MC Jin：推劇開心到喊？ MW,

媽咪姐

MC Jin：推劇開心到喊？

早排鄧萃雯喺加拿大開佈道會，大爆多年來對無綫嘅不滿。早前 MC Jin為一間鬼佬教會做信仰分享，亦自爆推咗唔拍《衝上雲霄Ⅱ》，真係好開心。咦！又多個「性格巨星」？

聽落去先知，原來喺開拍《衝上Ⅱ》嗰陣，撞正佢老婆 Carol喺美國生仔。 MC Jin話：「個人好亂，我知呢個機會好難得，呢套劇一出肯定好勁，但我放唔低老婆同個仔。同 TVB高層、經理人傾咗好耐，最後祈咗好多次禱，都係決定唔拍！因為得唔到平安。你依家問番我有冇後悔或可惜？一啲都冇！」佢仲話原本有機會喺《神鎗狙擊》做謝天華手下，不過最終都推埋，因為要照顧啱啱出世嘅囝囝。

媽咪姐好實際，忍唔住問 MC Jin係咪嫌錢腥？佢就有啲感觸，話父母曾經因為生意失敗，搞到一家人要住喺親戚屋企，過住寄人籬下嘅生活，所以依家好睇重親情。媽咪姐話，同囝囝相處嘅時光的確珍貴，搵奶粉錢都好重要。趁住 TVB青黃不接，「嗱嗱聲」拍番兩套劇，賺錢賺人氣啦。

MC Jin多女撐，離開會場嗰陣，又俾一班妹豬 fans𦧲住影合照。

梁靖琪聽 MC Jin分享，勁感動，喊到豬頭。臨走嗰陣，佢仲攬下 MC Jin，互相鼓勵。

Toby陪喊

雖然推咗兩套劇， MC Jin依然長做長有，最近忙拍新劇《點金勝手》，佢劇中兩位拍檔梁靖琪（ Toby）同王君馨都有嚟佈道會撐佢。

04年， MC Jin喺美國 rap界打響名堂兼出碟，可惜處女碟銷量得二萬張，事業直插穀底，幸得老婆 Carol不離不棄支持。

唔拍《衝上Ⅱ》

佈道會上，播放一條關於 MC Jin由出生，到入行、成家立室嘅剪輯片段，當中提到 11年底， MC Jin有幫《衝上雲霄Ⅱ》拍片花供節目巡禮之用，但最終都推咗。

近年信主嘅藝人經常講見證，《忽周》報道過鄧萃雯喺溫哥華鬧爆 TVB，依家到 MC Jin爆喊分享。

MC Jin喺台上講講吓流下男兒淚，佢話冇見喺美國嘅囝囝兩個月，好掛住佢！

. MC Jin：推劇開心到喊？ MW,
http://hittt.blogspot.com/2013/10/mc-jin-mw.html. MC Jin：推劇開心到喊？ MW,
http://hittt.blogspot.com/2013/10/mc-jin-mw.html. MC Jin：推劇開心到喊？ MW,
http://hittt.blogspot.com/2013/10/mc-jin-mw.html. MC Jin：推劇開心到喊？ MW,
http://hittt.blogspot.com/2013/10/mc-jin-mw.html. MC Jin：推劇開心到喊？ MW,
http://hittt.blogspot.com/2013/10/mc-jin-mw.html