都是那些年：梁琤為父母一退一進
提起梁琤，大家會記起她是身手靈活的打女黑貓，同時又是無綫劇《金枝慾孽》中弱質纖纖的福貴人，亦剛亦柔，本可有更佳發展，但梁琤更重視親情，減少演出為陪患病爸爸，現在再現無綫，也是為媽媽。
撰文：羅美倫
梁琤04年拍完《金枝慾孽》後便離開無綫，這些年甚至連內地劇也少拍，原來她減產是為陪伴患癌的爸爸，梁琤日前說：「我同爸爸好好感情，叫佢做o靚仔，叫阿媽做玲玲，聽到爸爸患癌好震撼，我係長女，全家人睇我頭，全程陪爸爸，同佢睇醫生做化療，覺得親人最重要，諗番以前只係衝衝衝，後尾慢慢開始放慢，有啱至拍。」那時梁琤為治爸爸的病，聽說攬成都千年樹會將病治好，她就帶爸爸去，所以過去數年，產量甚少，直至兩年半前，梁琤爸爸走了，她的世界足足停頓了半年，也發覺親情最寶貴，總算覺得無憾。
■梁琤重返無綫拍劇，為的是讓媽媽看到她的演出而安心。
攝影：陳志嵐
髮型、化妝：Ling Ng of LB Make Up Studio
■91年拍電影《黑貓》，令梁琤成功塑造出打女形象。
最想演奸角
爸爸離世後，至去年底無綫斟梁琤簽約，促使她更快復原，她說：「咁啱我個超級粉絲玲玲，即係我阿媽，問我究竟幾時先返無綫拍劇，佢問咗好多年，咁啱時間配合到就簽。」梁琤在《烈火雄心》及《金枝慾孽》的演出讓觀眾印象深刻，再回來，可有期望？梁琤說：「好想演啲從未演過嘅角色，例如奸角，從未做過，個個都話我做唔似奸。」
■梁琤95年拍《影子敵人》被火燒傷，手部留下不可磨滅的疤痕。
圖片
■在加拿大參與慈善演出時，梁琤做出一字馬動作。
■梁琤與林保怡合作《金枝慾孽》，梁琤飾演的福貴人也獲好評。劇照
90年參加亞姐入行，今年43歲的梁琤以打女成名，近年拍劇雖較少動作，但即使拍笑戲，依然會被安排若幹動作戲份給她，問她想不想再打？她笑言：「打！打有打好睇，只要啱，打都唔介意。」提起當年打女的辛酸，梁琤由朝到晚打足18小時，累得她見到他他米就瞓，在這邊睡著，翌日已被人搬到另一邊，最難忘化妝時都扯住鼻鼾，雖辛苦，但她自覺幸運：「我辛苦有人知，但幕後無名英雄辛苦冇人知，我喺上海拍戲見過替身跌落嚟後腦落地，即時大小便失禁，18歲嘅小朋友咋。」
■曾做纖體代言人的梁琤，笑言現在寧拍打戲，也不想性感嚇親人。
被火傷留痕
至於95年拍《影子敵人》時被火燒傷，現時手部仍留有明顯傷痕，但她說起來仍輕描淡寫：「只係??家拍爆炸戲有啲怯，記得爆時有團火球包圍我，之後大家好緊張，我都緊張攞塊鏡望嚇自己個樣，成個爆炸頭，冇眼眉、眼睫毛，個嘴似漢堡包咁。」她續說：「好彩啲火唔係正面嚟，否則面就好似手咁留疤痕。工作人員好關心，但一手拉我，我成塊皮甩咗，去到醫院好似豉椒鳳爪咁。」當年梁琤向家人瞞住傷勢，結果媽媽在醫院看到她時喊到似開水喉，梁琤說：「媽喊到豬頭，嗰刻我都喊，唔係因為燒傷，係因為令佢哋擔心，所以多年嚟我要自己做得健康啲，唔想做錯嘢令家人承受。」
至於感情生活，文靜的梁琤坦言像紙般白，她說：「自從做打女，啲人驚死我打佢咁，埋嚟嘅男人都問我係咪好打得，我相信緣份，個天安排自然會嚟。」
.都是那些年：梁琤為父母一退一進
http://veryy8.blogspot.com/2013/03/blog-post_25.html.都是那些年：梁琤為父母一退一進
http://veryy8.blogspot.com/2013/03/blog-post_25.html
