[FACE周刊第230期]封面 安插好姊妹簽王維基 反骨佘拉隊打 TVB
第 230 期 face 週刊
[FACE周刊第230期]搵快錢 肇慶執 40萬 ￥ 8,888 1分鐘 徐子珊 Laughing快閃吸人仔
[FACE周刊第230期]拍住上 諸葛紫岐企硬 20萬 陳茵媺陳豪 15萬買一送一
[FACE周刊第230期]大躍進 6集串星扮主角 陳展鵬 chok贏吳卓羲
[FACE周刊第230期]FBI File 李思捷春卷常餐
[FACE周刊第230期]FBI File 林欣彤有 啲貨
[FACE周刊第230期]FBI File 頤姐茵妹 7秒朋友
[FACE周刊第230期]FBI File 呂慧儀主動餵
[FACE周刊第230期]FBI File 高寧手瓜大過胸
[FACE周刊第230期]面對面 異鄉人的異境漂流 陳奐仁
[FACE周刊第230期]星座達人 「看書增運法」
[FACE周刊第230期]封面 安插好姊妹簽王維基 反骨佘拉隊打 TVB
大茶飯齊齊食
佘詩曼貴為無綫前一姐，喺大陸亦有價有市，王維基如搵到佢助陣，無綫都咪話唔驚！設計對白
新免費頻道電視台老細王維基掀起電視挖角潮，表面睇不少花旦小生誓死效忠無 綫，加上近日陳總加李寶安出錢出力留人，令王維基呢次電視 苿莉花行動好似降曬溫。
正當以為冇料到之際，原來王老闆已差不多埋曬班，據知下年 3月王維基 嘅「城市電訊」電視台就會正式開工，而且仲同前無 綫一姐佘詩曼情投意合。
阿佘心鬱鬱，除安插約滿 嘅沙煲姊妹周家怡過檔，據知另一阿佘黨姊妹楊怡亦係王維基拉攏目標，加埋林保怡、馬德鐘和陶大宇等一班中生，計牌面，真係有得鍊嚇喎！
無 綫雖然留得住一班簽 咗長約 嘅親生仔女，不過一眾改簽部頭合約 嘅一 綫小生花旦，就決定向錢看。
姊妹一號
阿佘同楊怡因為《宮心計》一劇成為好姊妹，?家有好路數當然會預埋楊怡一份，有劇齊齊開。《蘋果日報》圖片
姊妹二號
周家怡（左） 10月約滿 TVB，即刻簽咗新公司，仲會主力拍大陸劇。阿佘呢位好家姐，真係唔話得！《忽然 1周》圖片
三月開工
除一眾無 綫藝員成為王維基挖角對象外，連幕後導演、編劇等亦係羅致目標，據知已有大部分精英答應過檔，其中《富貴門》、《怒火街頭》 嘅金牌編審劉彩雲亦埋手炮製新劇本，頭炮更以現代鬼故為骨幹。
知情人士透露：「王維基話近年無綫都冇乜出色鬼故，呢類劇集有得發揮，已經叫劉彩雲加快手寫劇本，準備做開台第一擊，演員仲度定佘詩曼搭馬德鐘、陶大宇、林保怡三王一後添！」
好姊妹離巢
據知，除 咗阿佘極有興趣外，佢仲吹雞好姊妹過檔，而第一個就係 10月底約滿 嘅老友周家怡。
由於周家怡並非無綫親生女， 喺無 綫捱足 13年成績未算突出，阿佘當然會益自己友。本週一（ 17日）周家怡透過新經理人吳小姐回覆：「家怡o依家係簽 咗經理人公司，遲 啲會公布，佢會主力拍國內電視劇。（係咪過檔王維基電視台？）係傾緊，好多公司都傾緊。」
為楊怡搭路
金蘭姊妹周家怡有著落；另一姊妹楊怡，阿佘亦想為佢鋪橋搭路。「阿佘知道楊怡今年視後機會唔算熱門，而且一直覺得新電視台入面，應該加多個有分量嘅花旦，所以咪預佢囉！」
對於挖角順利，王維基上週五（ 14日）透過電話說：「我哋有三十位編劇度緊劇本，劇種就唔方便講住；至於藝人方面，因為有啲藝人仲有約在身，起碼要到 11月先講得，我哋想搵啲有經驗嘅藝員，所以都會全力向無綫埋手。」就轉會一事，本刊曾致電佘詩曼經理人，但至週一（ 17日）截稿前仍未回覆。
王維基親挖三中生
除咗佘詩曼外，王維基亦瞄準三大一線兼好戲中生做新劇男主角，其中馬德鐘更直言：「有同王維基食過飯」，加埋兩位前無綫金牌製作人，頭炮夠曬誠意。
親自出動
《蘋果日報》圖片
王維基對藝員挖角，事事親力親為，早前就試過搵李國麟、元華、毛舜筠過檔，雖然好多唔成事，不過個個讚佢夠誠意。
幕前卡士
馬德鐘
有同王維基食過飯，有傾過合作，但冇落實，因為要睇咗劇本同角色。真實對白
陶大宇
暫時冇搵我呀，希望你講嘅係真o架啦！真實對白
林保怡
身在北京工作的林保怡，只透過經理人表示不對挖角事情作回應。
幕後陣容
編審劉彩雲
據知王維基第一部電視劇，係由劉彩雲操刀，而故事內容應該以鬼作為主題，雖然鬼劇難吸廣告，但據聞王維基就係要拍一 啲無 綫唔敢拍 嘅題材。
代表作
《怒火街頭 1、 2》
高級編導蘇萬聰
《潛行狙擊》頭週收視、點擊率勁升，高級編導蘇萬聰功不可沒。將於一月過檔 嘅佢，將會升做總導演，大有機會監督王維基頭炮劇集。
頭炮拍鬼劇
代表作
《潛行狙擊》
定軍心
無綫外事部副總監曾醒明：「佘詩曼同 TVB係另一種模式合作，佢可以拍境外嘅劇集，如果嗰齣劇集喺香港非無綫播映，咁佢需要配音，唔可以出真聲。至於楊怡過檔？我未有聽聞，佢同 TVB有長約。」
無綫外事部副總監曾醒明
阿佘只可拍境外劇集！
王維基挖角，台前幕後都有人流失，令原本不和嘅陳總同李寶安都要暫時扮 friend，一齊留人。《壹週刊》圖片
阿佘兩劇未出街
《天與地》
阿佘，林保怡同陳豪 孭飛 嘅《天與地》將於 11月 21日首播，家陣林保怡同阿佘兩位都簽 咗部頭，唔知到時兩位會唔會出席宣傳呢?《壹週刊》圖片
經理人先過檔
阿佘唔只幫周家怡轉會，仲幫前無綫經理人 Tina吳菁茹過檔去王維基。據知 Tina已在 CTI經理人部門返工。《忽然 1周》圖片
