2012年10月12日星期五

[忽然1周]黎明婚變呻爆：樂基兒苛索多

7/10 <br><br>機場扮無事 <br><br>周日（ 7日）黎明由歐洲公幹返港，大批記者逼爆機場問有關離婚一事。佢只講咗句：「問題永遠回應唔完，我諗感情過去就係過去式，就無須再交代。」仲識講金句，似乎無乜事。

媽咪姐

黎明婚變呻爆：樂基兒苛索多

2012年10月12日

常言道：「百世修來同船渡，千世修來共枕眠。」黎明（ Leon）同樂基兒（ Gaile）呢一對，由最初拍拖無人睇好，但拍拍嚇靜靜雞結埋婚，又令大家愈睇愈順眼，以為終於有地球人可以完全拆解「金句天王」嘅謎之密碼，安樂曬！

點諗得到，歡樂嘅時光真係過得特別快，千世修來嘅緣份，都敵唔過 7年之癢分手收場。上周三（ 3日）黎明喺離婚聲明入面話：「雙方在生活理念上產生了嚴重的分歧。」唉，明眼人好似媽咪姐呢啲當然一早就睇得出！據知今年初 Leon同幾個 friend飲到醉醉哋，忍唔住呻咗兩句，話估唔到老婆 Gaile原來錢呀屋呀車呀，樣樣都想要。

更弊嘅係，黎明近年四圍飛做嘢傾生意，要野性開放嘅鬼妹仔老婆獨守空幃，得唔到滿足，唔出事就有鬼咯！

結果，呢段婚姻由年頭掹到年尾，最終都係掹唔番。樂基兒依家話就話仲係同黎明用同一個經理人，但其實做埋手頭上兩、三個 job後，就恢復自由身，夫妻從此完全各走各路。睇 31歲嘅樂基兒，應該好 happy可以重獲自由； 45歲嘅黎明呢，就似乎一日殘過一日。喺呢個時候，媽咪姐諗起星雲大師《佛光菜根譚》中嘅一句：「沒有化不了的痛苦，只有執著有待放下。」信佛信白龍王嘅黎明，不妨細味。

放大圖片