2013年1月31日 星期四

[壹週刊]豪請 40親友見證 鄭伊健蒙嘉慧東京圓婚

鄭伊健蒙嘉慧笑容一致燦爛,兩人在台上披露結婚感受時,齊齊喊到收唔到聲。


娛頭

豪請 40親友見證 鄭伊健蒙嘉慧東京圓婚

2013年01月31日

去年被本刊踢爆今年一月結婚的鄭伊健,終於履行承諾,給蒙嘉慧一個名分,為留個美好回憶給對方,伊健妥協只將婚禮化繁為簡,並遠渡東京擺西式婚宴,未有大事鋪張。除了鄭氏一家大細,一對新人還豪包四十親友,飛往日本現場見證。

伊健經理人林珊珊向外稱事前不知情,純為伊健不想婚禮受到騷擾。在婚宴上,伊健公開說一聲:「老婆。」蒙嘉慧已經喊到收唔到聲,新郎亦忍唔住落淚,又甜蜜又感人!

林珊珊打骰

拍拖差不多滿七年,蒙嘉慧成功打破「分手咒」,將鄭伊健正式私有化。本週一(一月二十八日),二人在四十親友見證下,於東京一間酒店舉行西式婚宴,攞正牌做鄭太。

今次婚宴,由伊健包起所有賓客使費,包括來回機票及酒店住宿,獲邀出席的,全部是伊健至親好友,合作多年的工作夥伴。

「舊年伊健決定結婚,同 YoYo都拉鋸咗一段時間,伊健怕煩,覺得兩個人開心最緊要,主張唔擺酒,但 YoYo覺得結婚一世人一次,好想留個美好回憶,伊健最後都讓步,聽曬老婆話。」知情者說。

在香港擺酒,容易掛萬漏一,加上二人圈中朋友多,難有合適場地,唔想大龍鳳的伊健決定在外地舉行婚禮,並鎖定他最鍾愛的日本。

「話就話簡簡單單,但搞婚宴始終有好多瑣碎事,加上佢要低調行事,伊健自然交曬俾佢最信任嘅經理人林珊珊代為安排。賓客名單係高度機密,伊健出面邀請嘅賓客,早喺兩個月前已經被通知度期,一月二十八日要出席佢嘅飯局,但個幾星期前,伊健先再通知大家食飯地點,原來喺東京!佢唔講,其實大家都估到啲,亦都好識做,守秘密!」

放大圖片

感動落淚

兩人緊握著手頭貼頭共舞, sweet到爆。

放大圖片

終於圓婚,伊健在微博公布喜訊,鄭太轉發再加兩個心心,難得高調曬甜蜜。

放大圖片

去年尾,二人大方拖手出席錢嘉樂及湯盈盈婚禮,伊健亦對結婚改口風:「結一定話你哋知。」

放大圖片

婚宴共開七席,主家席有鄭生鄭太、伊健父母,而與伊健共事過的新舊員工亦有被請,反而未有請圈中人。

放大圖片

林珊珊一家與伊健感情要好,經常舉家出席活動撐伊健,今次婚宴請客更由珊珊發辦。

放大圖片

近年伊健媽咪要撐枴杖出入,即使行動不便,亦遠赴日本飲新抱茶。

三日兩夜百五萬

鄭伊健、蒙嘉慧越洋到東京舉行婚禮,一對新人連家人、好友共 42人,包來回機票、酒店住宿,連同西式酒席,花費近 150萬。

機票(來回):

新郎新娘、家人(商務客位):$23130× 15人=  34萬 6,950元

賓客(經濟客位):$5390× 27人=  14萬 5,530元

賓客專車接送: 2萬

酒席(西餐):每位$1500× 42位=  6萬 3千元

酒店住宿(兩晚)(新郎新娘蜜月套房)  1萬 6千元

賓客住宿: 12萬

場地布置: 30萬

定情熊 Bear Bear: 10萬

結婚蛋糕: 2萬

新郎新娘禮服: 20萬

化妝、整頭: 6萬

雜項: 10萬

共支出: 149萬 1,480元

嗌老婆就喊

有份見證婚禮的四十位親友,除了伊健父母,林珊珊及老公 Michael Chan,大部分是伊健多年的合作夥伴,至於好兄弟林曉峰、陳光榮,亦有獲邀。

「同伊健合作開嘅一班手足都被邀出席,珊珊經理人公司員工更加全數到齊,而 YoYo亦有請佢以前個經理人 Ali Tang,全部都係自己人!」

婚宴上,鄭太穿上黑色晚裝,與西裝筆挺的伊健襯到絕,兩人亦有上台,自爆相識過程與經歷。

「 YoYo開聲講第一句,已經感動到喊曬,根本講唔到落去,伊健即刻攬一攬佢,到伊健講感受,估唔到佢亦忍唔住講兩句就喊,之後伊健嗌 YoYo做老婆,新娘就喊得更加厲害,班兄弟又大嗌 YoYo做阿嫂,氣氛好感動,又浪漫!」知情者說。