離巢後《 4 in Love》
《 4 in Love》為阿佘改簽部頭合約形式 嘅第一套作品，o依家轉投王維基陣營，令該劇上映有排都上唔到。《壹週刊》圖片
《金枝 II》唔齊人
《金枝慾孽 2》下年決定開拍，不過阿佘、林保怡拍續集機會就唔多大。巡禮得番陳豪、鄧萃雯和蔡少芬，不過得番雯女同結咗婚嘅蔡少芬兩位娘娘，唔通真係要靠法拉同徐子珊？
周永恆爆樂大媽愛將擦鞋招
小生花旦爆離巢潮，已經令一班無 綫高層頭痕，最近周永恆因為疑似被無理解僱，竟狂數無綫高層互相包庇。事緣周永恆指前上司、負責音樂製作的「正視音樂」總監鄧智偉，涉嫌公器私用不果，事後更遭炒魷。
周永恆對呢位前上司充滿怒火，上週五（ 14日）和週一向本刊再爆料：「佢好識做o架，同 啲藝員講話自己同樂小姐好熟，見到樂小姐就話同成班星好熟，等兩邊都信曬佢。」而且仲話鄧智偉專擦一 綫小生鞋。他說：「林峯同黃宗澤佢都話好熟，佢試過當住我 哋成班?面前講：『如果林峯第時係黎明，我就係雷頌德。』」
周永恆話收到警告信後，當致電鄧智偉但一直冇聽佢電話，之後以冇來電顯示再電，對方卻接聽，但鄧只對他說：「哦，冇嘢嘅，唔使理佢。」之後便一直潛水。
周永恆雖然被無 綫炒魷，不過o依家靠布導會獻唱，及講見證的酬勞收入，一家人生活冇問題。
唔只同林峯、黃宗澤混熟，鄧智偉同樂易玲亦交情非淺，幾乎所有劇集主題曲都由鄧智偉操刀。
林峯同鄧智偉超 friend，林峯唔少 hit歌〈愛不疚〉和〈愛在記憶中找你〉等都係鄧智偉作品。
採訪、撰文、攝影：娛樂組
第 230 期 face 週刊
本地娛樂
封面 安插好姊妹簽王維基 反骨佘拉隊打TVB
買樓初哥 阿Sa教炒樓 陳偉霆升呢做業主
搵快錢 肇慶執40萬 ￥8,888 1分鐘 徐子珊Laughing快閃吸人仔
派對警鐘 疑似性交片流出 爆JC荒淫史
一窩蜂 全城玩LINE大恐慌
拍住上 諸葛紫岐企硬20萬 陳茵媺陳豪15萬買一送一
大躍進 6集串星扮主角 陳展鵬chok贏吳卓羲
打到嚟 獨家踩場 大班追打商台「唔打都死」
FBI File Mr.鼓佬娶陽光妹 前度Evelyn倫敦唱慘歌
FBI File 李思捷春卷常餐
FBI File 林欣彤有啲貨
FBI File 頤姐茵妹7秒朋友
FBI File 呂慧儀主動餵
FBI File 高寧手瓜大過胸
FBI File JM新車舊仔
FBI File Lam仔食高妹
FBI File 任賢齊識教仔
驗衣官 關注整飾整水
博セ呀 估你唔到
外地娛樂
FBI File 少時壓扁張根碩
FBI File 宥勝換車吸女
FBI File Selina結婚唔請小豬
韓面 潛行獵人
西面 《吉列》港男 舞動奇蹟
專訪
FACEweekly 幸福就是…王菀之
面對面 異鄉人的異境漂流 陳奐仁
星座
星座達人 「看書增運法」
[FACE周刊第230期]搵快錢 肇慶執 40萬 ￥ 8,888 1分鐘 徐子珊 Laughing快閃吸人仔
子珊向賓客打招呼時，即被熱情粉絲十幾對擒拿手捉實，嚇到子珊即刻想縮手。
憑《潛行狙擊》人氣急升 嘅徐子珊同謝天華，近日成爆騷王頻頻賺唔停，就算 TVB要二人行孖咇出騷喊高價，一樣咁搶手。
上週六（ 15日），子珊同謝天華出席肇慶一樓盤銷售晚宴娛賓，二人站台唔夠 45分鐘，輕鬆執走 40萬人仔。計起來每分鐘合收￥ 8888，貴過陳豪同陳茵媺情侶騷喎。
《潛》劇平均收視達 31點，成為 2011年最高收視劇集，亦帶挈四位主角成廣告客戶搶手貨，不過陳法拉同黃宗澤近日因忙拍劇， TVB索性將徐子珊同謝天華搭檔出騷賺外快，更有內地地產商不惜豪擲 40萬「人仔」邀請二人到肇慶登台。
在內地被稱「拉風哥」（即 Laughing哥）嘅謝天華，當晚做壓軸表演，一出場就被粉絲讚到面紅紅，唔知以為佢飲咗酒。
子珊一出場，全場嘉賓衝曬上前做「伸手黨」，人疊人情況洶湧，連舞台邊嘅花盆都踩爛曬（小圖）。
抽埋獎
子珊唱完〈愛如潮水〉和〈 Hit Me〉之後，就負責做抽獎嘉賓及與老闆合照，輕輕鬆鬆袋走廿萬。
雲頂激啲
今月 8日徐子珊同謝天華到大馬雲頂演出，二人大跳貼身舞；至於今次肇慶登台冇交流，天華就話：「咁每次活動性質都有唔同嘅！」
今月 8日徐子珊同謝天華到大馬雲頂演出，二人大跳貼身舞；至於今次肇慶登台冇交流，天華就話：「咁每次活動性質都有唔同嘅！」
升足 1倍
上週六（ 15日）晚，子珊同謝天華為樓盤銷售晚宴擔任表演嘉賓，兩個人分別上台唱兩首歌及負責抽獎，全程不足 45分鐘， 40萬人仔（約 48萬 8千港紙）袋袋平安，誇張過陳豪同陳茵媺情侶檔出騷最高價收 30萬﹗
據知二人近日酬金已大躍進，之前二人返內地接騷分別收開約十多萬，?家就企硬廿萬，不過子珊就唔肯透露加 咗幾多：「（酬金）係有提升 咗，（加）五成就太誇張。實際加 咗幾多就唔方便透露……」咁唔使拍劇咁辛苦啦。
出騷三級制
早年經常走埠搵錢嘅馬浚偉話過，在美加登台十幾天嘅收入，足夠佢畀一層單位嘅首期。
TVB藝員走埠登台，除咗因應級數唔同而身價各異外，如果客戶想有額外要求，亦要逐樣收費。
第 1級 唱歌最平
TVB一線阿哥阿姐登台，唱歌最平盛惠約 10萬唱兩首歌，如薛家燕等阿姐級數則要收 30萬包三首歌。
TVB一線阿哥阿姐登台，唱歌最平盛惠約 10萬唱兩首歌，如薛家燕等阿姐級數則要收 30萬包三首歌。
