2012年10月26日星期五

[忽然1周]無綫放水搵外援　海味 6萬強勢返無綫

素顏掃貨 <br><br>19日下午 1時，海味揸車到銅鑼灣 shopping， 45歲的她雖然素顏加 casual wear，但樣貌身材都 keep得唔錯。

娛聞樂

無綫放水搵外援　海味 6萬強勢返無綫

2012年10月26日

無綫鬧花旦小生荒日漸嚴重，除了部分離巢外，本身的一線演員亦要求北上搵人仔，花旦寥寥可數。加上有收視保證的鄧萃雯因擺阿姐款被飛，無綫惟有急召昔日老將返娘家助陣。

早前無綫搵歐陽震華成功邀得半退休的關詠荷出山，今年更盯實中國劇後周海媚，貪海味（周的暱稱）有收視兼賣埠。

據知海味在國內拍劇價每集 18萬以上，今次因樂易玲同梁家樹多次遊說，故事、角色又啱心水，對手更是六度合作的張兆輝，故答應以超筍價 6萬一集回巢拍《神槍狙擊 2013》。雖然降價七成，但海味身價亦冠絕無綫一線親生女，比阿佘離巢價 3.5萬一集，差不多高成倍。

放大圖片

當日所見，海味由細舖掃到落 Max Mara，睇啱就買，足足掃了五、六袋才走人，絕不手軟。

放大圖片

離去時，助手幫她揹住戰利品上車。

放大圖片

之後四人直落鯉魚門食海鮮，海味更親揀龍蝦，食了二千多元，由海味埋單。

放大圖片

09年，周海媚與劉松仁拍《蔡鍔與小鳳仙》後，隔了三年多，才返無綫拍劇。

多年來，海味周海媚都是無綫福將，由她擔正的劇集，曾 6度成為無綫劇集收視冠軍，尤以 89年的《義不容情》及 97年的《大鬧廣昌隆》最為人熟悉。海味乃梁家樹愛將，近兩年無綫鬧演員荒，梁家樹積極聯絡舊演員，與他們度期合作。

去年尾，梁家樹已經吼實海味與張兆輝呢對組合，不過，當時張兆輝心大心細過唔過 CTI，而海味亦想無綫落實男主角才考慮。

直至年中，梁家樹與樂小姐雙劍合璧，與兩人幾次坐低傾，才促成合作。「 90年海味同輝哥（張兆輝）合作嘅《笑傲在明天》係收視冠軍，加上佢哋啱啱先合作完大陸劇《四大名捕》，大家好有默契。今次 TVB《神槍狙擊 2013》個劇本，海味角色有好大發揮，所以佢對今次合作都好期待。」知情者說。

放大圖片

本月 16日晚，海味與張兆輝（圈）為無綫拍攝節目巡禮。海味怒摑張兆輝的鏡頭，拍了一個 take導演已收貨。

放大圖片

拒簽親生女約

海味近日已秘密返港。為《神槍狙擊 2013》拍宣傳片，她還會出席 11月 8日的節目巡禮，幫無綫吸納廣告客戶。本來無綫有意招攬她再成為親生女，惟海味在大陸甚吃得開，無綫的如意算盤打唔響。

本月 16日，海味與張兆輝為節目巡禮拍短片，早上十點已開工。只見她精神奕奕說︰「 TVB每年都有搵我拍劇，今次古仔好，又同老拍檔張兆輝、謝天華合作，大家好熟。」問到無綫向她提出過簽經理人合約，她說︰「係傾過，但我鍾意多啲空間，簽 TVB會返香港拍劇為主，大陸相對少。呢兩年冇經理人，係最近先簽咗『星美國際』做經理人。」

無綫樂易玲被問到是否 6萬一集請海味回巢，沒有正面回應︰「 Tommy（梁家樹）同舊演員關係好好， keep住聯絡，至於價錢唔方便透露。海味個價，對 TVB嚟講係好貴，但比起佢國內（酬金）就有好大嘅優惠。（海味有冇要求作息定時？）合約冇寫到明，但知佢曾經身體唔舒服，大家會遷就。」

雖然海味減價回巢，但比起無綫現在一線的胡杏兒及楊怡，每集 3萬元的片酬，已經高出一倍，就連之前的鎮台老將鄧萃雯 4.5萬一集，海味仍高出一截，今次無綫算大手筆。