2013年11月28日 星期四

換畫 巨胸 Barbie甩花心男 唱片闊少速上場




探熱針

換畫 巨胸 Barbie甩花心男 唱片闊少速上場

巨胸 Barbie夏尉喻上月被拍到跟六呎靚仔 Jerry夜蒲蘭桂坊後,男友即被起底是溝女王,戀情見光死, Barbie雖為花心男喊到暈倒入院,但事隔一個月,又再有闊少上釣,新歡是被指貌似王力宏的環星娛樂唱片太子爺張子豐。

為討好 Barbie,張子豐不單晨早陪食早餐,又安排司機接送開工;男友全方位照顧, Barbie亦以低胸 pink look吸實新歡,冧爆!

做阿四送返工

在電影《喜愛夜蒲 3》以 35D巨胸拋離其他女角的 Barbie,早前出席香檳活動被追問花心男友 Jerry的風流賬時,竟激動到暈低,要急召救護車送入院。據了解,自從戀情曝光, Jerry即以「唔想俾人再影相,怕影響工作」做藉口,跟 Barbie提出分手。

不過, Barbie只是傷心了一個月,便有新歡登場。日前,本刊發現環星娛樂的太子爺張子豐,晨早十點出現在 Barbie寓所外,過不久,便見左手拉喼,右手攞住大袋準備出發去開工的 Barbie落樓,張子豐即撲上前做阿四,之後過馬路去 Starbucks食早餐,兩人毫不避忌揀了門口當眼位坐低,邊食邊講近一粒鐘,食完早餐,男友體貼地送 Barbie上保母車,到中環髮型屋整頭開工。

二人在西環張子豐老豆開的日本餐廳井川食晏,更揀了角落位,擺明唔想被人騷擾。

食完日本菜,張子豐揸車到數碼港,跟 Barbie睇戲。

臨入場,兩個人先到小食部買爆穀,張子豐全程笑曬, Barbie則邊行邊食。

拍拖食飯睇戲

第二日, Barbie不用開工,二人又約見面。下午兩點幾,全身粉紅 look低胸背心襯毛毛外套的 Barbie,跟住張子豐到西環男友老豆投資的日本餐廳開餐,見 Barbie喜歡食海膽,張子豐叫完一板再一板,又親自動手,將海膽用紫菜包住給女友享用, Barbie唔好意思叫男友自己食,二人你推我讓,大耍花槍,一餐飯食足兩個鐘。

返港兩年,張子豐雖然唔熟路,但為過二人世界,寧願唔用司機自己揸車,飯後二人再到數碼港睇戲,臨入場,剛食完日本菜的 Barbie又叫男友買大杯裝爆穀,勁擦得。

Barbie要開工,張子豐朝早先在門口等她,然後幫手拉喼到 Starbucks食早餐。

在 Starbucks買完早餐,張子豐左望右望,搵定位跟 Barbie撐枱腳。

一粒鐘後,張子豐安排公司車送 Barbie去開工。

太子做 PA

「其實 Barbie同子豐今年拍王晶部《黑色喜劇》嗰陣已經見過,不過當時子豐做緊 PA未做歌手,之後再喺朋友聚會撞番,子豐就借啲意約 Barbie。子豐喺加拿大讀電影,返香港後佢冇即刻入老豆間唱片公司,反而去咗王晶間電影公司由 PA做起,又幫尹光拍咗個《 MR. ONE》 MV,網上點擊率有成七十幾萬; Barbie覺得佢唔係嗰啲玩玩嚇嘅有錢仔,加上早排為咗 Jerry件事唔開心,子豐知道佢甩拖,又成日搵住佢,所以好快就撻著。」知情者說。

個多月前, Barbie被拍到繑實 Jerry在蘭桂坊夜蒲,不過見光後,二人即告分手。

《蘋果日報》圖片

貴為太子爺,但 Barbie的新歡張子豐甘願由低做起,在王晶的電影公司當 PA。在電影《黑色喜劇》同阿 Bob合作。

同呂珊有關係

力追 Barbie的 26歲環星娛樂唱片太子爺張子豐,其父張國林同樣跟圈中女藝人扯上關係。有指他五年前離婚後跟呂珊一起,呂珊因此以半個老闆娘身份成為「環星」台柱。

在加拿大修讀電影的張子豐,回港後不靠父蔭,選擇由低做起,在電影公司做 PA,及父親公司旗下歌手尹光、 Angela、 Kelly Jackie的 MV,全由他一手包辦。



. 換畫 巨胸 Barbie甩花心男 唱片闊少速上場
http://hittt.blogspot.com/2013/11/barbie.html
. 換畫 巨胸 Barbie甩花心男 唱片闊少速上場
http://hittt.blogspot.com/2013/11/barbie.html
. 換畫 巨胸 Barbie甩花心男 唱片闊少速上場
http://hittt.blogspot.com/2013/11/barbie.html
. 換畫 巨胸 Barbie甩花心男 唱片闊少速上場
http://hittt.blogspot.com/2013/11/barbie.html
. 換畫 巨胸 Barbie甩花心男 唱片闊少速上場
http://hittt.blogspot.com/2013/11/barbie.html