第 2級 跳舞加碼
能歌善舞嘅 TVB藝員唔多，但如果客戶要求藝員唱歌兼跳埋舞，則要額外加 5萬。
第 3級 陪食最貴
一般情況，藝員出外登台都會早去早回，但假如客戶想藝員陪老闆食飯，或另有安排而令藝員要在當地留宿，則要再多畀 10萬，即係最平廿萬埋單。
採訪、撰文、攝影：娛樂組
[FACE周刊第230期]拍住上 諸葛紫岐企硬 20萬 陳茵媺陳豪 15萬買一送一
客戶鍾意用我哋
真實對白
以往藝人拍拖忌公開，但原來情侶檔搵到真銀，有錢途即刻唔同講法。
好似陳茵媺同陳豪呢 pair情侶戀情浮面，拍拖甜到漏外，重點係孖住接 job接到手軟。週日（ 16日）陳茵媺就孖住男友出席「莎莎婦女銀袋日」活動，據知無綫以 15萬優惠價送埋陳豪，情侶檔買一送一又有話題；而企硬 20萬唔肯減價的諸葛紫岐，忙結婚唔憂做，由形象大使變普通嘉賓亦冇所謂。
雙陳戀人氣高價錢低，難怪客戶超 like！
拍拖出騷
公開戀情嘅陳豪同陳茵媺最近頻頻出 show，週日（ 16日）陳茵媺擔任活動形象大使，阿 Mo亦被邀請做護花使者，阿 Mo手指指咁提示女友面向鏡頭，好細心喎！
頻護花
陳豪雖然只係豬頭骨，不過用得情侶檔見人，筍盤豪亦全程護到女友實一實，包保班傳媒有相交差。
「豪」築愛巢
《壹週刊》圖片
上月底，陳茵媺同陳豪被偷拍到秘密同居照，兩人互餵，超 sweet！
曬恩愛
同居關係曝光後，翌日（ 9月 30日）陳豪便同陳茵媺夾啱出席公開活動，仲著埋婚紗禮服，十足行禮一樣超配合。
上月，陳豪同陳茵媺被傳媒踢爆同居 3個月之後，兩人感情昇華，筍盤搭純女形象滿分， TVB更加食住個勢，狂幫兩人接 job，多啲嚟，密啲做。
唔恨爭
[img][/img]
個價要企硬
真實對白
個價要企硬
真實對白
諸葛紫岐對於被搶去形象大使，變為普通嘉賓行騷，佢表示唔介意，都係公司安排，不過亦話有人降價搶 job唔出奇。
「雙陳」吸金
週日（ 16日），兩人就以情侶身份出席「莎莎婦女銀袋日」活動。陳茵媺是大會的形象大使，而男友陳豪就擔任當日嘉賓。據知情者透露：「大會本來以 20萬價錢想搵 Marie（諸葛），大家傾得七七八八，點知後來 TVB出 15萬推介陳茵媺，仲話可以搭多件陳豪添， TVB仲猛 sell話佢哋情侶檔實有 coverage（版位）！反正 Marie企硬價唔憂做，o依家 TVB肯買一送一，所以咪應承陳茵媺做形象大使囉！」
「總之開心價」
對於做咗豬頭骨，陳豪卻一點都不介意：「呢啲嘢我唔理o架，都係經理人安排。藝人往往都係最後被通知嘅人，總之係開心價啦！（今次用 15萬爭贏咗？）嚇？呢個我真係唔清楚喎。（多咗人搵你哋出騷？）呢個就真嘅，我見啲客戶都幾鍾意用我哋，開心咪得囉！」至於諸葛紫岐就話：「因為我最近都要忙婚事，工作量係減少咗。（有人用低價搶你啲 job？）其實都會o架，不過好難避免。公司認為形象好緊要，所以個價要企硬！」諸葛紫岐都泊到好碼頭咯，少少錢，唔志在嘅！
筍盤孖女搵食有計
小生黐女一向冇運行，惟獨陳豪例外，有女在身廣告客戶特別受，之前同廖碧兒拍住上搵唔少，家陣換咗陳茵媺一樣受，得天獨厚，冇計。
過氣女孤單
陳豪前任女友廖碧兒（ Bernice）上年 9月亦曾以情侶檔身份孖住出席活動，當時 Bernice仲當眾摸陳豪塊面，不過呢啲開心事都已成過去了！《蘋果日報》圖片
現任孖住上
同居事件未曝光之前，陳豪同陳茵媺在 9月首次出席手表活動，兩人酬勞比單人時高出三分之一。
得番隻狗
同陳豪甩拖黐上林忠豪嘅廖碧兒，近排被莊思敏撬牆腳事件影響，個樣殘到爆， 10月 9日出席活動時更孤單到得隻狗陪。
假戲真做
新劇《天梯》入面，陳豪同陳茵媺安排做情侶。連拍劇都同現實一樣，套劇出埋街，陳豪啲 job更加接唔停！《蘋果日報》圖片
諸葛等做少奶
諸葛紫岐同 Neway二少薛嘉麟的戀情穩定，更多次傳出二人的婚訊。今年初，諸葛紫岐終大方承認已訂婚。為籌備婚事，實行減少工作量，等做薛家少奶奶，有條大水喉射住，賺少啲都唔緊要啦！
[img][/img]
出入拖手
上年 10月，諸葛紫岐同薛嘉麟被拍到喺尖沙咀晚飯後拖手離開。見到諸葛紫岐一副冧樣，睇怕二少都好難走得甩囉！
出入拖手
上年 10月，諸葛紫岐同薛嘉麟被拍到喺尖沙咀晚飯後拖手離開。見到諸葛紫岐一副冧樣，睇怕二少都好難走得甩囉！
[img][/img]
薛氏愛巢
薛嘉麟以自己名義買下九肚山寶柏苑作為同居之用，諸葛紫岐嫁入薛家後名正言順做女主人！《蘋果日報》圖片
採訪、撰文、攝影：娛樂組
[FACE周刊第230期]大躍進 6集串星扮主角 陳展鵬 chok贏吳卓羲
人紅做咩都醒神啲，前週日（ 9日）陳展鵬到尖沙咀 Paul Smith買銀包，其間更 model上身，無嗱嗱拉開件衫騷嚇結實胸膛，勁有巨星味！
一套《真相》令撈 咗 17年 嘅陳展鵬翻生，氣勢即時唔同，台慶劇《法證先鋒 III》雖然戲分只屬配角仔，但每次宣傳都例牌企正中間，搞到第二男主角吳卓羲好冇癮。
咁風騷，只因珍姐曾勵珍錫到燶，剛拍完 嘅《 ATF反恐》戲分更多過吳卓羲。據知今年「飛躍進步男藝員」一獎已篤定係佢，有人撐又等攞獎，陳展鵬今鋪彈到上天啦！
