2013年3月4日星期一

香港電影工作者總會「演藝人年度傑出表現獎」得獎名單

香港電影工作者總會「演藝人年度傑出表現獎」得獎名單

香港電影工作者總會獎項名單

由香港電影十大屬會合組而成嘅香港電影工作者總會，今晚喺九展舉行二十週年春茗，現場將頒發獎項予歌影視等唔同組別嘅傑出表現藝人。

各獎項如下：

「專業貢獻獎」張同祖、許冠文、林超、黃希雲、陳景森、陳其銳、丁羽、徐松鶴、張耀宗、周國忠

「電影傑出表現男演員」︰張家輝

「電影傑出表現女演員」︰毛舜筠

「電視傑出表現男演員」︰馬國明

「電視傑出表現女演員」︰楊怡

「電台傑出表現男主持」︰周國豐

「電台傑出表現女主持」︰何利利

「音樂傑出表現男歌手」︰陳奕迅

「音樂傑出表現女歌手」︰G.E.M

「會員推選2012年度最傑出攝影獎」︰潘耀明(聽風者)

「2012年度專業眼中最具魅力男演員獎」︰謝霆鋒

「2012年度專業眼中最具魅力女演員獎」：Angelababy

「2012年度新演員獎」︰顏卓靈(大追捕)

「2012年度新晉導演獎」︰周顯揚(大追捕)

「2012年度最受推介電影」︰《春嬌與志明》、《車手》、《寒戰》

「2012年度傑出導演」︰彭浩翔《春嬌與志明》、鄭保瑞《車手》、陸劍青《寒戰》

馬國明獲獎眼濕濕　楊怡呵番

馬國明同楊怡今晚喺九展出席香港電影工作者總會春茗，兩人獲頒「2012電視傑出表現男/女演員」，馬明話：「上次係陳豪攞，今次攞到拍檔好大功勞，楊怡得獎仲感動。」馬明BB講到眼濕濕，真情流露，身旁楊怡即為佢攞紙巾兼拭淚，令馬明靦腆話﹕「我好眼淺，sorry，因為今次由幕後工作者投票，好大鼓勵。」楊怡聽完先恍然大悟話﹕「係咩？唔知呀？我都好感動，視後係觀眾投，有幕後人認同好珍貴。」

馬國明BB獲獎後一時感觸落淚，楊怡即遞紙巾拭淚。

馬明BB，唔好喊啦﹗（設計對白）

幫你印乾眼淚，乖呀﹗（設計對白）

楊怡（右）幫馬明抹眼淚，唔知羅仲謙會唔會呷醋？

馬國明（左）同楊怡分膺演藝人電視傑出表現男/女演員，恭喜曬﹗

視後楊怡曬腿。

霆鋒獲最具魅力男演員　自嘲冇嘢做幫手湊仔

由香港電影十大屬會合組而成嘅香港電影工作者總會，今晚喺九展舉行二十週年春茗，現場將頒發獎項予歌影視等唔同組別嘅傑出表現藝人。獲頒「2012年度專業眼中最具魅力男演員獎」嘅謝霆鋒話﹕「可能係攝影師同導演眼中有呢樣嘢。」

有指霆鋒有意同房祖名聯手炒舖，被指買咗成條擺花街，佢急著否認話﹕「講笑之嘛，唔好咁講，唔係我買蛋撻都俾人鬧，做人要安份守己。」對於前妻張栢芝成票房毒藥，被迫要返大陸做騷跳舞，霆鋒表示﹕「我就冇嘢做，佢大把嘢做，我要幫手睇仔。」佢表示o依家係單身，問到佢係咪無心拍拖？佢就話﹕「如果話冇就真係唔會有，所以我講幾時都要有(心)。」

霆鋒同埋四哥一齊嚟，即成為焦點。

霆鋒幾時都咁有型。

Baby臨時到場突然攞獎

Angelababy（楊穎）臨時到場出席電影工作者總會春茗，原本名單她並沒有獲獎，最後大會增設頒發「最具魅力女演員」給她，她表示剛與餘文樂在深圳拍廣告，問到是否覺得樂仔跟吳雨霏拍拖後開心不少？她說：「佢一直都好開心！（同佢分享感情？）冇！大家都係工作。（春風滿臉？）識佢第一日都係！」她表示得獎是近兩年不停拍戲的成果，自認是新人一定要謙卑。

Angelababy 同霆鋒各攞最具魅力獎。(蘋果日報)

相Angelababy攞最具魅力獎，相信係實至名歸啦！

G.E.M.與Eason齊攞獎唔敢認天後

G.E.M.（鄧紫棋）出席電影工作者總會春茗，與陳奕迅（Eason）獲頒「音樂傑出表現男女歌手」，最近被指囂爆的G.E.M.，不敢認為是跟Eason平起平坐：「唔好咁講，好大壓力，但好開心，係專業人士代表選！我16歲入行，一路畀人感覺好小朋友，依家要成熟！（向天後之路進發？）唔好咁講，我做好自己嘢！（以後叫你天後G.E.M.？）嘩！唔好咁講啦！」

春嬌第三集搵吳雨霏　千嬅：「梗係搵我啦」

九展舉行嘅香港電影工作者總會春茗，有唔少演藝人出席，有楊千嬅、彭浩翔、G.E.M.、馮德倫同埋溫碧霞等。而有份演出嘅《春嬌與志明》獲頒「最受推介電影」，千嬅當然好開心啦，不過你嘅拍檔樂仔名草有主喇，第三集嘅春嬌會唔會讓位畀吳雨霏？千嬅好大反應話﹕「我公司投資嘅，梗係搵我啦，如果佢想配樂仔，叫過第二個投資者。」

千嬅曾代言嘅護膚品牌資生堂被指有致癌物質，千嬅表示﹕「我係五、六年前做過，消費者用前會做資料搜集，假設有事佢（資生堂）都會改善。」

千嬅一貫大笑姑婆本色。

溫碧霞好sharp醒。

《春嬌與志明》有獎，點少得導演彭浩翔呢？

馮德倫