2013年1月31日 星期四

[壹週刊]土炮賀歲 阿倫卿卿雙箭頭 曾志偉鎮壓黃百鳴

卿卿開工第二日,同校長拍載歌載舞大場面。十多年無拍戲,一樣收放自如,兩 take收貨。


探熱針

土炮賀歲 阿倫卿卿雙箭頭 曾志偉鎮壓黃百鳴

2013年01月31日

09年,黃百鳴以大堆頭開拍賀歲片《家有囍事 2009》,票房理想,翌年邵氏電影加入農曆年檔戰線,由曾志偉領軍,動用旗下 TVB友,以人海堆砌出《 72家租客》,創出 3,440萬的票房成績,拋離對家黃百鳴《花田囍事 2010》一條街。

鬥足三年,雙方在本地的票房距離逐漸拉近,今年志偉遠道搵來息影多年的葉玉卿出山,拍住譚詠麟擔正《我愛 HK恭囍發財 2013》,火併年度華語片票房第二位的《低俗喜劇》班底,由杜汶澤、鄭中基、薛凱琪、吳君如等孭飛的《百星酒店》。蛇年的賀歲檔,曾志偉繼續鎮壓黃百鳴!

黃宗澤捱剪

邵氏的賀歲片,一向善用旗下資源,千軍萬馬!三年來沿用同一條橋,兩 pair演員同一個角色,後生到中坑。今次扮演主角譚詠麟和葉玉卿年輕版的,是膽拖拍足四年的黃宗澤和徐子珊;戲中黃宗澤有一場為飾演茶客的高海寧頂包扮女人,低胸晚裝加上冬菇頭,呃人兼嚇人,原本是綽頭賣點之一,但礙於片長有限,最終難逃一剪的命運。

「嚇,真㗎?電影公司嘅決定都無辦法,難得高 Ling嗰條晚裝裙我都著得落,仲諗住可以俾觀眾對比嚇邊個著得好睇啲添!」黃宗澤說。

放大圖片

鄭中基扮人狼,偏偏有對白滑無毛腿,騎呢!

放大圖片

冧莊四年拍賀歲片的 Bosco,盡地一煲扮女人搏出位,可惜場口被剪,一番心機嘥曬。

志偉落嘴頭

移居美國全職相夫教子的葉玉卿,回歸復出,開工兩日,與譚校長和喬寶寶拍攝大型歌舞場面,表現絕無生疏。同譚校長的一場,導演兩 take已經收貨;至於同喬寶寶合作的一場印度熱舞,人妻卿卿曬廿三吋腰,冇失禮街坊。

據了解,曾志偉趁卿卿將回港為電影做宣傳,已打算再落嘴頭,遊說對方多拍一部電影和電視劇。

放大圖片

吳君如戲中飾演有潔癖的清潔女工,愛用紫外光燈檢查邊度唔乾淨。因為曬燈會出雀斑,君如開工要落重料搽防曬。

放大圖片

年過 40兼生過三個小朋友,卿卿依然 keep到 23吋小蠻腰,索!

鄭中基笠戲服

至於埋位幫過邵氏拍《我愛 HK開心萬歲》的毛舜筠,今年掉轉槍頭,泊黃百鳴《百星酒店》碼頭,無古天樂無甄子丹,搵來創下三千萬《低俗喜劇》功臣,金馬男配角鄭中基同薛凱琪搭檔,演員片酬慳唔少,但鄭中基仍要用上三小時黐毛扮人狼,再打出一雙零毛腿,出齊法寶。

鄭中基對狼人戲服一見鍾情,更將之據為己有。

「 Ronald話想睇嚇囡囡見到自己呢個毛毛 look有咩反應,所以拍完就問工作人員攞咗套衫,話留番十月 Halloween用!」一名工作人員說。

放大圖片

飾演歌女的高海寧(右圖),繼續主打拋胸露肉,更一套晚裝同 Bosco兩份著。

放大圖片
放大圖片

《低俗》班底的薛凱琪和鄭中基合演情侶,兩人有蜻蜓點水式的接吻場面。

放大圖片

曾經拍過邵氏賀歲片的毛舜筠,今年過檔黃百鳴的《百星酒店》,同杜汶澤合演對手戲。

愈拉愈近

曾志偉、黃百鳴在賀歲片戰場鬥足三年,在香港的票房,曾志偉一面倒全勝,但距離一年比一年收窄,去年輸個馬鼻的黃百鳴,今年能否扭轉劣勢,拭目以待。

卿卿開工第二日,同校長拍載歌載舞大場面。十多年無拍戲,一樣收放自如,兩 take收貨。
放大圖片

曾志偉 

2010年《 72家租客》

主要演員:曾志偉、張學友、袁詠儀、黃宗澤、鄧麗欣、鍾嘉欣、王祖藍

票房: 3440萬

放大圖片

黃百鳴 

2010年《花田囍事 2010》

主要演員:吳君如、黃百鳴、鄭中基、楊穎

票房: 1554萬

2011年《我愛 HK開心萬歲》

主要演員:曾志偉、梁家輝、吳君如、袁詠儀、黃宗澤、王祖藍、陳法拉

票房: 2669萬

2011年《最強囍事》

主要演員:甄子丹、古天樂、劉嘉玲、張栢芝、黃百鳴、杜汶澤、熊黛林

票房: 2032萬

卿卿開工第二日,同校長拍載歌載舞大場面。十多年無拍戲,一樣收放自如,兩 take收貨。
放大圖片

2012年《 2012我愛 HK喜上加囍》

主要演員:馮淬帆、曾志偉、毛舜筠、黃宗澤、何韻詩

票房: 1412萬

放大圖片

2012年《八星抱喜》

主要演員:甄子丹、古天樂、陳慧琳、吳君如、杜汶澤、黃百鳴、熊黛林

票房: 1210萬



.[壹週刊]土炮賀歲 阿倫卿卿雙箭頭 曾志偉鎮壓黃百鳴
http://veryy8.blogspot.com/2013/01/blog-post_3002.html
.[壹週刊]土炮賀歲 阿倫卿卿雙箭頭 曾志偉鎮壓黃百鳴
http://veryy8.blogspot.com/2013/01/blog-post_3002.html