2013年3月23日 星期六

電戲道:林峯鄭少秋鬥Chok

林峯鄭少秋鬥Chok


電戲道:林峯鄭少秋鬥Chok

      

鄭少秋演大俠角色向來被形容為風流倜儻,當年就有扮嘢秋之稱,若換成今天潮語,一定被叫chok秋。江山代有chok王出,現在的林峯已是新一代chok的標記,今次兩代chok王在電影《忠烈楊家將》狹路相逢,秋官覺得自己從來不chok,只是不經意由心散發出來,林峯則豪言:「瞓醒就係。」兩代chok王都自詡「自然chok」,誰較優越,大家自行判斷吧。撰文:魯萍

【香港上映日期:4月4日】林峯與鄭少秋繼04年無綫劇《血薦軒轅》後,最近在電影《忠烈楊家將》再續父子情,不同的是飾演楊令公的秋官多了吳尊、鄭伊健、周渝民和於波等兒子,兒子輩論身形和外貌都不弱,當中演楊五郎的林峯更被公認為chok到爆燈,不過秋官早有扮嘢秋之名,當年的楚留香何等風流倜儻,迷倒萬千師奶,若果當年有chok這個字,秋官堪稱chok王之首。



■鄭少秋(右)和林峯兩代chok王繼無綫劇《血薦軒轅》後,今次再在電影《忠烈楊家將》相遇,兩人互笠高帽,互讚有型。攝影:陳俊強

林峯鄭少秋鬥Chok

■林峯輕鬆擺出chok甫,果然是chok王!



■秋官不覺自己chok,因為一切都是由心散發出來。

林峯瞓醒就Chok

世人現實愛比較,chok也有等級之分,誰較優越?當林峯與秋官日前應要求擺chok樣影相時,林峯第一個反應是:「瞓醒就係,生活態度。」秋官就笑說:「已經chok咗,我哋嘅生活就係?啦!」不過秋官不認為自己愛chok:「我唔係,只係好不經意咁,由心散發出嚟,其實每個人都有自己優點,好似戲入面做我一班仔嘅演員都有唔同感覺。」他續說:「林峯我唔知點形容佢,個個都話佢chok,我會話佢型;吳尊好得意,個樣似女仔,除咗衫好大隻,天使面孔魔鬼身材形容一個女人嘅話,可唔可以形容吳尊呢?諗唔到更貼切形容;仔仔(周渝民)真係好憂鬱,純品靚仔;於波夠殺,台灣人意思係好man,好有男人魅力;我,我自己想做一個好典範,唔好帶壞班細,點知俾伊健做咗我個位,成個大哥哥咁照顧其他人。」令秋官覺得最窩心是靚仔主角雖然多,但大家沒搶戲,一條心互相照顧。

瞓醒就chok的林峯,在訪問中段休息期間,拿出iPad將自己的新歌《Nice》MV騷給秋官過目,記者指林峯跳舞依然chok,秋官就堅持說:「係型呀!」如果說秋官是chok的始祖和一代chok王,林峯是否認同?林峯說:「首先,我係受呢位前輩影響,以前合作過,而佢將舞台上最美好一面展露出嚟,應該畀最好嘅觀眾睇,我一直都講,chok唔係一個樣,而係生活態度,我首歌《Chok》歌詞已經表達曬個意思,部戲未開拍之前,我哋都有研究過呢個字,秋官尤其係古裝,所有觀眾都知楚香帥幾咁風流倜儻。」在林峯眼中,鄭少秋也是型並非chok。

林峯鄭少秋鬥Chok

■秋官(右)飾演的楊令公起初代子出征,卻慘被敵軍圍困。

《忠烈楊家將》劇照

林峯鄭少秋鬥Chok

■林峯飾演的楊五郎血戰沙場。

《忠烈楊家將》劇照

秋官永不言休

秋官對上一部電影已是94年的《笑林小子II之新烏龍院》,他表示在內地單是拍電視劇已經分身不暇,對演戲從不厭倦的他,雖年屆66歲,卻永不言休,秋官幽默地說:「冇人搵咪退囉!唔做唔得?,千祈唔好退,唔係就長休?喇!我老竇講過,佢退休時唔知做乜好,好似冇咗明天咁,個人好sad,以前拍戲為生活,??家有份工,夠就算。」

髮型:Franco Chung of Hair Corner

化妝:Raymond Yip

避咀戲留畀千語



■林峯不介意與女友吳千語合作拍戲。資料圖片

林峯有了新戀情,最近他公開指不希望女友吳千語拍咀戲,幸好《忠烈楊家將》講忠孝仁義而非男女私情,林峯毋須為角色獻咀,林峯也很公平,除了千語BB,其他人他不想獻吻:「咁多年嚟,除非劇情需要,我係避得就避,真係遇過好多劇情唔需要,為錫而錫case,可以用其他嘢代替。」

「應該點就點」

大方公開戀情後,林峯剖白心底話:「拍拖係人之常情,由一開始我都冇諗過要隱瞞,我從來冇set過自己係偶像派,冇話每次行出嚟都set個靚樣,只想專心做好每個角色,但唔係話冇束縛,我哋好想有私人空間,應該點就點,咁講唔係自我,最重要知道人生追求啲乜,我唔可能因為工作而冇愛情冇咗自己。」他坦言沒去了解fans有多接受吳千語,他說:「我做緊一樣正常行為,錫我嘅人應該祝福我,兩個人一齊為乜要咁辛苦?我光明正大囉!我??家認真面對人生。」事業搏殺期,但愛得投入的林峯聲言的確有認真想過結婚問題,他說:「我都三字頭啦!每個男人都會有呢個諗法,我冇偶像包袱。」

雖是合作拍戲撻著,成為情侶後,林峯可會抗拒和女友合演情侶?他說:「唔會,我覺得冇避開嘅必要,反而覺得一齊拍戲有更多機會相處。」

故事簡介:七子出征救老父



■鄭伊健飾演的楊大郎最後奮戰而死。

《忠烈楊家將》劇照

電影《忠烈楊家將》講述北宋初年,遼國對中原虎視眈眈,幸得楊家將力保江山。在柴郡主比武招親中,國丈潘仁美(梁家仁飾)兒子潘豹被楊七郎(付辛博飾)錯手所殺,令兩家結怨。遼國攻宋,潘仁美自薦出任抗遼元帥,要求楊家六郎(吳尊飾)和七郎擔任先鋒。楊令公(鄭少秋飾)心知對方不懷好意,因而代子出戰。宋遼兩軍在金沙灘對壘,宋軍在形勢大好下,後方負責支援的潘仁美突然鳴金收兵,令楊令公身受重傷,被困於兩狼山山城。楊家七子得知老父命危於金沙灘遇險,立即決定出兵營救,佘太君(徐帆飾)為救夫忍痛讓七個兒子出征……



.電戲道:林峯鄭少秋鬥Chok
http://veryy8.blogspot.com/2013/03/chok.html
.電戲道:林峯鄭少秋鬥Chok
http://veryy8.blogspot.com/2013/03/chok.html