勝利在望 珍姐點名捧 5劇蕭正楠：捱死都制！
FACE週刊 第279期
電視台鬧小生荒，造就二綫小生有位攝，但要跑得出，先得高層寵愛。 喺無綫捱足10年嘅蕭正楠，最近終於被珍姐（曾勵珍）睇中，點名力讚有前途。
珍姐金口一開，蕭正楠即刻大把劇排住隊，雖然未算擔正孭飛，但難得可以密食，總有一劇會撲中。醒目蕭正楠亦死忠話：「冇諗過今年有咁多機會，真係捱到死都制！」
《仁心解碼 2》（拍攝中）
蕭正楠喺新劇《仁心解碼 2》做哨牙仔醫生，戲中仲拍住女神苟芸慧，真係葡萄死人！
蕭正楠喺無綫捱足 10年，今年終於俾珍姐中， 喺劇集《大太監》煞科宴同珍姐同枱，珍姐仲讚佢有進步。
35歲蕭正楠 02年唱歌出道，可惜發展一般，最令人難忘只係拍過餅家 凍廣告。 08年經當年無 綫非戲劇總監何麗全介紹入無 綫，雖然 keep住有劇拍，但冇乜邊套令人有印象。
死得好
直至 09年拍梅小青監製的《宮心計》，劇中飾演唐武宗，只得約 10集戲分，但臨死一幕令小青姐大讚，更引得珍姐留意，安排佢拍重頭劇《大太監》及《神探高倫布》。上週蕭正楠對本刊說：「珍姐好有威嚴㗎，記得《大太監》食煞科飯，同佢同 枱，佢同我講『有進步， keep住啦！』開心死，估唔到佢有留意我。」
拍劇多女圍
蕭正楠拍劇冇停手，緋聞亦唔少，同正印何傲芝拍拖 3年多，感情穩定。但每次拍劇都同女神合作，傳過唔少緋聞，不過蕭正楠落曬閘：「冇一單係真， 嚟緊兩年都係拍劇啦！唔諗其他 嘢！」
溝豪嫂
拍《法政先鋒 3》時被指對陳茵媺大獻殷勤，仲經常上載合照，更有傳佢想同陳豪爭女。
追女神
現忙拍《仁心解碼 2》同高登女神苟芸慧劇中做情侶，蕭正楠更中曬女神毒，有傳試過車苟姑娘返歸，苟姑娘亦直認同蕭係好好朋友。
拖正印
正印女友何傲芝，雖然多次被拍到拍拖，不過依然唔認。
戀人妻
蕭正楠出道時曾傳與同門 Toby梁靖琪拍過拖，更被拍得一齊唱 K。
唔恨內地劇
蕭正楠除咗拍劇，亦會北上登台，據知身價亦要 10萬蚊一場，上年有 40場咁多，力壓陳豪添！
上週五（ 21日），蕭正楠為新劇《仁心解碼 2》 喺太子開工，劇中拍住高登女神苟芸慧，緊接又要開《巨輪》穩做男二，下年更會同視帝視後黎耀祥和胡杏兒拍《巾幗3》。
拍劇冇停手，其實蕭正楠大陸有市，身價 8萬一集，不過佢話寧願賺少 啲都留喺香港，他說：「喺大陸拍多啲錢，但冇人睇到，我拍過套《大漠謠》冇上到，最後喺賣翻版嘅鋪頭見到出 咗 VCD，好心噏！冇諗過今年有咁多機會，真係捱到死都制！」識效忠唔反骨，難怪珍姐咁冧你。
輪住上
有珍姐撐真係唔使怕，淨係睇躁狂導演張永豪就知啦！蕭正楠 嚟緊同下年全部拍 嘅劇，都係珍姐旗下監製開拍，其中《大太監》更係今年台慶劇。
《巨輪》（將開拍）
《蘋果日報》圖片
蕭正楠第一次孭重飛拍陳展鵬，仲會同鍾嘉欣有感情戲。
《神探高倫布》（已完成）
劇中做黎耀祥助手，同馬賽有感情綫，主題曲亦由佢唱。
《大太監》（已完成）
落實為今年的台慶劇，劇中都係同祥仔鬥戲，更被珍姐讚做得好。
《巾幗梟雄 3》（年尾開拍）
下年重頭劇，雖然都係做男二，但隨時好似之前 嘅敖嘉年同麥長青咁跑出。
接棒第二隊
港星愛北上搵銀，令電視台小生花旦缺人，除咗令蕭正楠多咗機會，亦令其他小生上位。其中以大隻型男陳展鵬最掂，上年一套《真相》彈起，明頂馬德鐘空缺；另外仲有靚仔嘅陳智燊，替補馬浚偉位置。
粗獷男一 陳展鵬
《蘋果日報》圖片
未出街嘅有《叛徒》、《情越海岸線》，現忙拍《心路 GPS》之後再開《巨輪》，一年拍 4套劇。
斯文主角 陳智燊
明珠台主持出身，得珍姐賞識拍劇，今年首次擔正拍女神鍾嘉欣，合演愛情劇《幸福摩天輪》。
.勝利在望 珍姐點名捧 5劇蕭正楠：捱死都制！
http://hk8news-d.blogspot.com/2012/09/5_25.html