34歲陳展鵬， 90年代尾做過歌手又撈過亞視， 08年由亞視回歸 TVB，捱 咗咁耐，今年終憑《真相》內飾演斯文靚仔律師上位。深得珍姐賞識 嘅佢，今年台慶亮燈亦企 喺頭行，同黎耀祥、林峯等並列。下年更有《回到三國》、《 ATF反恐》、《真相 2》和《神探哥倫布》 4劇等住上，開劇密過契仔林峯。
陳展鵬貴為珍姐愛將，台慶亮燈當日又喺靚位，梗係要同恩師珍姐碰杯，祝嚇酒啦！
早前台慶亮燈，《法》劇一眾藝員坐定定訪間，大茄 嘅陳展鵬仲坐 喺中間，拍住一姐張可頤，反而吳卓羲（左）就坐埋一邊。
不嬲冇諗有幾多戲分！真實對白
陳展鵬雖然 喺新劇《 ATF反恐》鍊贏吳卓羲，不過佢話：「 喺《反恐》我 哋好有交流、好有默契。」官腔 咗 啲喎！
陳展鵬喺《法》戲分得 6集戲，出場幾乎仲少過隔籬嘅蕭正楠，不過得寵程度就爭好遠喇！
大茄排頭陣
力捧有樣睇，陳展鵬 喺上週首播 嘅台慶劇《法證先鋒 III》，戲分雖只係得約 6集，於劇中飾演心理醫生，同第一女主角張可頤有少少感情戲。但只分別 喺第 5集及 17集至 20集等出現。不過每次《法》劇宣傳，陳展鵬都被安排企 喺中間位，同男主角黎耀祥看齊，據知此舉就辣?吳卓羲。
兩人唔妥早有先兆，早前煞科的《 ATF反恐》，煎 pang戲分亦反壓羲哥，據知下月台慶「飛躍進步男藝員」都屬意煎 pang擸埋。有傳陳展鵬私下更怨吳卓羲超怕死，劇組人員透露：「《反恐》好多動作戲，陳展鵬成日都親自上陣，反而阿 Ron就好錫身，煎 pang就成日話阿 Ron得個樣，仲話有人成日遲到添！」
人後寸爆，不過捱過 嘅陳展鵬對記者則收曬氣燄，他說：「我拍戲不嬲冇諗幾多戲分，但今次 喺《法證》係比想像中多，力捧嘅感覺唔係好強烈，以前廿幾歲就話好在意，?家只係想有角色畀我、我拍好，就係咁簡單！」浸咗咁多年，唔係白浸嘅！
掃貴貨
陳展鵬當日心情靚絕，戰利品唔少，喺 I.T逗留接近兩個鐘，恤衫、褸、太陽鏡樣樣有，搵得到，怕咩使。
羲哥話融洽
新劇《 ATF反恐》，陳展鵬、吳卓羲飾演兄弟，不過戲分就以陳展鵬重好多，吳卓羲只係做第二男主角，仲要俾陳展鵬寸佢怕死用替身。但卓羲就話：「我同展鵬好融洽，大家唔好太多猜測。」
《法證》紅茄
《法》劇 30集，以單元劇 case發展，有唔少二 綫星都 喺得兩至三集戲分，第一個單元就有演同性戀者的黎諾懿，之後就有高海寧、湯盈盈、唐詩詠和樂瞳等。個個都係寸星，宅男記住(目及)實喇！
高海寧做情婦
高 Ling做鄧英敏情婦，戲分極少，亦欠性感場面，同佢 孭飛 嘅飲食節目冇得比。
樂瞳自閉女
樂瞳飾演有自閉症和精神病患者「天眼少女」，會被李國麟利用做搖錢樹。
湯盈盈戀元華
湯盈盈被元華寸爆鍾意黎耀祥，可惜湯盈盈原來睇中 嘅係做黎老豆嘅元華。
唐詩詠女殺手
唐詩詠 喺尾段出場，除有爭產戲分外，亦會殺死周家蔚。唐詩詠殺人？冇乜說服力喎。
採訪、撰文、攝影：娛樂組
[FACE周刊第230期]FBI File 李思捷春卷常餐
拍拖行街嗰陣李思捷一馬當先，春卷乖乖殿後，一副大男人姿態，唔跟落去都唔知李思捷原來幾錫春卷。
22同 35，你會點揀？唔係上圍，講緊年紀喎！
明明同 22歲「春卷」王寶寶感情穩定，李思捷早排被人影到私會 35歲超齡「世界妹」李思蓓，都算係娛圈奇聞。上週二（ 11日）， FBI喺尖沙咀撞到李思捷拖番春卷，總算合番 啲邏輯。
咪以為對住記者唔肯認、出街唔拖手就係大男人所為，李思捷其實好錫春卷，先車女友去海運大廈行街，跟住春卷尾睇精品睇香水，春卷揀衫，佢就聽聽話話坐 喺梳化等，間中畀兩句意見，唔催又唔嫌煩。行完街攞車走人，終於等到停車場鬼影都冇隻， 嗱 嗱聲十指緊扣主動拖實女友。
最啜核絕對係思捷一發現 FBI，第一時間問：「你影唔影到呀？」 FBI話影到，佢就回 咗句：「咁就唔該曬！」點解要唔該？有圖有真相，邊個係常餐邊個係散餐咪一目了然囉！
散餐
跟得男友
實情李思捷陪女友睇女人嘢，仲不時畀嚇意見。
靜雞拖手
去到停車場冇人望實，幾步路李思捷都要拖到春卷實一實。
多謝記者
被影到拖手，李思捷唔嬲反而笑笑口唔該記者，即係多謝 FBI幫你以正視聽啦！
撰文、攝影： FBI
[FACE周刊第230期]FBI File 林欣彤有 啲貨
事業線
出 咗新碟仲就 嚟榮升電影女主角，擺明無 綫同英皇集中火力捧嘅林欣彤呢排曝光激增，見得多， FBI發覺自己對 Mag竟然有偏見。
邊個話實力派就一定冇樣冇身材？早兩日（ 10日）仁愛堂記者會， FBI見到人仔細細嘅 Mag著件低胸 top，即刻露咗少少事業線。重點係講唱功唔賣身材嘅 Mag斷估都冇墊 嘢加料，真材實料已經脹蔔蔔，第時大個女學識打扮加料，仲得了嘅？
出 咗新碟仲就 嚟榮升電影女主角，擺明無 綫同英皇集中火力捧嘅林欣彤呢排曝光激增，見得多， FBI發覺自己對 Mag竟然有偏見。
邊個話實力派就一定冇樣冇身材？早兩日（ 10日）仁愛堂記者會， FBI見到人仔細細嘅 Mag著件低胸 top，即刻露咗少少事業線。重點係講唱功唔賣身材嘅 Mag斷估都冇墊 嘢加料，真材實料已經脹蔔蔔，第時大個女學識打扮加料，仲得了嘅？
平時收收埋埋嘅 Mag雖然同 TVB班咪精仲有段距離，但睇真冇加工之下，身材亦唔差算，唔通唱得之人個個都肺活量強勁？
撰文、攝影： FBI
[FACE周刊第230期]FBI File 頤姐茵妹 7秒朋友
視後張可頤俾人話女主角地位被陳茵媺威脅，當日佢主動對茵媺攬頭攬頸扮友好。
