思浩昨日重提舊事，依然激氣到眼泛淚光。
周星馳貴為香港影壇一哥，幾乎人人對他俯首稱臣，不過他出名得罪人多，梁思浩昨日接受now訪問，大爆當年拍戲曾被星爺虐待，不但問他：「死過老竇未呀？」更要他喊足17次卻只roll一次機，思浩發誓以後就算乞食，都不再拍星爺的戲。
周星馳最近被舊愛於文鳳追討7,000萬傭金，昨日梁思浩接受now的《娛樂審死官》錄影訪問踩多腳，大爆94年拍《國產淩淩漆》時被星爺虐待，他說：「98年喺無線已經識渠，當時大家都系TVB藝員同事，我哋合作拍劇集《大都會》，佢做我哥哥，之後大家做咗朋友，渠第一架車都系我賣畀渠，大家感情幾好。」
思浩當年拍《國產淩淩漆》，星爺要他喊足17次，但除第一次外竟冇roll機。
寧做乞兒唔再拍
94年，星爺開拍電影《國產淩淩漆》，當時 思浩在天津拍劇，收到星爺劇組人員的電話，基於兩人交情，他特地返港助星爺，講明是一萬元一組戲，他說：「去到片場見到周星馳，以為我哋系好朋友，就叫佢做星仔，點知佢冇理我，工作人員話要叫渠導演，我走埋去問渠：『導演，你要我點拍呢場槍斃打靶戲？』佢好大聲答：『喊呀，你識唔識喊呀做演員？』」
當時思浩不以為意，還指自己在圈中出名喊得，星爺聞言即說：「咁勁呀！哦，好呀，家講你打靶，拍啦！」思浩再問他要點喊？星爺竟說：「死老竇呀，死過老竇未呀？死老竇咁喊俾我睇，唔使對白，1、2、3、4咁數數到100。」結果思浩喊到聲嘶力竭，怎知星爺都不收貨，還發火勁鬧：「唔得呀，我要你死老竇呀，死兩次嗰只呀！」結果他喊足17次，由朝早10點喊到淩晨5點。
拍完後，導演李力持走過來跟思浩說：「除咗第一take外，之後都冇roll機。」思浩才知被星爺當馬騮玩，他眼泛淚光說：「雖然喊咗成晚，但收工我都喊住走，我同自己講，就算將來做乞兒，我都唔會再拍周星馳啲戲。」故幾年後有制片找他拍《食神》，思浩都寧願推掉。
.喊足17次roll得一次機 梁思浩控訴被星爺玩謝
http://hk8news-d.blogspot.com/2012/09/17roll.html
