2013年2月21日 星期四

[壹週刊]拍拖 3個月契妹契出火 馬國明接收唐詩詠

唐詩詠陪馬國明慶祝生日,更搵來林子善及黃嘉樂等人做掩護,將三個月的感情盡量低調處理。


娛頭

拍拖 3個月契妹契出火 馬國明接收唐詩詠

2013年02月21日

39歲的馬國明,自從陳豪被陳茵媺留為己用後,跳升成為無綫頭號筍盤,不少花旦姐仔爭住企圖「落訂」做明嫂。眼花撩亂揀唔定,同胡定欣又拖拖拉拉,糾纏超過三年;直到半年前,胡定欣釣到開廣告公司男友沈柏淳( Patt),才撤離太古城撇清同馬國明關係,與現任男友同居渣甸山,全力箝實新歡。

終於放手!馬國明亦唔輸蝕,同原本以兄妹相稱的唐詩詠,暗地搞埋一齊。二月十二日,唐詩詠便陪住馬國明過生日。

放大圖片

胡定欣是馬國明唯一承認過女友。

放大圖片

未發現記者前,兩人黐得埋之餘,更傾得十分開心,唐詩詠不時嘴角含春。

放大圖片

唐詩詠未到,馬國明悶悶不樂,同一名男友人吹水。

放大圖片

唐詩詠在微博上公開祝馬明生日快樂,更講明「愛你」同加上愛心圖案。

放大圖片

發現記者後,兩人分開坐,扮生疏。

放大圖片

記者要求合照,唐詩詠彈到九丈遠。

放大圖片

林子善見場面尷尬,於是作狀送馬明 Birthday Kiss。

打情罵俏

由兩年前決定同胡定欣分手開始,馬國明雖已被一眾無綫姐仔吼到實,但由於前度未完全放手,令一眾對馬明流曬口水的姐仔不敢輕舉妄動,選擇睇定嚟食。

空置多時筍盤,最近終於有新「住客」。據了解,馬國明與唐詩詠在三個月前開始秘密發展,由原本契兄妹,演變成戀人關係。

上星期三(二月十三日),馬明三十九歲生日,生日宴早在前一晚,於大坑林子善所開的龍鳳冰室舉行。晚上七點,馬明離開太古城寓所揸車落大坑,唐詩詠未到,壽星與朋友吹水打發時間,但全程卻表現得心不在焉。

八點十五分,馬明終於見到唐詩詠出現,即時回復生猛!二人有默契地坐埋一齊,唐詩詠不時含情脈脈望住男友冧笑,完全當身邊的林子善、黃嘉樂等人不存在,互相打情罵俏。

姐仔嗒糖

陳豪被陳茵媺私有化後,馬國明接棒成為無綫「筍盤」,合作過的花旦不時乘機示好,躍躍欲試。

李詩韻

放大圖片

09年,二人合作《鐵馬尋橋》,性格溫柔的李詩韻一度成功令馬國明嗒糖,主動追求,又不時做外賣仔送早餐消夜氹女友。

唐詩詠陪馬國明慶祝生日,更搵來林子善及黃嘉樂等人做掩護,將三個月的感情盡量低調處理。

朱晨麗

放大圖片

去年,馬國明與朱晨麗在《名媛望族》中演夫妻,之後又再合作《衝上雲霄 2》,有傳二人日久生情,早前二人出席宣傳活動後,馬國明做柴可夫接送朱晨麗當場斷正。

賈曉晨

放大圖片

11年,有指馬國明與 JJ拍攝劇集《飛虎》時撻著,二人在片場公然以「老公」、「老婆」相稱。

徐子珊

放大圖片

08年,馬國明與徐子珊合作《甜言蜜語》,女主動追男,二人被發現穿同款同色情侶波鞋。

直至唐詩詠發現有記者影相,於是迅速彈開兩個身位,同馬明保持距離,打邊爐時又刻意冇乜交流,之後記者要求他們合照,馬明索性拉住林子善做擋箭牌,唐詩詠就自動自覺企到最側,叫唐詩詠送 Birthday Kiss,她更加尷尬,幸林子善轉數快,即刻作狀錫馬明,幫手解圍。

放大圖片

兩人向來合拍,之前在活動上見馬國明流曬汗,唐詩詠好細心幫他抹汗,當時她更表示過只要馬國明開聲追,她隨時 ready。

放大圖片
放大圖片

冧爆回應

本週二,馬國明返電視城開工,春風滿面向記者大派利士,更開腔狂讚唐詩詠係好女仔。

放大圖片

唐詩詠同崔建邦拉鋸了七年,早前決定只保持普通朋友關係。

放大圖片

大半年前,唐詩詠搬去陳茵薇桃花屋隔籬單位,結果同樣釣到筍盤。

放大圖片

唐詩詠大曬買了棵心形花,暗示感情生活心花怒放。

唐詩詠陪馬國明慶祝生日,更搵來林子善及黃嘉樂等人做掩護,將三個月的感情盡量低調處理。

掌握一切

馬明同唐詩詠合作《鐵馬尋橋》開始熟絡,與劇中幾個兄弟鄭嘉穎、林子善同黃嘉樂更以兄妹相稱,當中唐詩詠與馬明感情最好,之後再合作《真相》及《紫禁驚雷》,二人更變做情侶,其時正值唐詩詠與崔建邦經常離合階段,每當情緒低落,馬明都不時陪住開解,又勸她對崔建邦死心,對唐詩詠的感情狀況完全掌握。