雖然年紀唔細經已 3字頭，做 咗五年港姐嘅陳茵媺，呢兩年至話有多 啲劇拍， FBI真係估佢唔到， 啲戲仲好過做 咗廿年戲嘅張可頤！
話說一撻著陳豪廣告行騷價暴升，連拍劇機會都因為男朋友多埋，陳茵媺 喺新劇《天梯》戲分直線上升，有傳直接威脅本來被安排做女主角兼陳豪「女友」嘅張可頤。不和傳聞後首次齊齊公開露面為《法證 3》宣傳，老戲骨張可頤都有 啲面左左唔聚財、冇鏡頭隊正即時鬆懈變黑面，反而陳茵媺就一直保持笑容，眉精眼企識得幫可頤姐開香檳，細心討好博攞友誼小姐獎咁款。
唔到你唔信，想 喺娛樂圈上位，識做人幾時都比識做戲重要。
7秒即縮
影完相做完戲，張可頤即時鬆手，眼神仲若有所思，擺明係演技喎。
反而陳茵媺「敬業樂業」，熱心幫張可頤開香檳，扮 friend扮到最後一刻。 FBI睇好你喎！
撰文、攝影： FBI
[FACE周刊第230期]FBI File 呂慧儀主動餵
長腳蟹咁猴擒，名草有主嘅 Bosco梗係尷尬爆，避得就避啦。
唔只腳長長係電視城第一，性感尺度都係全城最低，唔怪得呂慧儀自爆收過中間人電話，話佢「價好好」請佢賺「外快」啦。
價好又點吖，唔係有錢就叫得佢鬱，除非係靚仔啦！好似上個星期四（ 13日）咁， 喺電視城撞到高大威猛嘅馬明同「跛 Co」黃宗澤，長腳蟹手腳並用又挨又繑，猴擒到兩位猛男都驚呀！ FBI諗諗嚇，班富豪若果靚仔 啲，應該可以慳番唔少喎。
餵埋馬明
猴擒玩 Bosco，對住馬明又挨又繑派波餅，長腳蟹認真主動。
撰文、攝影： FBI
[FACE周刊第230期]FBI File 高寧手瓜大過胸
雖然事過半年， FBI仲係難忘高海寧經典作「泥漿比堅尼」，間中都會開番條片同班毒男死黨回味嚇。不過唔知係唔係得幟哥厚愛，食得好 嘢多呢？高 Ling身形似係向橫發展喎！上星期四（ 13日）出席女裝表活動，手瓜起＊，厚肉過心口呀陰功！
撰文、攝影： FBI
[FACE周刊第230期]面對面 異鄉人的異境漂流 陳奐仁
一年前，音樂人陳奐仁（ Hanjin）走得最幕前的一步，就是當《超級巨聲 2》的評判，賣的是親和力與建設性，觀眾緣爆燈，連師奶都叫他做「豬?」。接著，《李小龍》的監製文雋邀他拍電影，在不足廿分鐘的戲分中，捧走了去年香港金像獎「最佳新演員獎」。陳奐仁首次撈過界，還要是大撈一票，全場通殺。同齡朋友在家鄉搵食，他選擇越洋過海拼搏，英雄都需要配合時勢。
「在新加坡冇乜機會畀你學，機會少而且 job嘅 level比較低，唔似來到香港已經係幫 Eason。一個音樂人在新加坡冇得生存，可以去台灣又嚟到香港發展已經好開心，係我想做音樂呢件事，將我帶到香港。
「我選擇行船，佢哋選擇揸車，大家都有各自嘅目的地。總之我要坐船唔想坐車，大部分人選擇坐車，咁預咗實會有限制。我坐得船就要跟住個水流走，雖然可以在大海四圍去，但都要睇風勢、避暗浪。做演藝圈，要生根好難，但我?家在香港開始有呢種感覺，覺得可以在呢度發展落去，唔使再周圍走。」
起伏愈大上位愈快，趁 TVB挖角潮的波濤洶湧， 36歲陳奐仁這艘遠航艦，已乘勢輕取將軍澳電視城，長駐錄影廠拍處境劇，登陸入屋，走入尋常百姓家。
黃金履歷
陳奐仁的第一首歌的買主是張學友、第一個找他當唱片監製的是陳奕迅，那年陳奐仁才 25歲，大學剛畢業。然後去年鄭秀文找他當「 Love Mi世界巡迴演唱會」香港站的嘉賓，最後他陪天後唱足整個世界巡迴。不過 10年光景，陳奐仁的履歷表已是鑲金邊的。
當初冇人搵我寫歌，但估唔到區丁玉（張學友禦用監製）會攞我啲歌畀張學友唱。所以多謝張學友唱我啲歌（〈和好不如初〉），令我變成一個真正嘅作曲人。 Eason第一次搵我做監製前，我冇做過監製，當時連編曲都唔會有人搵我，但佢偏偏搵我監製咗 4隻歌。呢啲我都係估唔到，咁啱上個禮拜同佢做新歌，我同佢傾開呢件事，點知佢話：「我以為嗰時你已經好叻，乜都識。」或者我真係識，但都要有人夠膽搵我先得。
抑鬱症病發對我最大嘅打擊係唔可以笑。
陳奐仁說新碟《誰是陳奐仁》其實是記錄了他這十年的感受，「講我由畢業全職做音樂，到遇挫折、自我懷疑，跟住自己爬番出嚟反省，到?家明白『其實快樂可以好簡單』！」
與滕麗名在處境劇《結?分＠謊程式》中演夫婦，劇集未播這對肥瘦配先嘗甜頭，近日已有客戶找他們以情侶檔出騷賺錢。《蘋果日報》圖片
上月一連四場《蝦仔爹哋》復出音樂劇，新加入的陳奐仁飾演賈思樂和戚美珍的兒子「蝦毛」，患過抑鬱症的他為「心晴行動慈善基金」作義演。
一步一步
7月舉行的「香港先生選舉 2011」，陳奐仁獲委任為港男有史以來首位男主持，不過主持經驗缺乏的他，當晚頻頻出錯，要鄭裕玲「出口」護航。《蘋果日報》圖片
長得圓潤福態的陳奐仁，從不是走主角路線之人，常以綠葉姿態替人錦上添花，是「 featuring王」。跟 Eason合唱〈愛是懷疑〉如是、跟 Sammi合作的〈一步一步愛〉亦如是。這個配角，偏偏是最搶戲的一個。
初頭我都覺得文雋大哥開玩笑，竟然搵我拍電影，我又見幾好玩，拍攝環境又好有 heart，又係講李小龍，梗係想試一試啦！有提名我都未當係一回事，後來仲要攞到演藝嘅獎，我相信以我的 image，好多朋友都會覺得我攞電影歌曲獎合理啲，人生有時候真係會發生奇蹟嘅。
