男友陳偉成偷嗒羅彩玲洩床照 周秀娜宣佈分手

周秀娜前晚高調在港台頒獎禮上宣佈跟男友陳偉成（Avis）分手，六年情玩完，據知花弗的Avis趁娜姐不在港，竟偷嗒19歲o靚模羅彩玲（Vivian），昨日更驚洩兩人的黐頭芒床照。Avis即借病潛水玩失蹤，大受情傷的娜姐速斬纜狠撇花心男友，她昨日酸溜溜說：「唔知邊個係Vivian！」

現年27歲的周秀娜憑32D魔鬼身材成為宅男女神，她入行時已自揭有髮型師男友Avis，後來Avis隨女友殺入娛樂圈，不過29歲的他花弗成性，有女神娜姐做女友都未滿足，前年被爆陪傅穎帶愛犬睇獸醫，去年跟媽模Mia拍電影《喜愛夜蒲2》慾戰又傳緋聞，一再辣?娜姐。

■周秀娜難忍Avis偷食o靚模Vivian，極速斬纜結束六年情。

■昨日驚爆Avis（左）和Vivian的床照，令兩人關係曝光。

■Avis甜蜜餵娜姐食雪糕已成過去，此情不再。　資料圖片

Avis緊挨小三熟睡

據知，Avis的新歡是19歲有「嫩版朱茵」之稱的C奶o靚模羅彩玲（Vivian），她是向展邦旗下的model，下月更踩入影圈拍《重口味》，消息指兩人經朋友介紹認識，兩個月前到中環出席眼鏡派對再遇，兩人一拍即合打得火熱，Avis經常趁娜姐離港工作後偷食Vivian，去年底兩人就被發現返Avis的馬鞍山屋企過夜，令娜姐對Avis徹底死心，決定揮慧劍斬情絲。

前晚娜姐在港台《十大中文金曲頒獎音樂會》高調宣告分手，本報記者在Vivian的facebook搵到她跟Avis在床上睡覺的照片，側睡的Avis緊挨著Vivian的肩膊，香夢正濃，踢爆兩人背住娜姐偷食！對於被驚爆床照，兩位主角昨日齊齊玩失蹤，被娜姐狠撇的Avis，昨日借病潛水，新歡Vivian更即時刪去床照。

【情侶黑超】

■大話情人Avis偷嗒Vivian，兩人的私相簿中還有情侶黑超、情侶帽（右圖），證據確鑿。

【情侶5號帽】

昨日本報記者致電娜姐，對於Avis偷嗒Vivian成分手導火線，娜姐可知誰是Vivian？她說：「我唔知，其實感情事好難講對與錯，我哋分手唔關其他人事，唔想拖人落水，最大問題係少溝通少相處，終於喺和平氣氛下分咗手。」可有機會復合？她說：「唔想講有定冇，將來大家咪知。」兩人分手後已沒聯絡，她表示暫時工作為先，感情隨緣，她說：「擇偶要啱feel，再揀新歡，我想要周公同財神。」

前晚娜姐在頒獎禮後接受訪問，她澄清消瘦並非因情傷，而是練功夫關係，不過提到情變時，娜姐亦一度表現感觸想喊。然而前晚娜姐發表單身宣言一刻，即惹來網民「熱烈地彈琴熱烈地唱」，並非有意攞景，而是認為他們的機會來了。

■32C的o靚模Vivian身材不遜娜姐，食香蕉甫士更加電死宅男。

「我同小方係兄弟」

另外，飽受情傷的娜姐無辜捲入方力申和鄧麗欣（Stephy）戀情，昨有傳小方和娜姐因合作拍內地劇撻著，娜姐昨向Stephy派定心丸說：「我同小方戲裏戲外只係兄弟。」

小方接受電話訪問亦否認情變，他說：「生活一樣感情冇變。」小方謂Stephy正在橫店拍劇，他說：「佢打畀我，佢話冇喊冇唔開心，只係相影得衰啫。」Stephy亦透過經理人表示：「冇分手，多謝大家關心。」對於娜姐和Avis分手，小方說：「最近見佢瘦咗好多，唔覺有乜特別唔開心，我哋合作過三次係好朋友，但平時唔聯絡，唔係靚女單身就一定要追。」

採訪：林妃、比華利、李珮洳

七國咁亂關係圖

.男友陳偉成偷嗒羅彩玲洩床照 周秀娜宣佈分手
http://veryy8.blogspot.com/2013/01/blog-post_1816.html.男友陳偉成偷嗒羅彩玲洩床照 周秀娜宣佈分手
http://veryy8.blogspot.com/2013/01/blog-post_1816.html