩女 王菀之豪放叫床
http://veryy8.blogspot.com/2013/01/face-face_23.html