其實電影《李小龍》、舞台劇《蝦仔爹哋》、電視劇《結?分@謊程式》同埋「港男（選舉）」主持，都係可遇不可求。我係一個見一步行一步嘅人，加上又唔係職業演員，但可以 try做（港男）司儀、做舞台劇又同一班電視界精英合作，呢啲都係偷師好機會，我自己都好好奇。?家拍《結?分@謊程式》又可以同輝哥（張兆輝）、娥姐（商天娥）、修哥（石修）、心姐（謝雪心），仲有滕滕（滕麗名）做對手。我係一個憑好奇心向前行嘅小朋友，難得有咁嘅機會我就試嚇。
人生可遇不可求，老前輩成日講天時地利人和先會成功，同樣亦解釋咗點解會失敗。所以凡事超越零嘅成績，都值得感恩。 Anything more than zero is blessing！因為有超越零嘅反應，即係代表有人對我哋嘅行動有善心，（面對）善心係一定要 say thank you﹗
初頭我都覺得文雋大哥開玩笑，竟然搵我拍電影，我又見幾好玩，拍攝環境又好有 heart，又係講李小龍，梗係想試一試啦！有提名我都未當係一回事，後來仲要攞到演藝嘅獎，我相信以我的 image，好多朋友都會覺得我攞電影歌曲獎合理啲，人生有時候真係會發生奇蹟嘅。
其實電影《李小龍》、舞台劇《蝦仔爹哋》、電視劇《結?分@謊程式》同埋「港男（選舉）」主持，都係可遇不可求。我係一個見一步行一步嘅人，加上又唔係職業演員，但可以 try做（港男）司儀、做舞台劇又同一班電視界精英合作，呢啲都係偷師好機會，我自己都好好奇。?家拍《結?分@謊程式》又可以同輝哥（張兆輝）、娥姐（商天娥）、修哥（石修）、心姐（謝雪心），仲有滕滕（滕麗名）做對手。我係一個憑好奇心向前行嘅小朋友，難得有咁嘅機會我就試嚇。
人生可遇不可求，老前輩成日講天時地利人和先會成功，同樣亦解釋咗點解會失敗。所以凡事超越零嘅成績，都值得感恩。 Anything more than zero is blessing！因為有超越零嘅反應，即係代表有人對我哋嘅行動有善心，（面對）善心係一定要 say thank you﹗
生存之道
《超級巨聲 2》將陳奐仁帶入屋，第 3輯一樣請極有觀眾緣的他擔任專業評審及參賽者教官，大家繼續互惠互利。
訪問中，陳奐仁最常跟我說的是「人生可遇不可求」這句。以為他是望天打卦的人嗎？看他這 36年的上半生，如果陳奐仁打算寫自傳的話，也夠材料寫一本奮鬥史——不但患扁平足和遺傳性痛風，時刻要面對尿酸過高的問題、被音樂老師狠批他的「歌聲很難聽」，更因他「先天看曲譜有障礙」而勸他放棄學鋼琴。最終他先後加入合唱團、遊泳隊及國家欖球隊，刻苦肥仔超額完成。
然而，自幼的耳疾毛病就無力回天了，現在他的右耳只剩 3、 4成聽力；而左耳僅存 5成，加上耳水不平衡，坐船坐車易頭暈作嘔。音樂人患耳疾，怕不怕變第二個貝多芬？「大吉利是，我唔會諗呢啲嘢?。」他咧嘴而笑，一副「見步行步、避到就避」的樂天模樣，我看不到貝多芬那種「我要扼住命運的咽喉」的氣魄，倒有點失望。難怪在他 17歲時因為轉校爭取獎學金讀日文不果，重返母校被全校視為叛徒而排擠針對，嚇得 5呎 4吋高的陳奐仁患上抑鬱症。
然而，自幼的耳疾毛病就無力回天了，現在他的右耳只剩 3、 4成聽力；而左耳僅存 5成，加上耳水不平衡，坐船坐車易頭暈作嘔。音樂人患耳疾，怕不怕變第二個貝多芬？「大吉利是，我唔會諗呢啲嘢?。」他咧嘴而笑，一副「見步行步、避到就避」的樂天模樣，我看不到貝多芬那種「我要扼住命運的咽喉」的氣魄，倒有點失望。難怪在他 17歲時因為轉校爭取獎學金讀日文不果，重返母校被全校視為叛徒而排擠針對，嚇得 5呎 4吋高的陳奐仁患上抑鬱症。
我唔可以笑
我在 1至 16歲嘅宗旨係全世界都係我嘅朋友，如果我對你好、你對我唔好，就係因為你嗰日心情唔好。唔緊要，第二日再嚟過。抑鬱症病發對我最大嘅打擊係唔可以笑。佢哋見我望女仔笑，就話我鹹濕。對男仔笑，佢哋又話我係 gay。如果你係 gay又點會係鹹濕呢？於是我唔笑，人哋又會散布好多謠言話「佢好寸」。以前所謂嘅死黨又會突然走埋嚟在我耳邊話，「喂，你小心啲！啲人話你唔掂，總之你小心啲！」跟住我就崩潰咗。
其實我唔憎佢哋，我係好驚，驚佢哋會傷害我。返到學又唔敢同人有 eye contact，心情好低落，但又唔會打人或者傷害自己嗰種。不過真係好低落到想唔返學，但唔返學我父母會發癲，惟有忍住返。到後來已經麻木咗，學識係當中搵個平衡位，即係生存到又冇乜大障礙咁，淨係知「好囉，可以打欖球囉」，因為在欖球隊個排擠情況冇咁大，所以都算係一種安慰。
捱過校園霸淩的人，還相信人性本善嗎？
20歲初入兵營，當時抑鬱病仲未好曬，我被編入拆彈組反而諗通咗。我用咗一個方法令自己平衡番，每日我都攞咗張紙，用鉛筆係上面篤一篤，呢張紙就代表個兵營，而我在個兵營入面只係丁屎咁細（指鉛筆一點），我嘅抑鬱、我嘅痛苦算什麼？所以就同自己講唔好再諗，就咁捱過咗 2年半（兵役）。
我好幸運，係一個天生樂觀嘅小朋友，好鍾意笑。我相信「我對你好，你就對我好」呢種幼稚嘅諗法，因為我本質就係咁。?家我學識同現實貼緊，調正番自己嘅看法，「生命係辛苦，但快樂可以好簡單」﹗
陳奐仁與女友、前四季酒店公關經理 Prima相戀 5年，他在活動上對女友一見鍾情，更欣賞女友口才了得和夠果斷，現時女友已辭職專心擔任陳的助手。《忽然 1周》圖片
《李小龍》監製文雋和導演葉偉民，因在電視上看到陳奐仁和 MC Jin唱歌而邀約二人加入劇組，最後陳奐仁以不足廿分鐘的戲分贏到「最佳新演員獎」。
天佑肥人
