2012年10月25日 星期四

[壹週刊]一刀切 黎明放生樂基兒

拜拜!(設計對白)


探熱針

一刀切 黎明放生樂基兒

2012年10月25日

黎明樂基兒四年婚姻玩完,男方寄情工作,被指擸走兩億兼有老外新歡陪玩的 Galie風流快活,要玩到月尾才捨得返香港開工。黎明顧念舊情,旗下 Amusic繼續幫前妻搵 job做經理人,點知 Galie唔領情,年初婚變初期已密謀搵拍檔另起爐灶,近日更主動要求解約。雙方關係正式一刀切,黎明無條件解約,放生樂基兒!

陣腳大亂

離婚事件曝光,新歡陪住吃喝玩樂的 Galie形象下滑,連失廣告唔見錢,早已部署飛黎明搵人另起爐灶的如意算盤打唔響,亂了樂基兒的陣腳。

「分開初期因為冇乜人知道, Galie已經喺外面部署搵番以前幫過佢嘅模特兒公司幫手,佢想好似其他大星咁,同間經理人公司掛鈎,但實際係自己話曬事。本來已經傾得七七八八,有公司願意一齊合作,不過佢離婚單嘢突然爆咗,加上有 model明示暗示話有 Galie,佢哋會離開,所以對方即刻縮,諗住睇定啲先再打算。」知情者說。

放大圖片

多謝!(設計對白)

她又上載已故組合 Beatles成員 John Lennon名句,似乎對「人生」另有「領悟」。

放大圖片

Galie將她跟朋友赤腳跑街及敷面的生活照片上載 instagram。

不計前嫌

公還公私還私,黎明公司本來不介意繼續幫手搵 job,不過 Galie心裡有數,只知只要一日在 Amusic,其他公司有可能避免開罪黎明放棄搵她,所以寧願搏一鋪,先撇清關係,再搵人幫手。

「 Galie離婚通曬天之後,因為未鋪好路,所以特登發短訊俾外面啲記者話 Joe(陳善之)仲係佢經理人,搵個水泡攬住先;但之後再諗,又覺得唔走唔得,最近佢正式提出解約, Leon幾乎無考慮,即時無條件放 Galie走,之前仲幫佢接咗兩個活動,都算係咁啦。」知情者說。

據了解, Galie已連失三個廣告客,包括菲力偉及由阿 Sa全面取代的 Neutrogena外,國際品牌 Folli Follie的全球代言人身份,明年一月約滿後亦將飛她出局。

該品牌負責人向本刊承認,雙方明年一月約滿,總公司暫時未有代言人新方案,而 Galie為品牌所拍的宣傳相,則會用到明年情人節為止。

放大圖片

仍是黎太身份時, Galie出親活動,經理人陳善之都會陪出席。

放大圖片

黎明離婚後寄情工作,現正為內地歌唱比賽任評判,順道為公司揀選新人。

放大圖片

早前 Galie搬走,仍用黎明保母車,據知今次回港,她會改用自己車出入。

放大圖片

李嘉欣跟黎明至今乃保持合作關係,早前拍廣告,陳善之亦有前往探班。

放大圖片

明年一月約滿 Folli Follie,樂基兒的全球代言人身份不再。

放大圖片

現在出街的 Neutrogena廣告,只有阿 Sa版本。

劃清界線

藝人離婚、分手,為免留下手尾,在公在私都會一刀切斬纜,有些甚至公開表態無偈傾,再見也不是朋友。

黃宗澤胡杏兒

拍拖七年,今年七月宣布分手,雖然男方向外聲稱依然關心女方,不過難忍前度不斷偷食而提出分手的胡杏兒,卻以行動劃清界線,一擲數百萬購入豪宅,搬離二人「同居」大廈,一刀兩斷。

拜拜!(設計對白)

陳豪廖碧兒

二人分手多年,雖然陳豪已公開有另一半陳茵媺,但依然不時傳出廖碧兒有意翻撻,為徹底搞清關係,廖碧兒刻意自爆已將對方電話號碼 delete,再見不是朋友。



.[壹週刊]一刀切 黎明放生樂基兒
http://hk8news-e.blogspot.com/2012/10/blog-post_9535.html