2013年11月8日 星期五

多年積怨 杜汶澤勁藐溫兆倫冇品 杜汶澤,溫兆倫,MW,




媽咪姐

多年積怨 杜汶澤勁藐溫兆倫冇品

近年北上搵食嘅溫兆倫,可能完全忘記咗自己係香港人,早排竟然喺微博呼籲各位香港傳媒唔好再搵佢喎!正所謂癲開有條路,近日佢不停喺微博發布愛國論,更連人帶 IP舉報一啲「反愛國」嘅網友,即刻被圍插,仲令杜汶澤忍唔住爆粗鬧佢:「 X樣!」

嗱,阿澤不平則鳴,大家都知!但佢唔妥溫兆倫就唔係今時今日嘅事嘞,大家記得俾溫兆倫 hurt得好深嘅陳梅馨(現名陳明君)嗎?兩人 93年撻着,據知拍拖期間,溫多次向陳借錢唔還,分手後,溫生仲面皮厚到向陳追索 14萬拍拖使費!而陳明君同阿澤前度顏仟汶係深交知己,所以仟汶同阿澤都聽過唔少溫生嘅事跡,講真吖,真係好難唔鄙視囉!再講,阿澤同溫兆倫喺 06年一個演藝人協會活動上碰過頭,當時佢哋仲「唔覺意」發生撞膊事件!

不過最令阿澤火起嘅,應該係因為月前溫兆倫喺微博 post過自己已故爸爸嘅相,仲話原來個樣好似「杜汶澤哥哥」,又話:「難道我爸當年他跟……哈哈!」向來最錫媽媽嘅阿澤梗係即時喺網上發炮:「再搵我老母講笑我打 XX你!」媽咪姐只想講,溫生你係咪食得國內黑心食品太多呀?個心變曬色喎。四個字,好自為之啦!

微博起浪

48歲嘅溫兆倫近年主力喺內地拍劇,不時 post啲愛國相呀文呀上微博,仲做埋「金手指」,你頂得住無?

賤男經典

《蘋果日報》圖片

93年溫兆倫同首任妻子離婚後,同顏仟汶好姊妹陳明君拍拖,三年後分手,仲向女方追拍拖費!另一經典係, 02年佢用菠蘿包追掂郭羨妮,又係 3年後散,有傳女方為佢還債。

前度力撐

離開娛樂圈多年、喺西貢開餐廳嘅顏仟汶,表示不屑同溫兆倫扯上任何關係:「對呢種人不如算啦!希望佢尊重自己尊重人。」而問到佢有冇同阿澤聯絡時,仟汶大方話:「依家各自有一個美好家庭,以前啲嘢無謂講啦!我只想講阿田(田蕊妮)做倀雞英真係好好睇、好入戲。」



. 多年積怨 杜汶澤勁藐溫兆倫冇品 杜汶澤,溫兆倫,MW,
http://hittt.blogspot.com/2013/11/mw_1388.html
. 多年積怨 杜汶澤勁藐溫兆倫冇品 杜汶澤,溫兆倫,MW,
http://hittt.blogspot.com/2013/11/mw_1388.html
. 多年積怨 杜汶澤勁藐溫兆倫冇品 杜汶澤,溫兆倫,MW,
http://hittt.blogspot.com/2013/11/mw_1388.html
. 多年積怨 杜汶澤勁藐溫兆倫冇品 杜汶澤,溫兆倫,MW,
http://hittt.blogspot.com/2013/11/mw_1388.html
. 多年積怨 杜汶澤勁藐溫兆倫冇品 杜汶澤,溫兆倫,MW,
http://hittt.blogspot.com/2013/11/mw_1388.html