陳奐仁自言起步慢，勝在肯用功，而後發先至，連不看金庸的我聽後也聯想起郭靖。
「點解呀？靖哥哥？黃日華？哈哈，『問世間，是否此山最高……』，我要打（電話）畀華哥﹗」陳奐仁演郭靖，應該夠綽頭夠破格吧？
「郭靖佢太蓋世英雄啦，我想像唔到自己可以有咁風光嘅成就，以後會唔會風光我唔知，總之我耷低頭，一步一步嚟行，因為之後嘅事冇人估到。之前冇人估得到我今年可以拍電視做主持，做音樂劇攞到金像獎，可能除咗剛才你嗰位同事啦，哈哈哈！」指的就是我一位通曉玄學命理的同事，恰巧他又是陳奐仁的粉絲，有緣相聚自然贈言兩句：「其實 Hanjin好有福氣?，顴又高眼又靚、眉又夠濃、對手又有肉喎，只係佢細個捱得辛苦啲啫。佢人品又好啦，『鼻頭有肉，內心冇毒』，聽過未？人緣好，多貴人幫佢，事業運又好啦，一直到六、七十都行緊大運。」即是苦盡甘來，天佑肥人啦。
看著陳奐仁那雙比女人更白嫩的手掌，相比降龍十八掌，我想這位「靖哥哥」最耍家的應該是天下至陰至柔、拳招糊裏糊塗卻能克敵制勝的七十二路空明拳了。
撰文：孫月華
攝影：黃家活
服裝： Division One
[FACE周刊第230期]星座達人 「看書增運法」
2011年10月19日
2011年10月19日
10月 19至 25日預測：
轉眼間秋天已來臨，大家切實感受到日短夜長，晚上亦是看書的最佳時間，今週不如介紹看書增運法吧！
大家不妨以星座書籍的種類作配對，首先白羊座配人性化書籍；金牛座配時裝雜誌；雙子座配懸疑小說；巨蟹座配愛情小說；獅子座配室內設計；處女座配啟發思考書籍；天秤座配教人儲蓄的書本；天蠍座配戰爭紀錄書；人馬座配詩集；山羊座配星座圖鑑；水瓶座配歷史課本；最後雙魚座配宗教書籍。
本週 NO.1
天秤座 24/ 9- 23/ 10
今週是天秤座季節的最後一週，多少感到目標近在眼前，如果未見有這個跡象，你便要發力再加把勁爭取，命運女神正看著你。 21、 22日屬中吉運之日，這些日子宜為已開始的工作作出跟進。 25日屬暢順日，最好趁機為目標積極行動。週末出席交友飯局有機會降臨，預測會與治療系異性結緣。
幸運日 25日
一敲即響
黑仔日 19、 20日
招風招雨
幸運物黑皮靴
本週 NO.2
雙子座 22/ 5- 21/ 6
今週是雙子座的暢順月的最後一週。如有必須出擊的事項，不妨放膽出擊，因現時正是最適當時機。 25日屬暢順日，全體運極佳，愛情運亦出現殘留的餘運，預測 19、 20日將與溫柔的異性結緣。 21、 22日更將與口才出眾的異性出現戀之預感。 23、 24日屬凶日，宜集中精神於工作上。 25日到尖沙咀有艷遇。
幸運日 25日
擁有一星照萬里運
黑仔日 23、 24日
恐防力不從心
幸運物公主袖外衣
本週 NO.3
水瓶座 21/ 1- 19/ 2
下週開始踏入凶月，今週可完成的事請盡量於今週完成，別找藉口延遲實行，否則連今週最後的餘運亦自動放棄。 21、 22日行心機一轉運，宜展開新工作，如在辦公室工作的人，宜策劃新路向，甚至提出新見識。 25日是好日，如為新計劃繼續努力進取，應很快有成果，否則要等到下一個好日再發力爭取吧！
幸運日 25日
屬暢順日宜處理重要事
黑仔日 23、 24日
小心因疲勞而導致的意外
幸運物鏈墜
本週 NO.4
天蠍座 24/ 10- 22/ 11
今週將真實地感到人氣高企。 19、 20日於蘭桂坊出現戀之預感，如有時間，不妨多外出。 21、 22日屬凶日，要隨時以工作情緒度過，萬事別主動出擊，如被朋友邀約出街便可以，但因有意外運出現，出街時別穿得太暴露。 23、 24日預測於朋友婚宴或家庭派對有緣分降臨。健康方面，小心筋骨痠痛。
幸運日 19、 20日
宜處理工作上的瑣碎事
黑仔日 21、 22日
凡事多阻滯
幸運物外語書籍
白羊座 21/ 3- 20/ 4
今週屬心機一轉運月的最後一週，別留下要執手尾的工作。 19、 20日屬凶日，該兩天宜處理必要做的工作，運勢差的日子，可在該兩天處理，運勢差的日子，小心言辭，因白羊座人士比較心直口快，於運勢差的日子，很易出口得罪人。 21、 22日屬暢順日，亦是容易出現好結果的日子，預測會開心度過，宜為將來而增值的事積極行動。 23、 24日行低迷運，恐防秘密被揭。
幸運日 21、 22日
戲院出現戀之預感
黑仔日 19、 20日
恐防遠水不能救近火
幸運物手造工藝品
金牛座 21/ 4- 21/ 5
23日開始，心情改變，愉快的情緒將圍繞著你。下週開始是心機一轉運之月，屬大運年中的心機一轉運，請有意義地利用這個運勢令自己飛躍進步、夢想成真。處於心機一轉運時期，宜作新挑戰，別錯過機會，當然每日要睇準運勢而出擊，因心機一轉運亦有機會包含吉凶混合運，如於運勢不佳日子，恐防會偏向凶運居多。
幸運日 23、 24日
預測出現命運之戀
黑仔日 21、 22日
恐防四面楚歌
幸運物最新手提電話
巨蟹座 22/ 6- 22/ 7
愛情運上升，心情亦相繼轉好。但現仍處於凶月，每日要看準運勢，遇到運氣差日子，必要以被動身份度過。 19、 20日屬吉日，好快就輪到暢順月，不妨於暢順日做定準備，但記住積極還積極，出擊時必要提醒其他人，以免被人誤會。健康方面，因天氣轉涼，小心因著涼而導致發燒。
幸運日 19、 20日
運氣佳但必要慎言
黑仔日 25日
恐防難逃虎口
幸運物新款 mascara
