2012年10月11日 星期四

[壹週刊]改變初衷 唔做收租佬 古巨基自用中環鋪

旺鋪梗係留俾自己!(設計對白)


探熱針

改變初衷 唔做收租佬 古巨基自用中環鋪

2012年10月11日

今年五月,古巨基斥資五千四百萬買入中環擺花街地鋪,原本打算印印腳放租月收十二萬八千,但他碰啱所創立的品牌 ABC銅鑼灣分店租約期滿要搵鋪搬,基仔又搵極都搵唔啱心水,於是把心一橫,決定將擺花街鋪位自用,趕裝修十月底開鋪。

被業主逼遷

近年積極買磚頭的古巨基,在買屋不如買鋪的口訣下,終於以五千四百萬,將擺花街廿二號地鋪據為己有。據知業主基仔收鋪後,曾委託地產代理以十二萬八千放租,放租一個月,已有幾個租戶有興趣,甚至有人願意立即起租。點知基仔突然接獲通知,他在銅鑼灣的 ABC時裝店租約期滿,業主唔續租被逼遷;他唯有改變初衷,放棄接近三釐租金回報,改為自用。

「基仔本來想喺銅鑼灣搵番個鋪位再租,但睇咗一排都搵唔啱心水,鍾意嘅又有排先約滿,諗諗嚇,佢索性將擺花街鋪位留番自己用,話到再搵到合適嘅地方,先再將呢個鋪租番出去,咁佢係業主,想點都得啦。」古巨基身邊人說。

放大圖片

基仔的鋪位(黃框)與謝霆鋒持有的兩個鋪位(紅框),只相隔一間,目前霆鋒尚有一個鋪位仍未租出。

放大圖片

基仔的鋪頭正在裝修階段,他更將部分閣樓拆除,增加空間感。

千萬分紅

放大圖片

早前基仔被發現與助手女友 Lorraine到銅鑼灣禮頓道睇鋪。

新鋪目前正進行裝修,預計在十月底開幕。對經營時裝生意,基仔亦愈來愈有心得,自三年前成立品牌生產自家設計後,進賬唔少,而過去他為 Giordano設計了多個系列服裝,單是分紅,更有八位數字。

賺到笑,基仔決心將品牌國際化,近期更積極引入不同外國品牌,又與被 Lady Gaga著紅的芬蘭牌子 Daniel Palillo合作, crossover出環保袋。

基仔引入 Daniel Palillo,除了 Lady GaGa有著外,早前鄭秀文都有穿著,而基仔更與該品牌合作推出環保袋。

放大圖片

(《蘋果日報》圖片)

在音樂會上,基仔講情史,當講到初戀女友,更忍唔住喊到收唔到聲。

旺鋪梗係留俾自己!(設計對白)

喊住講舊愛

上星期六(十月六日),基仔在他就讀的聖公會林裘謀中學舉行音樂會,還「出賣」私隱,將三段情史大公開。講到同初戀女友分手後十年無聯絡,之後再通電話重拾「舊情」的情景,基仔竟然忍唔住崩潰痛哭,喊足兩分鐘都未能平復心情,要喊住唱曬成首歌。

即使時裝生意愈做愈順,四出物色地方,打算再開分店的基仔,對歌唱事業,一樣無放軟手腳。

放大圖片

完騷後,基仔接受師弟師妹訪問,基仔叫他們唔好淨係掛住讀書,要玩多啲。

放大圖片

一○年,基仔在尖沙咀開鋪,更請來好友周慧敏、林海峰及鄭伊健剪綵。

有樓有鋪

近年樓價不斷上漲,古巨基亦先後入市,購入兩個單位及一個鋪位,賬面賺過一成,連同早年買入的康樂園,現持有的物業,市值超過一億。



.[壹週刊]改變初衷 唔做收租佬 古巨基自用中環鋪
http://hk8news-e.blogspot.com/2012/10/blog-post_2785.html