「馬明最初真係當 Natalie係自己妹咁,但相處得耐,開始對佢由憐生愛,男友(崔建邦)衰咗咁多鑊, Natalie都仲死心塌地好專一,同埋兩個人性格好啱,都係唔蒲唔爛玩;但馬明最鍾意係 Natalie孝順,同佢一樣以屋企行先,撐起成頭家。大家慢慢發覺共同話題愈來愈多, Natalie又對拖拉咗好多年嘅崔建邦徹底心死,只當係普通朋友,天時地利,令佢哋發展成為拖友。」馬國明身邊人說。

搬入桃花屋

早前唐詩詠曾公開表示想同陳茵媺一樣,可以搵到個筍盤,於是搬了去與豪嫂住埋同一屋苑清水灣半島,仲要住正陳茵媺隔籬單位。風水旺桃花,一搬即中!

被唐詩詠「進駐」筍盤,馬明雖然例牌否認,但就一副冧樣狂讚。

「我哋唔係拍拖,嗰晚仲有好多人一齊食飯㗎。( Natalie好唔好,有冇資格做你女友?)佢好好,簡直一流,又乖又俾心機做嘢,佢係好女仔嚟嘅!(點解唔認,要搞地下情?)暫時仲未係,將來嘅事就未知,個個可能性都有機會。」

放大圖片

箝仔同居

放大圖片

馬國明前度胡定欣,同男友拍拖半年已經去到同居關係,兩人以月租五萬租住渣甸山花園大廈。

放大圖片

連日來胡定欣與男友阿 Patt出入同一大廈,但被問到是否同居,兩人都講大話否認。

放大圖片
放大圖片

之前被指有公主病要人服侍的胡定欣,現在經常做司機接送男友。

同居箝實

至於馬明的前度胡定欣,出盡法寶多番死纏,都無法令馬明食回頭草,唯有改變主意,另擒目標。半年前,終於搞掂開廣告公司的沈柏淳( Patt),兩人發展極速,胡定欣更一早帶男友見曬家長,又公開表示希望四年內,三十五歲前結婚,還公開講明,現任男友是結婚對象。

為了進一步箝實男友,胡定欣由原本住近馬明的太古城,搬了去月租五萬元渣甸山,與男友同居試婚,又做埋司機不時接載男友出入,搣甩公主性格。

不尋常關係

圈中情侶為保戀情,常借「兄妹」、「契哥」關係做煙幕,契契嚇契出真感情的,大有人在。

唐詩詠陪馬國明慶祝生日,更搵來林子善及黃嘉樂等人做掩護,將三個月的感情盡量低調處理。

張栢芝、謝霆鋒

放大圖片

00年,謝霆鋒與張栢芝拍電影《老夫子》結緣,栢芝之後在慈善騷中表演飛車受傷入院,霆鋒到場探望,當時二人以兄妹相稱,否認拍拖。兩人一度因為王菲介入分開,但最終復合, 06年 9月更飛菲律賓小島秘婚,誕下兒子 Lucas及 Quintus兩子,至 11年離婚。

吳卓羲、 Toby

放大圖片

兄妹相稱的吳卓羲及 Toby,去年到三亞拍《衝上雲霄 2》外景時,被拍得深夜在酒店泳池水戰,其間更多次互攬互摷,離開時又手拖手,但二人仍以「兄妹情」解畫。

佘詩曼、麥子樂

放大圖片

曾經多次同阿佘合作的麥子樂,被對方一直以「契細佬」稱呼,去年拍拖到大坑食雪糕斷正。

女食家

靠「姣」上位的胡定欣,多年來公開癡戀馬國明,但亦嗒盡不少無綫小生,屬於「食家」類別。

唐詩詠陪馬國明慶祝生日,更搵來林子善及黃嘉樂等人做掩護,將三個月的感情盡量低調處理。

吳浩康

放大圖片

99年,與吳浩康參加《新秀歌唱比賽》認識, 01年開始秘密拍拖, 06年二人攬腰行街令戀情曝光,後因莊思敏介入分手。

馬德鐘

放大圖片

04年,胡定欣在《衝上雲霄》中飾演馬德鐘細妹,有傳二人關係曖昧,試過被拍得齊齊蒲 disco,馬德鐘駕車帶胡定欣返家。

郭政鴻

放大圖片

07年,與郭政鴻合作《野蠻奶奶大戰戈師奶》,有指二人經常相約食消夜飲酒,胡定欣更以「我條仔」稱呼對方。

吳卓羲

放大圖片

多次與吳卓羲合作的胡定欣, 05年拍《西廂情緣》時,胡定欣收工要對方車埋自己,又有人目睹二人漏夜搭的士返屋企,翌日女方開工時著同一套衫。



.[壹週刊]拍拖 3個月契妹契出火 馬國明接收唐詩詠
http://veryy8.blogspot.com/2013/02/3_21.html
.[壹週刊]拍拖 3個月契妹契出火 馬國明接收唐詩詠
http://veryy8.blogspot.com/2013/02/3_21.html