主頁>娛樂圈 >娛樂追擊>畫畫示愛 夜瞓老麥 大劉情癡粉絲癲狂生活
華人置業主席劉鑾雄（大劉），最近身邊出現咗個情癡女粉絲，日日站在他的飯堂福臨門門口等偶像出現，更高舉自製的「Love，大劉」心意卡和大頭靚相，吸引大劉注意，可惜大劉連日來連眼尾都沒望過她。
本刊連日追訪，發現這位「癡女」名叫陳婷，今年二十五歲。她日頭大鬧福臨門向大劉示愛，夜晚就漫無目的四圍遊蕩，一時遊電車河，一時行便利店，行到攰就去老麥開餐兼瞓覺，一連多日連衫都冇換過。
她接受本刊專訪時，高呼自己是大劉真正的The One，又聲稱：「我鍾意佢（大劉）嘅腳板底！」極為神化！
陳婷喜愛畫畫，她在本刊記者面前即席揮毫，邊畫邊格格笑，笑了半個鐘，最終畫了大劉、嘉欣和自己，「上面個女仔係嘉欣，我係花，818係我生日，畫多啲心等大劉開心啲。」
陳婷上周四帶埋心意卡同照片，想親自送給大劉。她很緊張，叫保鑣踎低唔好阻住佢，但班保鑣睬佢都傻，將佢趕到另一邊車門，高度戒備。
我靚唔靚女？
洋名Alice的陳婷，上周三（9日）起一連幾日，每早十一點都拎住一個大膠袋，到福臨門等候心目中的「男神」大劉出現。她神神化化說早已探路：「我去過福臨門食過兩次飯，第二次佢哋已經知我係邊個。」
當日大劉如常於中午十二時半到達福臨門，陳婷一見偶像的車到即雙眼發光，拿著大大張心意卡欲衝埋去，卻被大劉的保鑣「行」實，埋不到大劉身。她失落地說：「保鑣好惡，攔住我，我同佢隔開好大距離呀！」
她一直等到大劉食完晏離開，但對方眼尾都沒望過她就匆匆上車。她見「男神」如此冷漠，邊走邊喊說：「根本係佢速度快，『蓬』一聲好似火箭咁上咗車，佢行得咁快，不如返火星啦！」
陳婷說自己在港無朋友，最大的娛樂是等大劉，其餘時間會在麥記通宵打躉。這天淩晨，她在半個鐘內，連環遊走兩間麥記，先在第一間打個圈，再到第二間度過漫漫長夜。
唱完K，陳婷漫無目的走到去電車站，坐電車到跑馬地，又再坐車去西環，行為怪異。
.[東周刊][娛樂追擊]畫畫示愛 夜瞓老麥 大劉情癡粉絲癲狂生活
http://veryy8.blogspot.com/2013/01/blog-post_8465.html.[東周刊][娛樂追擊]畫畫示愛 夜瞓老麥 大劉情癡粉絲癲狂生活
http://veryy8.blogspot.com/2013/01/blog-post_8465.html