放大圖片

12月

去年十二月,伊健 YoYo再到日本旅行睇場地,今次他們選擇過二人世界。

放大圖片

一年去三次

戴上伊健送的戒指,蒙嘉慧又怕被記者發現,一直插著褲袋,直至上車時扣上安全帶,才不慎被發現。

放大圖片

3月

伊健鍾情日本,去年三月,二人到日本旅行已有計劃在此結婚,蒙嘉慧在微博上載個人照片,笑容甜到漏。

放大圖片

11月

去年十一月,伊健帶同父母與蒙嘉慧到日本為婚宴試菜,回港時二人分頭出閘。

回禮送布熊

自從決定做老襯,伊健對女友亦唔再避忌,出席老友錢嘉樂、湯盈盈婚宴,兩人公開手拖手。堅持婚禮低調唔大搞,但給賓客的回禮,伊健就交給老婆做決定。

鄭伊健蒙嘉慧笑容一致燦爛,兩人在台上披露結婚感受時,齊齊喊到收唔到聲。

日本註冊認可

放大圖片

二○○○年沈嘉偉邱淑貞亦在日本結婚。

不少香港人愛旅行註冊結婚,熱門地點首選手續較簡單的賭城拉斯維加斯。至於伊健 YoYo至愛的日本,手續絕不簡單。

熟悉日本法律的大律師林沙文表示,香港人在日本註冊結婚,是具有法律效力。準新人先要照日本戶籍法,到市役所登記註冊,遞交護照、出生證明及翻譯文件。

「根據日本民法《婚姻之要點》,男性滿 18歲,女性 16歲,便可在日本結婚,結婚時要兩個成年人見證。」成婚後,市役所會發出日本政府承認的「婚姻受理證明書」,新婚夫婦返港後需要將「婚姻受理證明書」翻譯成英文,連同有效的個人證明文件,於三個月內向香港日本國總領事館申請一份翻譯證明。

「攞到呢份翻譯證明書,就可以同婚姻登記處登記,確認有夫妻身份。」日本國總領事館人員透露。

現時並非所有國家均接受香港人註冊結婚,例如荷蘭、南韓要求結婚雙方其中一人為國民,才有資格在當地註冊,至於美國、意大利部分地區,以及新西蘭、瑞士等地,均接受香港人在當地結婚。

「伊健搵人特別設計一對熊啤啤送俾到場嘅賓客,啤啤熊隻腳仲印有代表 Ekin同 YoYo嘅 EY英文字母。熊女戴咗頭紗,代表住二人圓婚,好 sweet!」

當伊健決定好今次的婚宴場地,前後飛了東京兩次睇場試菜。

「雖然有林珊珊做搞手,但伊健都好緊張,舊年十一月同十二月,連續兩個月都有飛過東京,十一月嗰次仲同埋屋企人過去,一齊睇場地,先再拍板喺呢間古堡式酒店舉行婚宴!」伊健好友說。

放大圖片

舊愛結婚,邵美琪有傳今年三月跟男友施祖男拉埋天窗,她大方祝福舊愛:「祝佢哋幸福快樂。」(《蘋果日報》圖片)

放大圖片

今年中,穿婚紗出席鑽飾活動,不停被追問婚期的她因未得伊健首肯,死撐話唔恨嫁。

放大圖片

另一舊愛梁詠琪搶閘在一一年與西班牙籍的 Sergio結婚,各人終於覓得自己所愛。

放大圖片

今年八月在紅館開騷,當年《古惑仔》電影系列的演員上台做嘉賓,個個向伊健催婚,小春還說:「快啲俾番個名分人啦!」

提早送婚戒

一直恨做麵嫂的 YoYo,由去年八月被踢爆今年結婚後,一直守口如瓶,直至準新郎在演唱會慶功公開承認婚訊,她才放膽開腔講多幾句。

「舊年十一月,伊健同 YoYo去東京睇場地,伊健已經送咗隻結婚戒指俾 YoYo, YoYo開心到喊,一直戴住喺手,返到香港機場,怕俾傳媒見到,遮遮掩掩將隻手插喺袋,但佢點都唔捨得除低!呢個幾月,身邊朋友見到佢,都 feel到 YoYo有幾開心。」

在東京圓婚,伊健返港後將馬上投入工作,週六(二月二日)會與同樣家有喜事,將為人父的老友陳小春,一齊在澳門出席記者會。

七年修來一紙婚書

45歲的伊健, 06年與現年 39歲 YoYo結伴打羽毛球譜出「蒙麵戀」,同年十月, YoYo以正印女友身份攞住蛋糕,出席男友的生日會,正式公告戀情。

放大圖片

首次為男友慶生

放大圖片

超市買食材

鄭伊健蒙嘉慧笑容一致燦爛,兩人在台上披露結婚感受時,齊齊喊到收唔到聲。
放大圖片

外遊返港

知道伊健鍾意食住家飯, YoYo經常四出搜羅食譜學整好 嘢食,又行老爺奶奶政策,陪兩老飲茶,逢大時大節必送禮,又唔介意陪長輩去旅行,孝順加曬分。一○年,她與無 綫改簽部頭合約,半放棄事業,全天候 mark住多女吼的伊健,又投其所好,陪跑步、打羽毛球、踩單車,助準老公變運動健將。

兩年前,伊健買千萬南灣獨立屋,二人過同居生活,又不時外遊曬甜蜜。去年八月,被本刊踢爆今年一月結婚, YoYo拍完《人生解碼 II》即停工待嫁。貼身守候七年,蒙嘉慧終於成為鄭太,得咗!



.[壹週刊]豪請 40親友見證 鄭伊健蒙嘉慧東京圓婚
http://veryy8.blogspot.com/2013/01/40_31.html
.[壹週刊]豪請 40親友見證 鄭伊健蒙嘉慧東京圓婚
http://veryy8.blogspot.com/2013/01/40_31.html