獅子座 23/ 7- 23/ 8
凶運突入前的一週，要謹慎度過。 19、 20日別自我中心，要為其他人著想才有運行，同時別計算及猜度別人，萬事要付出真心。 21、 22日屬暢順日，我行我素未必是壞事，但萬事最好請教別人的意見才實行。因獅子座人士一向自我中心，以後要顧及周圍的環境而行事。 25日行中吉運，人緣運亦屬中上，從事營業人士要把握機會。
幸運日 21、 22日
行善為樂
黑仔日 19、 20日
小心足部受傷
幸運物鬆身上衣
處女座 24/ 8- 23/ 9
今週冇高潮起伏，預測會平靜度過。 19、 20日互聯網為你帶來好運，之前未開始搜尋過的工作資料，宜積極瀏覽搵料。 21、 22日行小吉運，到令心寧平靜的地方有運行，預測會出現戀之預感。 23、 24日於高地有契機，不妨去山頂或 ifc的餐廳進餐吧！健康方面，小心有水難，去廁所及洗澡時要提醒精神。
幸運日 23、 24日
愈高愈行運
黑仔日 21、 22日
提防假仁假義
幸運物附蝴蝶結衣服
人馬座 23/ 11- 22/ 12
雖然今週比較穩定，但運勢差的日子，難免發呆甚至出錯，要提醒精神度過。 19、 20日行低迷運，恐防自掘墳墓。 21、 22日屬暢順日。但 23、 24日又轉為凶日，想開心購物及拍拖應於 22日星期六進行，星期日就別期望過高。 25日行中吉運，預測集體行動為你帶來成果。健康方面，小心腰患發作。
幸運日 21、 22日
要風得風
黑仔日 23、 24日
一波一平一波又起
幸運物豹紋衫
山羊座 23/ 12- 20/ 1
今週運勢緩慢回復，但 19、 20日恐防晴天霹靂，如想消災解難，不妨買一件新的衣物，就算內衣或新襪亦不拘，可為你辟邪，但不建議你買白色的上衣，因進餐可能會染上汙漬。 21、 22日行低迷運，如不明智的行動，只怕白費之前努力過的心機。 23、 24日屬吉日，宜處理重要事。
幸運日 23、 24日
天馬行空有契機
黑仔日 25日
下半年最大級凶日
幸運物附布碎的針織衫
雙魚座 20/ 2- 20/ 3
今週總是情緒低落過日，要記住希望在明天。 19、 20日會與值得信賴的人結緣，說不定對方是你以前認識的人，可能是你忽然想起值得依靠的人。 21、 22日預測會與戴眼鏡的異性結緣，就算戴眼鏡人士不是你心儀的類型，但不妨先傾偈後了解吧！ 23、 24日預測遇上你心儀類型人士，不妨到灣仔一行碰運氣吧！
幸運日 19、 20日
宜為下週計劃
黑仔日 25日
恐防被黑雲籠罩
幸運物格仔衫
本欄作者 イー ネ（洋名 Irene）·主力負責日本體育報紙《產經新聞報》每日星座運程·她亦曾是女雜誌《女自身》、《 JJ》時裝雜誌星座專欄家。 Irene曾算中世界盃優勝國家·甚至雅典、南韓兩屆奧運會日本柔道選手的勝敗。現於《產經新聞報》（ http://www.sanspo.com/）的「每日占蔔」、《 Fuji晚報》於逢週五刊載的「 Irene之占星術×風水」及《女自身》中「一摘千金占蔔」撰寫專欄。她的個人網頁中（ http://irene.ne.jp/blog）亦每日 update她的「 Lucky Lunch」連載。
註： 12星座因為派別學說的問題，在日期上的區分有一天差異，如你剛巧誕生在邊界日期，不妨把前後兩個星座運程預測作參考。
統籌：畢芷慧
翻譯：何家文
阿佘留在內地更有發揮的餘地，不僅身價高，也可以吸引到更多的觀眾觀看，賺取更多的人氣，簡直就是一舉兩得。阿佘在內地的電視劇也陸陸續續在開播上映。相信不管是阿佘的哪一出戲大家都會很愛看的，因為你已經被觀眾所認可的TVB“視後”，相信今年的視後一定是屬於人氣最旺、演技最真、長得最漂亮的阿佘所獲得。慢慢的阿佘也在走向國際，到時讓全世界的人都看到你的實力，讓說你壞話的人無言以對。希望阿佘能夠繼續拍戲供大家欣賞，不管別人怎麼說怎麼看，只要記住：佘迷們永遠在你身後挺你。相信觀眾的支持可以帶給你力量。也希望阿佘繼續奮鬥創奇跡，我們等待你成為國際影後的那一天。
非常期待阿佘和胡軍合作的《建元風雲》，希望阿佘在蒙古拍戲能夠多注意身體。阿佘真的很棒，短短時間獲得的榮譽就多不可數，才過了沒多久又再次榮幸出席韓國大型頒獎禮，證明了阿佘實力的雄厚，也證明了阿佘越來越棒，越來越厲害，而且阿佘現在演技也越來越棒，相信下一屆、以後每一屆的視後獎都非你莫屬，阿佘演的戲都很棒很好看，現在人氣大旺，也已經有越來越多的導演找你拍戲，希望再過不久能夠看到你拍張藝謀導演的戲，相信到時的阿佘就會是國際影後了，也希望阿佘能夠繼續拍出更多的戲給喜歡、支持你的人看，你的付出終會得到回報。希望過不了多久，這位美麗又善良、漂亮又可愛的女人可以成為國際上的影後，贏得更多人的青睞。
阿佘真的很棒，短短時間獲得的榮譽就多不可數，才過了沒多久又再次榮幸出席韓國大型頒獎禮，證明了阿佘實力的雄厚，也證明了阿佘越來越棒，越來越厲害，而且阿佘現在演技也越來越棒，相信下一屆、以後每一屆的視後獎都非你莫屬，阿佘演的戲都很棒很好看，現在人氣大旺，也已經有越來越多的導演找你拍戲，希望再過不久能夠看到你拍張藝謀導演的戲，相信到時的阿佘就會是國際影後了，也希望阿佘能夠繼續拍出更多的戲給喜歡、支持你的人看，你的付出終會得到回報。希望過不了多久，這位美麗又善良、漂亮又可愛的女人可以成為國際上的影後，贏得更多人的青睞。
