2013年1月22日 星期二

關心妍退出樂壇 轟港台不公 罷玩頒獎禮

關心妍前晚出席港台頒獎禮前,在微博上載了自己穿上戰衣的相片,但最後卻食白果


關心妍退出樂壇 轟港台不公 罷玩頒獎禮

關心妍(Jade)前晚在「十大中文金曲頒獎禮」坐定粒六擸獎而回,豈料為博攞獎唔生B的她卻全晚齋食白果,心淡的她隨即發表「不再堅持論」,為了輸獎唔輸勢,更把心一橫宣布「罷玩」頒獎禮,高調抗議,從此專心一意過少奶奶生活。



關心妍前晚出席港台頒獎禮前,在微博上載了自己穿上戰衣的相片,但最後卻食白果。

2012年度四台頒獎禮由開始直至派發最後一張成績表,均在一片炮火聲中舉行,繼古巨基聲稱放假而缺席去年度的頒獎禮後,這片「罷玩潮」竟陸續蔓延樂壇。入行踏入第11年的關心妍(Jade)去年舉辦紅館個唱及連推兩張大碟,其金曲《失戀哲理》亦反應不俗,加上又獲頒「傑青」,令她在不少賽前預測中被睇高一線。信心十足的Jade亦坦言有望在前晚的「十大中文金曲頒獎禮」上分一杯羹,並身穿火紅短裙性感出席,以一副「攞獎格」等待時機擸獎。

「不能再堅持」

可惜事與願違,雖大會已大派豬肉,將「優秀流行歌手大獎」及「十大金曲獎」增設為十二個,但Jade卻未能瓜分一席,全晚慘坐冷板櫈。不是味兒的她趁頒獎禮未完時,已急在微博撰文「不再堅持論」:「再努力最終都失望……我也不能再堅持了,只希望今後好好過我楊太的生活!」字裏行間已感到得一陣怨氣。



不少歌手前晚都有獎攞,正是有人歡笑有人愁。

前晚在港台頒獎禮坐了一大輪但沒獎攞的關心妍顯得悶悶不樂。

前晚在港台頒獎禮坐了一大輪但沒獎攞的關心妍顯得悶悶不樂。

事隔一晚,Jade昨日接受本報電話訪問時,更先斬後奏正式公告「罷玩宣言」:「我決定明年開始,唔再出席任何頒獎禮,但絕對唔係退出樂壇,雖然未同唱片公司講,但相信公司會支持我,我真係覺得好攰!」Jade亦是繼譚詠麟及黎明後,成為香港第三位宣布拒絕攞獎的歌手。

關心妍在早前的勁歌及新城頒獎禮都有獲獎。

關心妍在早前的勁歌及新城頒獎禮都有獲獎。

關心妍在早前的勁歌及新城頒獎禮都有獲獎。

Jade指本來已有淡出頒獎禮之意,食白果後令她矢志不移,雖否認針對「十大」,但她怒轟大會不公:「上次攞『優秀流行歌手大獎』已經係○三年嘅事,等到今年希望變失望,我絕對唔係輸打贏要,但唔明呢個遊戲點玩,我知道好多粉絲都戥我唔抵。前晚仲係老爺生日,我都冇去,特登去支持樂壇,結果一個、半個獎都冇。公唔公平?大家有眼睇!」

港台冇收投訴

恨獎又恨B的心妍直言:「歌手有幾多個11年,為唱歌我都唔生仔住,但我唔可以再等啦,我真係好辛苦!」她「勉勵」其他歌手:「如果有其他歌手同我有一樣嘅感覺,我勸佢哋搵啱嘅地方做自己嘅音樂。」「罷玩宣言」一出,「十大」大會總監馮偉棠得知後冷笑三聲說:「我都冇辦法,好多時歌手嘅努力同成績唔係成正比。雖然好無奈,但希望佢放下釋懷,明年改變初衷,我哋道大門會為佢而開。(收過Jade粉絲投訴?)一個都冇。」

獲老闆娘力撐

關心妍(Jade)所屬的星娛樂唱片老闆為薛嘉麟,老闆娘諸葛紫岐(Marie)昨接受長途電話訪問時,表示因身在外地,故不知Jade為失落十大中文金曲頒獎禮獎項而想不再參與頒獎禮,但她表示:「Jade唔攞獎係好可惜,但我尊重佢嘅決定同撐佢,Jade係我好鍾意嘅歌手。」問Marie可覺得頒獎禮不公平?她說因不太熟樂壇的機制,不便作回應。

Jade唱片公司總經理朱先生表示:「我冇了解整件事,等我同佢通咗電話先,不過會尊重歌手嘅意願。」他又說剛上任,本周將逐一跟旗下歌手開會,屆時才了解Jade的情況才為她定音樂路向,至於獎項不公平問題,他認為每位歌手都有付出努力,但不同頒獎禮各有機制,很難概括評論是否不公平。



.關心妍退出樂壇 轟港台不公 罷玩頒獎禮
http://veryy8.blogspot.com/2013/01/blog-post_2741.html
.關心妍退出樂壇 轟港台不公 罷玩頒獎禮
http://veryy8.blogspot.com/2013/01/blog-post_2741.html