2013年2月9日 星期六

《老表,你好嘢2!》最快年尾開續集




《老表,你好嘢2!》最快年尾開續集

《老表》最快年尾開續集 (17:29)

王祖藍昨晚在《老表,你好嘢!》飯局上透露,此劇的續集和電影版最快也要年尾才成事,應該由原班人馬拍攝全新故事。提及傳聞會邀請張敬軒參演,王說:「不排除這個可能,劇集變得出名後較易邀請其他人演出。」

演員自扲荷包 請食飯睇結局

王祖藍同細細粒陳嘉佳、鬼妹陳明恩等,噚晚到屯門睇《老表,你好嘢﹗》大結局,祖藍話係一班幕前演員夾錢請幕後食飯,預算每人要夾幾千至一萬元;祖藍又講笑咁話,戲份愈多嘅要夾嘅錢愈多。———嘩,睇嚇張大合照,成18個人,如果每人俾三千蚊,都成五萬幾,食咩食要食咁貴呀﹗

祖藍表示希望大結局收視過40點,但問到過40點時,係咪會同女友李亞男結婚慶祝,祖藍即拋個波畀郭晉安同歐倩怡,仲話:「叫佢哋再生多個,佢哋肯再生就結婚,不過自己冇咁快,都要等我買咗樓先,總之要努力工作。」



祖藍話戲份愈多嘅要夾嘅錢愈多,你噚晚都由頭帶到尾喎﹗

若有42點收視 萬綺雯即露42吋長腿

42歲嘅萬綺雯(蚊蚊)噚晚到屯門睇《老表,你好嘢﹗》大結局,佢喺劇中「易姑娘」大受歡迎,形象入屋;有指劇集會開拍續集,蚊蚊亦有聽聞過,至於係咪好恨拍時,蚊蚊笑笑話:「點樣恨唔恨,續集有得一齊已經好開心。」

人氣急升嘅「易姑娘」雖然工作忙爆,但農曆新年總算可以陪家人,佢已經計劃好同老公陳十三去旅行。講到結局收視,蚊蚊笑指希望收視同自己長腿一樣、有42點,咁到時係咪露42吋長腿慶祝先?佢即刻話:「自己不嬲都有露啦。」有好嘢就唔好收埋喇,繼續露腿啦﹗



蚊蚊著成咁,完全係因為天氣凍。



晴晴王菀之唔肯拍續集,易姑娘你氹嚇佢啦﹗

安仔小丸子十指緊扣 否認婚變



安仔同小丸子老婆歐倩怡噚日節目豐富,下午帶埋囝囝令山行花市,夜晚就拍拖睇劇集大結局。

噚日有報道大字標題話郭晉安同歐倩怡兩公婆為咗大仔令山而成日嗌交,仲嚴重到分房瞓。就快新年見到啲咁嘅新聞咪話唔擔心,幸好只屬虛驚一場,佢兩公婆係為咗囝囝搵學校嘅事有嘈過,但安仔一向聽曬小丸子老婆話;而且分房瞓都只係為咗訓練囝囝自己去廁所而已。

兩公婆噚日下午帶埋令山行花市,入夜後兩人拍拖拖去屯門睇《老表》結局,拖住手仔到場,表現恩愛。安仔話:「唔知點解有呢啲報道,我哋兩個之間有時為小朋友有爭拗,但係好嘅方面,係勞心勞力嘅一面,亦都有分房瞓,但係陪小朋友, 一個陪好過兩個一齊陪。」安仔強調兩夫妻間冇不和,絕對冇影響夫妻間感情。

冇事就一天都光曬,開開心心過新年啦﹗

細細粒唔拍《一路向西》續集



細細粒唔拍《一路向西2》都好嘅,始終佢形象啱啱入咗屋,真係唔係好適合拍呢啲戲。

細細粒陳嘉佳同鬼妹陳明恩因為劇集《老表,你好嘢﹗》帶挈人氣急升,噚晚兩個「小可愛」一齊都屯門睇大結局,賣咗身俾無綫嘅肥妹自爆今年豬籠入水過肥年:「多咗工作,有5位數字,希望能突破5位啦,都比以往肥咗(指收入多了)少少。」

肥妹笑言若收視過40點,就會食40吋Pizza慶祝,並表示十分期待拍續集。不過肥妹話已推咗三級片《一路向西2之泰西》,因為劇情要講粗口,佢驚會影響形象,而且要到泰國拍攝,到時佢又要開新劇,所以佢會以無綫工作為主。

至於鬼妹就話冇計算收入增加幾多,但就笑指若收視過40點嘅話,會著衫遊水,佢解釋因為冬天關係,所以唔會除衫遊水。

張繼聰帶張謝安琪睇結局 振夫綱



父子情深……

《老表》大結局,大家一齊睇,噚晚潮潮張繼聰都有去,仲帶埋潮嫂去。邊個潮嫂?張謝安琪是也。即係以前人稱「謝繼聰」個老婆,謝安琪也是。

依家潮潮憑《老表》吐氣揚眉,佢自己都話,返到屋企,就大喝一聲……呼喝老婆咁大膽?潮潮話為咗演好《食為奴》歹角,要練惡形惡相喎。咁噚晚佢帶埋潮嫂同潮仔張瞻去屯門、同劇組一齊睇大結局時,有冇乘機呼喝老婆振夫綱呢?

冇。

噚晚潮潮抱住張瞻,同張謝安琪一家三口曬幸福,不知幾sweet。張瞻仲好得姐姐歡心,佢仲似乎對晴晴王菀之特別鍾意,攬到實一實。

同場仲有阿Bob兩公婆,帶埋兩個小公主﹕大女霏兒同細女熹兒出席,大嘅有少少怕醜,細嘅好鬼精靈,兩個好超得人鍾意呀﹗

其實同場仲有另一對「父子」,呢對父子仲當眾kiss kiss,但你會覺得……有啲hard……hardcore個hard。重口味也。因為呢對父子,爸爸係儍標/一潔/黃光亮,囝囝係蔡芯/黃光亮。



瞻瞻其實係似媽媽,對眼就似足爸爸張繼聰。



Kawaii﹗



晴晴姐姐抱抱﹗



張繼聰負責social,老婆謝安琪就抱仔同女士們講湊仔經。



阿Bob一家四口,三位女將都可人,阿Bob就…得意。



凸眼Monica D.對眼終於正常番,變番港姐季軍許亦妮。



瞻瞻第一次見鬼妹姐姐陳明恩,所以唔敢扭抱。



嘩…



wow…



.《老表,你好嘢2!》最快年尾開續集
http://veryy8.blogspot.com/2013/02/2.html
.《老表,你好嘢2!》最快年尾開續集
http://veryy8.blogspot.com/2013/02/2.html