2012年11月7日 星期三

[FACE]大茶飯 密斟生意 馬德鐘氹超雲落疊

上週二( 30日)馬德鐘夫婦約陳山聰和賭王女何超雲(右一)到意大利餐廳傾生意,離開時落大雨,馬神即時叫餐廳職員開傘遮超雲,免淋濕「財神爺」。


真面目

大茶飯 密斟生意 馬德鐘氹超雲落疊

2012年11月07日

近年在內地拍劇的馬德鐘,自《飛虎》收視報捷後頻頻回港,更有機會接拍《飛虎》電影版。馬神除做演員,不嬲有鋪搞生意癮,近來積極從商,實行錢搵錢食大茶飯。

不過做生意最好有大水喉射住,據知馬神有意打老友陳山聰主意, 氹掂未來「阿嫂」何超雲落疊泵水,三人齊齊搞生意。三人上週更到銅鑼灣名人意大利餐廳 da Domenico密會兩小時,睇嚟馬神如意算盤打響 咗一大半!

馬德鐘早前以主人家身份主持「快意辦公室傢俬」的開幕禮,雖然後來被踢爆該店是他太太張筱蘭家人擁有,馬神只係掛名老闆,但仍無損馬神搵大錢的諗頭。

放大圖片

馬德鐘與陳山聰於《洪武三十二》中演兩叔侄,於戲中山聰飾演的皇帝被馬神推翻後逃亡,現實中卻成為好友。

放大圖片

護送上車

兩男好有風度,讓女友及老婆上車後才登車,落少少雨好閒 啫。

放大圖片

返何家再傾

飯後一同到大潭雅栢苑,七人車停低後 4人齊齊上樓繼續傾生意。

搵大水喉

放大圖片

馬德鐘 9月出席家具店開幕禮,聲稱自己豪擲 2千多萬連買兩個鋪位,原來全屬外家投資,公司股東馬神連名都冇。

據知馬神其實一直想過老闆癮,不過怕獨力投資風險太高,知情人士指,馬神有意找個有錢有後台的朋友合資,最近睇中好友陳山聰並積極遊說。

知情人士說:「馬德鐘同山聰拍劇識 咗好耐,上年拍完《洪武三十二》更加老友,以前山聰就話黴 啫!家向超雲求婚成功,變 咗闊少啦,馬神乘機話想同佢夾份搞生意,仲 氹埋超雲落疊,冇超雲邊有錢過手呀?超雲自己都賣開時裝,搞多瓣有乜所謂?」

免千金淋濕

馬德鐘上週就趁住返港幾日,週二晚( 30日)同老婆張筱蘭,約埋陳山聰同何超雲密會,相約到銅鑼灣開平道 da Domenico意大利餐廳邊食飯邊傾生意大計。 4人傾了兩個多小時,晚上 10時離開餐廳,剛巧下雨,馬德鐘十分識做叫餐廳職員開傘幫超雲擋雨,待超雲和太太上車後,他和山聰才登上同一輛七人車;之後司機駛到大潭雅栢苑, 4人一同落車跑入大廈,傾生意似乎傾到欲罷不能。

記者本週一( 5日)致電馬德鐘,其經理人 Gary代他回覆:「佢(馬德鐘)同陳山聰係拍《洪武三十二》 嗰時熟絡 㗎,經常約出 嚟食飯,但係咪搞生意抑或餐飯傾 咗乜,佢就唔想回應喇。」有賭王千金幫拖,馬神想搞乜都得啦!

放大圖片

兩年前僅得 20歲的何超雲,已得賭王何鴻燊 揼本 100萬,在蘭桂坊開二手時裝店 chew,咁有經驗,再做老闆娘當然冇問題。

食得招積

陳山聰貴為賭王準女婿,食餐飯都要 high過人,位於銅鑼灣的 da Domenico意大利餐廳,絕對是名人食堂,除賭王何鴻燊是常客,葉蒨文、關之琳、劉嘉玲和大劉劉鑾雄等都愛幫襯。

上年 8月,陳山聰因追超雲而得罪 TVB,後來約樂易玲擺和頭酒都是到同一間餐廳,真係食開有感情。

放大圖片

去年陳山聰與樂易玲等坐在餐廳一角「講數」,餐後記者問是否擺和頭酒,醒目超雲即搭嘴:「係我見工呀。」樂小姐則說要找她拍戲。《蘋果日報》圖片

放大圖片

餐廳出名龍蝦湯及意大利蝦扁意粉等,一碟意粉盛惠$520。

上週二( 30日)馬德鐘夫婦約陳山聰和賭王女何超雲(右一)到意大利餐廳傾生意,離開時落大雨,馬神即時叫餐廳職員開傘遮超雲,免淋濕「財神爺」。

有錢冇朋友

陳山聰拋妻兼同何超雲戀情曝光,從此升呢,但係同昔日電視台好友卻反曬面,除咗馬德鐘,就剩番配角王郭政鴻有偈傾。

唯一兄弟

除了馬德鐘外,郭政鴻亦是陳山聰的「沙煲兄弟」,何超雲更同郭政鴻的兩個女兒上契做埋「契媽」,上月 2日山聰牛一,契母女等更同壽星仔慶祝。

契姐永別

放大圖片

《忽然 1周》圖片

伍詠薇本來是陳山聰契姐,但因去年 10月山聰突然來電說要絕交,伍姑娘回應要永別,雙方並在微博取消關注對方。有指伍姑娘不滿有人見利忘義及拋棄前妻所致。

好友再見

放大圖片

《忽然 1周》圖片

陳山聰與伍姑娘決裂後,本來同山聰好老友的陳敏之亦撐伍姑娘,因而拒絕同山聰繼續來往,山聰亦承認已好少見面。



.[FACE]大茶飯 密斟生意 馬德鐘氹超雲落疊
http://hk8news-e.blogspot.com/2012/11/face_5553.html